2015
yaro From Wikipedia, the free encyclopedia
La yaro 2015 (MMXV per Romala algarismi) esis ordinara yaro komencinta ye jovdio segun Gregoriala kalendario. Ol esis la 15ma yaro di la triesma yarmilo, la 15ma yaro di la 21ma yarcento, e la 6ma yaro di la yari 2010a.
| Historio > yarcento |
| Yarcenti: |
| 20ma21ma22ma
|
| Yardeki: 2000a • 2010a • 2020a • 2030a • 2040a |
| Yari: 2001 • 2002 • 2003 • 2004 • 2005 |
Eventi
Januaro
- 1ma di januaro - Lituania adoptas Euro kom monetaro.[1]
- 3ma til la 7ma di januaro - Boko Haram masakras habitanti di Baga, en Nigeria e mortigas plua kam 2 000 personi.
- 7ma di januaro - En Paris, du viri invadas la sideyo di satirala revuo Charlie Hebdo, mortigas du sekureso-homi e pafas kontre jurnalisti dum renkontro. Entote 12 personi mortigesas, di qui 8 jurnalisti.[2]
- 8ma di januaro - En la nord-esto di Nigeria, Boko Haram masakras cirkume 2 000 personi che urbeto Baga. Boko Haram kontrolas 70% ek la stato Borno.[3]
- 12ma di januaro - Armeo di Kamerun mortigas 143 kombatanti de Boko Haram.
- 13ma di januaro - Atako per obuso kontre autobuso en la regiono di Doneck, Ukraina, produktas 10 morti e 13 vunditi.[4][5]
- 14ma di januaro - Autobuso qua transportis karcerani kolizionas kun treno en Texas, Usa. Adminime 10 personi mortas.[6]
- 26ma di januaro - Anglikan eklezio ordinacas sua unesma episkopino, Libby Lane.
- 27ma di januaro - En Tripoli, Libia, du viri invadas luxoza hotelo Corinthia, pafas kontre viziteri e mortigas 9 en nomo di la Islamana Stato di Irak e Siria.[7]
Februaro
- 2ma di februaro - En Santiago, Chili, 78 ex-membri di la sekreta polico dum la diktatoreso di Augusto Pinochet kondamnesas ad enkarcerigo por 4 til 13 yari segun lia krimini.
- 2ma di februaro - En Nigeria, prezidanto Goodluck Jonathan eskapas de atento per bombo pos komico en nord-westo di la lando.[8]
- 5ma di februaro - Adminime 57 personi mortigesas dum atako di Siriana guvernerio kontre rebeli proxim Damascus.[9]
- 5ma di februaro - Adminime 90 personi mortigesas en Fotokol, Senegal, dum atako di rebela grupo Boko Haram.[10]
- 6ma di februaro - Segun la statala televiziono di Nijer, militisti sucese repulsis atako da Boko Haram kontre l'urbo di Bosso, sud-weste di la lando, e mortigis 109 membri dil grupo en la konfronto.[11]
- 6ma di februaro - En Estal Timor Xanana Gusmão renuncas a l'ofico di chefministro.
- 7ma di februaro - Adminime 22 personi mortas e 50 vundesas dum ataki per bombi en Baghdad, Irak.[12]
- 8ma di februaro - Atako da Boko Haram en l'urbo Diffa, Nijer, produktas adminime 1 morto e 10 vunditi.
