မြန်မာနိုင်ငံ၏ သယ်ယူပို့ဆောင်ရေး
From Wikipedia, the free encyclopedia
Remove ads
မြန်မာနိုင်ငံတွင် သယ်ယူပို့ဆောင်ရေးကဏ္ဍအတွက် ဖွဲ့စည်းထားသော ဝန်ကြီးဌာနမှာ - ပို့ဆောင်ရေးနှင့် ဆက်သွယ်ရေးဝန်ကြီးဌာနဖြစ်သည်။
 |
ပို့ဆောင်ရေးနှင့် ဆက်သွယ်ရေး ဝန်ကြီးဌာနမှာ ယခင်က ပို့ဆောင်ရေးဝန်ကြီးဌာန၊ ဆက်သွယ်ရေးနှင့် သတင်းအချက်အလက် နည်းပညာဝန်ကြီးဌာနနှင့် ရထားပို့ဆောင်ရေး ဝန်ကြီးဌာန ၃ခုကိုပူးပေါင်းကာဖွဲ့စည်းထားသော ဝန်ကြီးဌာန ဖြစ်သည်။
Remove ads
ရထားပို့ဆောင်ရေး
၂၀၀၉ ခုနှစ် ဇန်နဝါရီလ ၃၁ ရက်နေ့အထိ မြန်မာနိုင်ငံရှိ မီးရထားလမ်းမိုင်စုစုပေါင်းမှာ ၃၁၈၆.၈၆ မိုင် နှင့် မီးရထားဘူတာရုံပေါင်း ၈၁၂ ခုရှိသည်။[၁]
ကုန်းလမ်းပို့ဆောင်ရေး
၂၀၀၆ ခုနှစ်အထိ စာရင်းများအရ -
- စုစုပေါင်းခရီးလမ်း - ၁၆,၇၇၇ မိုင် (၂၇,၀၀၀ ကီလိုမီတာ)
- လမ်းခင်းပြီး - ၁,၉၈၈ မိုင် (၃,၂၀၀ ကီလိုမီတာ)
- မခင်းရသေးသောလမ်း - ၁၄,၇၈၉ မိုင် (၂၃,၈၀၀ ကီလိုမီတာ)
ဆောက်လုပ်ရေးဝန်ကြီးဌာနသည် ၂၀၂၁ ခုနှစ်တွင် အမျိုးသား အဝေးပြေးလမ်း ၅၀ စာရင်းကို ထုတ်ပြန်ခဲ့သည်။ ဤနံပါတ်များကို လိုင်းစနစ်အဖြစ် ပုံဖော်ထားပြီး တောင်မှမြောက်သို့ နံပါတ်များ တိုးလာပါသည်။ ဤဇယားကွက်အတွင်း ရှင်းလင်းပြတ်သားသော စနစ်မရှိသော်လည်း နံပါတ်များသည် အတန်ငယ် ဇုန်သတ်မှတ်ထားသည်။ သို့သော် အချို့သောနံပါတ်များသည် အရှေ့ အနောက် သို့မဟုတ် မြောက်-တောင်သို့ မပြေးပါ။ အချို့သောလမ်းကြောင်းများသည် မောင်းနှင်နိုင်သောလမ်းဆက်သွယ်မှုအဖြစ် အမှန်တကယ်တည်ရှိခြင်းမရှိပါ။[၂]
နံပါတ်စနစ်ဟောင်း
- ၁ - ရန်ကုန်မြို့ မှ မန္တလေးမြို့ သို့ (ပဲခူးမြို့၊ တောင်ငူမြို့၊ ပျဉ်းမနားမြို့နှင့် မိတ္ထီလာမြို့ များကို ဖြတ်သန်းသွားသည်။)
- ၂ - ရန်ကုန်မြို့ မှ မန္တလေးမြို့ သို့ (ပြည်မြို့၊ မကွေးမြို့၊ ကျောက်ပန်းတောင်းမြို့၊ မြင်းခြံမြို့များကို ဖြတ်သန်းသွားသည်။)
- ၃ - မန္တလေးမြို့ မှ မူဆယ်မြို့ သို့ (တရုတ်နိုင်ငံ နယ်စပ်အထိ၊ လားရှိုးမြို့ကို ဖြတ်သန်းသွားသည်။)
- ၄ - မိတ္ထီလာမြို့ မှ တာချီလိတ်မြို့ သို့ (ထိုင်းနိုင်ငံနယ်စပ်အထိ၊ တောင်ကြီးမြို့နှင့် ကျိုင်းတုံမြို့များကို ဖြတ်သန်းသွားသည်။)
- ၅ - တောင်ငူမြို့ မှ ဟိုပုံးမြို့ သို့ (လွိုင်ကော်မြို့ကို ဖြတ်သန်းသွားသည်။)
- ၆ - ရန်ကုန်မြို့ မှ ပုသိမ်မြို့ သို့
