Політэхнічны інстытут (станцыя метро)

Політэхнічны інстытут (укр.: Політехні́чний інститу́т, вымаўленне^ⓘ) — 6-я станцыя Кіеўскага метрапалітэна, размешчаная на Святошынска-Броварскай лініі паміж станцыямі «Шуляўская» і «Вакзальная».

«Політэхнічны інстытут» укр.: Політехнічний інститут
Святошынска-Броварская лінія
Кіеўскі метрапалітэн
Дата адкрыцця	5 лістапада 1963 года
Раён	Саламянскі
Тып платформаў	астраўная
Форма платформаў	простая
Даўжыня платформаў, м	101,0 м
Шырыня платформаў, м	15,5 м
Узведзена	Кіеўметрабуд
Выхад да вуліц	Ванды Васілеўскай, Політэхнічнага завулка, праспекта Перамогі
Час адкрыцця	05:40
Код станцыі	116
Суседнія станцыі	Вакзальная і Шуляўская
Медыяфайлы на Вікісховішчы

Г Р П Святошынска-Броварская лінія

умоўныя абазначэнні ЦЧ «Навабелычы» Навабілычы  Акадэмістэчка Жытомырска Святошын  Ныўкы Гаванскі шляхаправод Берасцейская  Шуляўска Політэхнічны інстытут Вакзальна +М      Унівэрсытэт Тэатральна +М Хрэшчатык +М Службовая галінка да Майдан Нэзалэжнасці Службовая галінка да Клоўскай Арсенальна Дніпро Мост Метро праз р. Дняпро Гідрапарк Русанаўскі мост Лівабэрэжна  +М  Шляхаправод над чыгункай ЦЧ-1 «Дарныця» Дарныця Чэрнігіўска Лісова

Гісторыя

Адкрыта 5 лістапада 1963 года ў складзе другой пускавой чаргі. Назва станцыі выбрана па яе размяшчэнню побач з Кіеўскім політэхнічным інстытутам.

Апісанне

Інтэр’ер станцыі адпавядае патрабаванням таго часу па барацьбе з «архітэктурнымі празмернасцямі», даволі стрыманы, мінімум мармуру, нават карнізы на пілонах адсутнічаюць. Але форма пілонаў пераклікаецца з тагачаснымі агульнымі тэндэнцыямі — навука, космас. Гэтую тэму падтрымлівае барэльеф пад назвай «У космас» на кантавой сцяне цэнтральнай залы.

Побач са станцыяй знаходзяцца Кіеўскі заапарк і медыцынскі інстытут. У пешаходнай даступнасці — станцыя хуткаснага трамвая «Політэхнічная».

Станцыя глыбокага залажэння. Мае тры падземныя залы — сярэднюю і дзве залы з пасадачнымі платформамі. Залы станцыі злучаныя паміж сабой шэрагам праходаў-парталаў, якія чаргуюцца з пілонамі. Падземны вестыбюль злучаны з наземным трохстужачным аднамаршавым эскалатарам.

Станцыя мае выхад на скрыжаванне праспекта Перамогі, Політэхнічнага завулка і вуліцы Ванды Васілеўскай. Наземны вестыбюль размешчаны ў чатырохпавярховіку па праспекце Перамогі, 35, у якім размяшчаецца адміністрацыя метрапалітэна.

Абсталяванне

Пілоны абліцаваныя жоўтым мармурам, звужаюцца да нізу і маюць вертыкальныя вентыляцыйныя рашоткі. Асвятленне цэнтральнай залы — закарнізнае; бакавыя залы асвятляюць светлавыя лініі, аформленыя папярочнымі шклянымі пласцінамі. У тарцы цэнтральнай залы — алегарычная барэльефная кампазіцыя, прысвечаная асваенню космасу — дзяўчына на фоне сярпа і молата. Лязо сярпа пераходзіць у трасу руху Спадарожніка-1, які ляціць да сонца.

Восенню 2015 года з барэльефа, у рамках працэсу дэкамунізацыі, быў дэмантаваны малюнак молата.

Рэжым працы

Адкрыццё — 5:45, закрыццё — 00:14.

Адпраўленне першага цягніка ў накірунку:

• ст. «Лясная» — 5:49
• ст. «Акадэмгарадок» — 6:00

Адпраўленне апошняга цягніка ў накірунку:

• ст. «Лясная» — 0:18
• ст. «Акадэмгарадок» — 0:29

Фотаздымкі

• 
  Цэнтральная зала станцыі
• 
  Барэльеф «У космас» у тарцы цэнтральнай залы станцыі
• 
  Від на эскалатарны нахіл
• 
  Пасадачная платформа станцыі
• 
  Форма пілонаў
• 
  Арнамент на сцяне платформы
• 
  Назва станцыі на шляхавай сцяне
• 
  Дзверцы на шляхавай сцяне з указаннем года адкрыцця станцыі