- 8ma di februaro - Libian armeo anuncas ke li rikaptis militala bazo en Benghazi de la manui di islamana rebeli.[13]
- 9ma di februaro - Plu kam 20 enmigranti mortas pro koldeso en batelo proxim l'insulo di Lampedusa, Italia.[14]
- 13ma di februaro - En Peshawar, Pakistan, adminime 19 personi mortas pos atako per bombo kontre moskeo.[15]
- 21ma di februaro - Yemenana ex-prezidanto Abdo Rabbo Mansour Hadi abandonas Sanaa pos atako di shia islamana rebeli kontre lia domo.[16]
- 21ma di februaro - En Dubai, Unionita Araba Emirii, fairo en 79-etaja cieloskrapero kontrolesas rapide, e nulu mortis.[17]
- 24ma di februaro - En Uhersky Brod, Chekia, viro evante aproxime 60 yari eniras restauranto e pafas kontre klienti. Adminime 8 personi mortigesas.[18]
- 24ma di februaro - Tri ataki dal grupo Boko Haram en Nijer e Nigeria produktas 29 morti, di qui 27 en Nigeria e du soltadi en Diffa, Nijer.[19]
- 25ma di februaro - Diversa avalanchi en la nordo di Afganistan produktas plu kam 100 morti.[20]
- 26ma di februaro - En Kabul, Afganistan bombo-atako kontre vehilo de Turkian ambasadeyo produktas 2 morti.[21]
- 27ma di februaro - Boris Nemtsov, politikisto opozante a la guvernerio di Vladimir Putin, mortigesas en Moskva, Rusia, per quar pafi.[22]
- 27ma di februaro - La chambro di deputati di Italia agnoskas Palestinana stato.[23]
- 28ma di februaro - La prezidanti Dilma Rousseff de Brazilia e José Alberto Mujica de Uruguay inauguras en Colonia del Sacramento sistemo di eolala generatori qui furnisos elektro a la du landi.[24][25]
Marto
- 3ma di marto - Volkano Villarica eruptas en Chili, e koaktas l'evakuo di plua kam 3.000 personi.[26]
- 4ma di marto - Explozo en karbono-mineyo en Doneck, Ukraina, mortigas adminime 30 personi.[27]
- 11ma di marto - Nigeria anuncas ke simultana atako per Kamerun, Chad e Nijer posibligis rikonquestar 36 urbeti okupita da Boko Haram, inkluzite 3 en la stato Borno.[28]
- 11ma di marto - Usa anuncas riestabliso di direta telefonala servo kun Kuba.[29]
- 14ma di marto - Forta ciklono frapas Vanuatu e produktas adminime 8 morti ed efektigas granda destruktado.[30]
- 16ma di marto - Adminime 4 personi mortigesas e 5 vundesas pro suocidint-atako kontre policeyo en Helmand, Afganistan.[31]
- 18ma di marto - Kamiono kun bombi explozas dum atento en Safuan, Irak, proxim la frontiero kun Kuwait, e produktas adminime 3 morti e 8 vunditi.[32]
- 20ma di marto - Du suocidant-ataki per bombi en Sanaa, Yemen, mortigas 137 personi e vundas 357.[33]
- 21ma di marto - En New York fairo en edifico che la quartero di Brooklyn mortigas adminime 7 pueri e vundas 2 adulti.[34]
- 25ma di marto - En Artemivsk, Ukraina explozo di terala torpedo dum paso di omnibuso produktas adminime 3 morti.[35]
- 27ma di marto - Denis Sassou Nguesso anuncas ke la konstituco di Republiko Kongo modifikesos por posibligar ilu konkurencar por la triesma foyo a la prezidanteso.
Aprilo
- 2ma di aprilo - En Garissa, Kenia, grupo di Somaliana Islamana teroristi atakas domo por studenti e mortigas 147.[36]
- 11ma di aprilo - Barack Obama renkontras formale Raúl Castro en Panama-Urbo, l'unesma renkontro di la chefi di Usa e Kuba por rinormaligar la diplomacala relati inter la du landi, pos Kubana revoluciono.[37]
- 23ma di aprilo - Italiana rivogardero salvas 84 enmigranti qui transportesis en batelo qua sinkis en Mediteraneo.[38]
- 25ma di aprilo - Ter-tremo kun forteso 7.9 che la skalo di Richter frapas Nepal e produktas plu kam 1.300 morti ed efektigas granda destruktado.[39]
Mayo
- 1ma di mayo - Milital avioni de Saudi-Arabia bombardas rezidala quartero en Sanaa, chef-urbo di Yemen, e produktas 8 til 10 morti.[40]
- 5ma di mayo - Pos plu kam 50 yari voyaji tra paromi inter Usa e Kuba posibligesas.[41]
- 9ma di mayo - En Jalisco, Mexikia, centi de personi protestas kontre la violento de organizita krimino, qua produktis 17 morti dum la 1ma di mayo.[42]
- 17ma di mayo - Talibani anuncas ke li exekutis suocidant atako kontre automobilo proxim l'aeroportuo di Kabul, Afganistan, qua mortigis tri personi - di qui 1 esis Britaniano - e vundis 18 plusa homi.[43]
- 17ma di mayo - Islamana Stato anuncas ke ol prenis kontrolo di Ramadi, Irak, pos intensa kombati.[44]
- 23ma di mayo - Måns Zelmerlöw vinkas l'Euroviziono-Konkurso di Kansono kun ilua kansono Heroes.