- ၇ - မန္တလေးမြို့ မှ အိန္ဒိယနိုင်ငံ မိုရေးမြို့ သို့ (ရွှေဘိုမြို့နှင့် ကလေးမြို့များကို ဖြတ်သန်းသွားသည်။)
- ၈ - ဘုရားကြီး မှ မြိတ်မြို့ သို့ (မော်လမြိုင်မြို့၊ ရေးမြို့နှင့် ထားဝယ်မြို့များကို ဖြတ်သန်းသွားသည်။)
- ၁၂- တံတားဦးမြို့ မှ မြင်းခြံမြို့ သို့
- ၃၁ - မန္တလေးမြို့ မှ မြစ်ကြီးနားမြို့ သို့ (မိုးကုတ်မြို့နှင့် ဗန်းမော်မြို့များကို ဖြတ်သန်းသွားသည်။)
မြန်မာနိုင်ငံ၏ တစ်ခုတည်းသော အမြန်လမ်းမကြီးမှာ ရန်ကုန်-မန္တလေး အမြန်လမ်း ဖြစ်ပြီး ၃၆၄.၆ မိုင် (၅၈၆.၇ ကီလိုမီတာ) အရှည်ရှိကာ ဖြူးမြို့ တောင်ငူမြို့၊ နေပြည်တော်နှင့် မိတ္ထီလာမြို့များကို ဖြတ်သန်းသွားသည်။ ယာဉ်မောင်းလိုင်း လေးလိုင်းရှိ အမြန်လမ်းမကြီးအမျိုးအစား ဖြစ်သည်။
Remove ads
ရေကြောင်းပို့ဆောင်ရေး
၂၀၀၈ ခုနှစ် စာရင်းများအရ မြန်မာနိုင်ငံတွင်း သွားလာနိုင်သည့် ရေလမ်းခရီးအရှည် စုစုပေါင်းမှာ ၇,၉၅၄ မိုင် (၁၂,၈၀၀ ကီလိုမီတာ) ဖြစ်ပြီး သင်္ဘောကြီးများ သွားလာနိုင်သည့် ခရီးလမ်းအရှည်မှာ ၁,၉၈၈ မိုင် (၃,၂၀၀ ကီလိုမီတာ) ဖြစ်သည်။
ဆိပ်ကမ်းများ
ပင်လယ်ဆိပ်ကမ်းများ
- ရန်ကုန်ဆိပ်ကမ်း
- သီလဝါဆိပ်ကမ်း
- စစ်တွေဆိပ်ကမ်း
- ထားဝယ်ရေနက်ဆိပ်ကမ်း
- ကျောက်ဖြူ ရေနက်ဆိပ်ကမ်း
မြစ်ဆိပ်ကမ်းများ
လေကြောင်းပို့ဆောင်ရေး
လေဆိပ်များ
၂၀၁၀ ခုနှစ် ဇူလိုင်လ စာရင်းများအရ မြန်မာနိုင်ငံတွင် လေဆိပ်စုစုပေါင်း ၆၉ ခုရှိကာ လေယာဉ်ပြေးလမ်း ပေ တစ်သောင်းအထက်ရှိ လေဆိပ်မှာ ၁၁ ခုဖြစ်သည်။
အပြည်ပြည်ဆိုင်ရာ လေဆိပ်များမှာ -
- ရန်ကုန် အပြည်ပြည်ဆိုင်ရာ လေဆိပ်
- မန္တလေး အပြည်ပြည်ဆိုင်ရာ လေဆိပ်
- နေပြည်တော် အပြည်ပြည်ဆိုင်ရာ လေဆိပ် နှင့်
- ဟံသာဝတီ အပြည်ပြည်ဆိုင်ရာ လေဆိပ် (တည်ဆောက်ဆဲ) တို့ ဖြစ်ကြသည်။
လေကြောင်းလိုင်းများ
မြန်မာနိုင်ငံအခြေစိုက် လက်ရှိပြေးဆွဲနေသော လေကြောင်းလိုင်းများ ၅ ခုရှိသည်။ နိုင်ငံတော်အလံတင် လေကြောင်းလိုင်းမှာ မြန်မာအမျိုးသား လေကြောင်းလိုင်း ဖြစ်ပြီး ပြည်ပသို့ ပျံသန်းလျက်ရှိသော လေကြောင်းလိုင်းများမှာ မြန်မာအမျိုးသား လေကြောင်းလိုင်း၊ အပြည်ပြည်ဆိုင်ရာ မြန်မာ့လေကြောင်း နှင့် မင်္ဂလာ လေကြောင်းပို့ဆောင်ရေးလုပ်ငန်း တို့ ဖြစ်ကြသည်။
Remove ads
ကိုးကား
Wikiwand - on
Seamless Wikipedia browsing. On steroids.
Remove ads