- 26ma di mayo - Suocidant atako kontre tribunalo en la provinco Maidan Wardak, Afganistan, mortigas adminime 6 personi e vundas 3.[45]
- 29ma di mayo - En Nigeria Muhammadu Buhari divenas prezidanto.[46]
- 30ma di mayo - Adminime 11 personi mortigesas en Maiduguri, Nigeria pos atako da membri de Boko Haram.[47]
- 30ma di mayo - Ter-tremo kun forteso 8.5 che la skalo di Richter frapas Japonia.[48]
Junio
- 1ma di junio - Ameenah-Garib Fakim divenas l'unesma muliero prezidantino di Maurico.[49]
- 2ma di junio - Joseph Blatter, chefo di FIFA, renuncas pos korupto-skandalo.[50]
- 5ma di junio - Islamana Stato anuncas la kapto di Harwa, urbo en Libia.[51]
- 7ma di junio - Atako per bombo en merkato di Maiduguri, Nigeria, produktas 16 morti e 24 vunditi.[52]
- 9ma di junio - Adminime sep personi mortas e 20 vundesas pos du suocidant-ataki en la westo di Irak.[53]
- 16ma di junio - Egiptiana korto judicias ex-prezidanto Mohamed Morsi a dumviva enkarcerigo.[54]
- 17ma di junio - Islamana Stato revendikas atenti per bombi qui mortigis plu kam 30 personi en Sanaa, chef-urbo di Yemen.[55]
- 21ma di junio - Adminime 15 personi mortigesas pos aeral-ataki en la provinci Saada e Marib, en Yemen.[56]
Julio
- 2ma di julio - Kombati en Aden, Yemen, mortigas 12 personi.[57]
- 2ma di julio - En Mali sis soldati de Burkina Faso membri dil paco-trupi de Unionita Nacioni mortigesas dum atako proxim Timbuktu.[58]
- 8ma di julio - En Kolumbia FARC anuncas unilater armistico pos la 20ma di julio.[59]
- 9ma di julio - Reprezenteri de Brazilia, Rusia, India, Chinia e Sudafrika anuncas en Ufa, Rusia, la kreado di banko por financar projeti pri substrukturo en la kin landi.[60]
- 10ma di julio - En Indonezia volkano Monto Raung eruptas, e kin aeroportui klozesas.[61]
- 11ma di julio - Bombo explozas avan la konsuleyo di Italia en Kairo, Egiptia. Adminime 1 persono mortigesas e 4 altra vundesas.[62]
- 14ma di julio - Pos 20-monata negocii, Iran signatas pakto kun Usa, Unionita Rejio, Rusia, Popul-Republiko Chinia e Germania qua posibligas Iran mantenar lua nukleara centrali, kambie posibligar internaciona inspekti e ne developar nuklear armi.[63]
- 15ma di julio - Adminime 28 talibani mortigesas dum bombardo da Usan avioni en la provinco Nangarhar, Afganistan.[64]
- 17ma di julio - Adminime 120 personi mortigesas e 130 vundesas pro suocidant atako en la provinco Diyala, Irak.
- 19ma di julio - Egiptian armeo anuncas ke 59 jihadisti e 7 de lua soldati mortigesis dum kombati en Sinai.[65]
- 25ma di julio - Avioni de Saudi-Arabia bombardas l'urbo Taiz, en Yemen, ed adminime 55 personi mortigesas.[66]
- 27ma di julio - En India, teroristi atakas autobuso e medikala centro en Gurdaspur, Punjab, proxim la frontiero kun Pakistan, e mortigas 6 personi.[67]
Agosto
- 5ma di agosto - Fragmenti dil aviono Boeing 777 de Malaysia Airlines flugo 370, qua desaparis la 8ma di marto 2014 trovesas apud insulo Réunion.
- 24ma til 31ma di agosto - Eventas Ido-konfero en Berlin, Germania.
- 30ma di agosto - Associated Press raportas ke la Islamana Stato demolisis la Templo di Bel.
Septembro
- 4ma di septembro - En Hungaria, 6 radikali atakas refujanti kun grenadi en treno-staciono di Budapest.[68]
- 17ma di septembro - Adminime 14 personi mortas en du bombal atenti en Baghdad, Irak.[69]
- 18ma di septembro - Bateleto kun ekmigranti qui voyajis de Libia ad Italia sinkas en Mediteraneo. Sep personi dronas su e 95 salvesas da un petrolonavo.[70]
- 20ma di septembro - Papo Franciskus celebra meso en Havana, Kuba.
- 30ma di septembro - Parlamento di Rusia aprovas l'uzo di lua aer-armeo kontre Islamana Stato.[71]
Oktobro
- 1ma di oktobro - En Oregon, Usa, pafanto mortigas 13 personi e vundas 20 en l'universitato dil stato. La pafanto mortigesas pose dal polico.[72]
- 2ma di oktobro - Terglitado en Santa Catarina Pinula,[73] Guatemala, produktas adminime 30 morti.[74]
- 2ma di oktobro - Uragano Joaquin frapas Bahama, efektigas inundadi e sinkas Usana transporto-navo El Faro, kun 33 personi ennave.[75][76]
- 3ma di oktobro - Aeral atako kontre hospitalo de Médecins Sans Frontières en Kunduz, Afganistan, produktas 42 morti e 33 plusa homi desaparinta.[77]
- 8ma di oktobro.Rusia anuncas ke lua militonavi en Kaspia maro lansis misili kontre 11 emi dil Islamana Stato en Siria.[78]
- 10ma di oktobro - Du bombi explozas en Ankara, Turkia, e mortigas adminime 10 personi.[79]
- 13ma di oktobro - Du obusi lansita de bombardilo atingas Rusa ambasadeyo en Damascus, Siria, kande grupo de personi demonstris favore Rusa ataki kontre la rebeli dil Islamana Stato.[80]
- 15ma di oktobro - Guvernerio di Myanmar signatas pafo-ceso kun 8 gerilera* grupi, min kam un monato ante la previdita elekto parlamental.[81]
- 20ma di oktobro - Ban Ki-moon, generala sekretario di Unionita Nacioni, vizitas Jerusalem e demandas rapida ago por diminutar la tenseso inter Israelani e Palestinani.[82]
- 20ma til la 24ma di oktobro - Uragano Patricia frapas Pacifika litoro di Mexikia per venti qui atingis 345 km/h, e divenas la maxim forta uragano konocata. Pro ke ol frapis regioni poke habitata, la morto-statistiko esis 12 personi.[83]
- 26ma di oktobro - Ter-tremo kun forteso 7,5 che la skalo di Richter ed epicentro proxim Jurn, en la regiono Hindu Kush, frapas Afganistan, Pakistan e vicina landi. Ol produktas adminime 135 morti en Pakistan e 31 en Afganistan.[84]
- 27ma di oktobro - General Asemblo dil Unionita Nacioni kondamnas Usana embargo kontre Kuba, per 191 Yes-voti kontre du No-voti (de Usa e de Israel).[85]
- 31ma di oktobro - Aviono Airbus A321 de Rusa kompanio Kogalimavia falas sur la peninsulo Sinai, en Egiptia. Omna 224 personi en l'aviono mortas.[86]
Novembro
- 1ma di novembro - Atento kontre hotelo en Mogadishu, Somalia, produktas adminime 18 morti.[87]
- 2ma di novembro - Pos produktar 3 morti en Sokotra, ciklono Chapala adportas en du dii l'equivalanta a 10 yari di pluvi por la sud-esto di Yemen. L'urbo Al Mukalla subisas inundado.[88]
- 3ma di novembro - Guvernerio Hispana anuncas la kapto ed enkarcerigo, en Madrid, di tri Marokani suspektata esar teroristi di Islamana Stato.[89]
- 4ma di novembro - Justin Trudeau divenas chefministro di Kanada.[90]
- 5ma di novembro - Granda barilo por kontenar fango kun rezidui di minerali ruptas en Mariana, Minas Gerais, Brazilia, efektigas ekologiala dizastro[91] e produktas 19 morti.[92] Che la vilajo Bento Rodrigues, 80% ek la 257 konstrukturi domajesis.[92] Mili di fishi - entote 11 tuni[92] - mortos dum la sequanta dii che fluvio Doce.
- 11ma di novembro - Hispana korto nihiligas decido pri la nedependo di Katalunia.[93]
- 12ma di novembro - Duopla suicidant-atako per bombi en Beirut, Libano, ocidas 43 personi, segun informi de Reda Kruco. Islamana Stato asumas responso pri l'atento.[94]
- 13ma di novembro - Diversa ataki per bombi ed automata fusili en multa loki di Paris ocidas adminime 127 personi[95] e vundas plu kam 200 plusa homi. Inter altra loki, teroristi atakas spetaklo-domo Bataclan, e mortigas 89 personi ibe.[96] Gajohomi anke prenesas. Ye la sequanta dio, Islamana Stato asumas la responso pri l'ataki.[95]
- 13ma di novembro - En Baghdad, Irak, suocidant-atako dum funero di shia Mohamedani mortigas 18 personi.[97]
- 20ma di novembro - Teroristi okupas hotelo Radisson en Bamako, Mali, e facas plu kam 100 gajohomi. Policisti invadas la hotelo ed en la konfronto adminime 20 personi mortigesas.[98]
- 25ma di novembro - Papo Franciskus arivas en Kenia por komencar lua voyajo ad Afrika.[99]
Decembro
- 2ma di decembro - Pafado che l'urbo San Bernardino, Kalifornia, produktas adminime 20 vunditi.[100]
- 7ma di decembro - En Beijing, Popul-Republiko Chinia, autoritati deklaras "reda alarmo" pro l'alta nivelo di aera poluteso. Fabrikerii konsiderita polutanta mustas suspensar lia aktivesi.[101]
- 10ma di decembro - Mauricio Macri divenas prezidanto di Arjentinia.
- 11ma di decembro - Islamana Stato uzas tri kamioni en atenti per bombi en Al Houl, Siria. L'explozi produktas adminime 50 morti e 80 vunditi.[102]
- 16ma di decembro - Latvia komencas konstruktar fenco en la frontiero kun Rusia por preventar l'eniro di enmigranti.[103]
- 17ma di decembro - Papo Franciskus anuncas ke Matro Teresa kanonizesos en 2016, pro agnosko di miraklo.[104]
- 19ma di decembro - Ter-tremo kun forteso 6.2 che la skalo di Richter ed epicentro 135 km este de Port Vila frapas Vanuatu.[105]
- 21ma di decembro - Fairo destruktas la Muzeo pri Portugalana Linguo en Sao Paulo, Brazilia, e produktas 1 morto. La posibla kauzo dil fairo esis kurta cirkuito.[106]
- 21ma di decembro - Terglitado che industriala zono di Shenzhen, Popul-Republiko Chinia,[107] produktas adminime 1 morto, efektigas granda materiala destruktado e kovras plu kam 380.000 m² per fango.[108]
- 22ma di decembro - En Sarajevo, Bosnia e Herzegovina, la polico arestas 11 personi sub akuzo di apartenar ad Islamana Stato e di preparar atenti.[109]
- 23ma di decembro - Pluvegi diplasas plu kam 2 000 personi en Uruguay. Fluvio Uruguay esas preske 15 metri super lua mezvalora nivelo.[110]
- 24ma di decembro - Batelo kun refujinti kulbutas en Egea maro proxim la litoro di İzmir, Turkia, e produktas adminime 19 morti.[111]
- 28ma di decembro - Chefministri Shinzo Abe di Japonia e Hwang Kyo-ahn di Sud-Korea signatas kontrato en Seoul qua agnoskas la koakto di Koreana mulieri por esar sexuala sklavi dum la duesma mondomilito, e kreas fondo di 1 miliardo de yeni por indemnizar la viktimi.[112]
- 28ma di decembro - Adminime 48 personi mortigesas en du suocidant ataki dal grupo Boko Haram en Nigeria.[113]
- 30ma di decembro - Severa inundadi devastas granda parto di la metropolala regiono di Saint Louis, Missouri. Ol povos esar la maxim granda inundado de la historio dil fluvio Mississippi, plu granda kam la historiala inundadi di 1993 e 1927. De l'antea semano til nun l'inundadi produktis 53 morti.[114]
- 31ma di decembro - Fairo en luxoza 63-etaja hotelo Address Dubai Downtown en Dubai, Unionita Araba Emirii, produktas 14 vunditi.[115]
Naski
Morti
- 1ma di januaro - Omar Karami, chefministro di Libano (n. 1934)
- 7ma di januaro - Piet Cleij, interlinguisto e lexikografo Nederlandana (n. 1927)
.jpg)
- 9ma di januaro - Józef Oleksy, chefministro di Polonia (n. 1946)[116]
- 11ma di januaro - Anita Ekberg, Sueda aktorino (n. 1931)
- 19ma di januaro - Anne Kirkbride, Britaniana televizion-aktorino (n. 1954)
- 21ma di januaro - Pauline Yates, Britanian aktorino (n. 1929)
- 23ma di januaro - Rejulo Abdullah di Saudi-Arabia (n. 1924)
- 25ma di januaro - Demis Roussos, Greka kantisto (n. 1946)[117]
- 27ma di januaro - Charles Hard Townes, Usana fizikisto, Nobel-laureato (n. 1915)[118]
- 27ma di januaro - Yves Chauvin, Franca kemiisto, Nobel-laureato[119] (n. 1930)
- 30ma di januaro - Zhelyu Zhelev, prezidanto di Bulgaria (n. 1935)
- 31ma di januaro - Richard von Weizsäcker, prezidanto di West-Germania (n. 1920)
- 5ma di februaro - Val Logsdon Fitch, Usana fizikisto, Nobel-laureato[120] (n. 1923)
- 12ma di februaro - Tomie Ohtake, Japoniana-Braziliana artistino (n. 1913)[121]
- 14ma di februaro - Philip Levine, Usana poeto (n. 1928)
- 27ma di februaro - Leonard Nimoy, Usan aktoro (n. 1931)
- 8ma di marto - Maria Kryuchkova, Rusa gimnastikistino (n. 1988)
- 9ma di marto - Camille Muffat, Franca natistino[122] (n. 1989)
- 14ma di marto - Valentin Grigoryevich Rasputin, Rusa-Sovietiana skriptisto (n. 1937)
- 20ma di marto - Malcolm Fraser, chefministro di Australia (n. 1930)
- 23ma di marto - Lee Kuan Yew, unesma chefministro di Singapur (n. 1923)[123]
- 26ma di marto - Tomas Tranströmer, Sueda skriptisto, Nobel-laureato (n. 1931)
- 28ma di marto - Zmago Jeraj, Sloveniana piktisto (n. 1937)
- 2ma di aprilo - Natalya Kudryavceva, Rusa gimnastikistino (n. 1978)
- 2ma di aprilo - Manoel de Oliveira, Portugalana filmifisto (n. 1908)
- 4ma di aprilo - Klaus Rifbjerg, Dana skriptisto (n. 1931)
- 13ma di aprilo - Eduardo Galeano, Uruguayana skriptisto e jurnalisto (n. 1940)[124]
- 13ma di aprilo - Günter Grass, Germana skriptisto, Nobel-laureato (n. 1927)[125]
- 14ma di aprilo - Percy Sledge, Usana kantisto (n. 1940)
- 15ma di aprilo - Surya Bahadur Thapa, chefministro di Nepal (n. 1928)
- 16ma di aprilo - Stanislav Gross, chefministro di Chekia (n. 1969)[126]
- 17ma di aprilo - Jaroslav Holík, Chekoslovakiana hokeisto (n. 1942)
- 2ma di mayo - Ruth Rendell, Britaniana skriptistino (n. 1930)
- 9ma di mayo - Kenan Evren, prezidanto di Turkia (n. 1917)
- 14ma di mayo - B. B. King, Usana muzikisto (n. 1925)
- 18ma di mayo - Halldór Ásgrímsson, chefministro di Islando (n. 1947)[127]
- 23ma di mayo - John Forbes Nash, Usan ekonomikisto, Nobel-laureato (n. 1928)
- 1ma di junio - Nicholas Liverpool, chefministro di Dominika (n. 1934)
- 2ma di junio - Irwin Rose, Usana biologiisto, Nobel-laureato pri kemio (n. 1926)
- 11ma di junio - Ornette Coleman, Usana muzikisto (n. 1930)
_4.jpg)
- 7ma di junio - Christopher Lee, Anglian aktoro (n. 1922)
- 17ma di junio - Süleyman Demirel, chefministro di Turkia (n. 1924)
- 17ma di junio - Roberto Marcelo Levingston, prezidanto di Arjentinia (n. 1920)
- 22ma di junio - James Horner, Usana kompozisto por cinemo (n. 1953)
- 26ma di junio - Yevgeni Primakov, chefministro di Rusia (n. 1929)
- 5ma di julio - Yoichiro Nambu, Japonian-Usana fizikisto, Nobel-laureato (n. 1921)
_3.jpg)
- 10ma di julio - Omar Sharif, Egiptian aktoro (n. 1932)
- 27ma di julio - Avul Pakir Jainulabdeen Abdul Kalam, prezidanto di India (n. 1931)
- 30ma di agosto - Oliver Sacks, Usana nevrologiisto (n. 1933)
- 5ma di septembro - Setsuko Hara, Japonian aktorino (n. 1920)
- 13ma di septembro - Moses Malone, Usana basketbalisto (n. 1955)
- 2ma di oktobro - Eric Arturo Delvalle, prezidanto di Panama[128] (n. 1937)
- 6ma di oktobro - Árpád Göncz, prezidanto di Hungaria (n. 1922)
- 7ma di oktobro - Jurelang Zedkaia, prezidanto di Insuli Marshall (n. 1950)
- 10ma di oktobro - Richard Fred Heck, Usana kemiisto, Nobel-laureato (n. 1931)
- 14ma di oktobro - Mathieu Kérékou, prezidanto di Benin (n. 1933)
- 14ma di oktobro - Nurlan Balğımbayev, chefministro di Kazakstan (n. 1947)
- 18ma di oktobro - Robert Dickerson, Australiana piktisto (n. 1924)
- 24ma di oktobro - Maureen O'Hara, Irlandan aktorino e kantistino (n. 1920)
- 31ma di oktobro - Siarhiey Viedzierka, Sovietiana e Bielorusa tenisistulo e entrenero pri teniso (n. 1958)
- 5ma di novembro - Czesław Kiszczak, chefministro di Polonia (n. 1925)
- 7ma di novembro - Ichak Navon, prezidanto di Israel (n. 1921)[129]
- 10ma di novembro - Helmut Schmidt, kancelero di West-Germania (n. 1918)
- 10ma di novembro - Allen Toussaint, Usana muzikisto e kompozisto (n. 1938)
- 22ma di novembro - Kim Young-sam, prezidanto di Sud-Korea (n. 1927)
- 5ma di decembro - Marília Pêra, Brazilian aktorino (n. 1943)
- 5ma di decembro - Dimitar Iliev Popov, chefministro di Bulgaria (n. 1927)
- 28ma di decembro - Lemmy Kilmister, Britaniana muzikistulo, kantisto e kompozistulo (n. 1945)
- 31ma di decembro - Natalie Cole, Usana kantistino (n. 1950)[130]
- Bahaavaagiyn Buyadaa, Mongoliana judoisto (n. 1946)
Nobel-premiiziti
Referi
Wikiwand - on
Seamless Wikipedia browsing. On steroids.