Papa Paskali I

Papa Paskali I alikuwa Papa kuanzia tarehe 25 Januari 817 hadi kifo chake mnamo Februari/Mei 824^[1]. Alitokea Roma, Lazio, Italia^[2].

Mt. Paskali I.

Jina lake la kuzaliwa lilikuwa Paskali Massimi, mwana wa Bonosus^[3].

Alimfuata Papa Stefano IV akafuatwa na Papa Eugenio II.

Kabla ya kuchaguliwa Papa alikuwa abati wa monasteri iliyohudumia waliofika mjini Roma kwa hija^[4]. Kwa kuwa hakusubiri kupata uthibitisho wa kaisari Pius Mtawa, alimtuma balozi kwake^[5] naye akarudi na hati Pactum cum Paschali pontifice, ambamo kaisari alimpongeza, alithibitisha mamlaka ya Papa juu ya Dola la Papa, na kuhakikisha siku za mbele uchaguzi wa Mapapa hautaingiliwa na serikali tena.^[6] Wanahistoria wana wasiwasi kuhusu hati hiyo kuwa halisi.^[7] Kwa vyovyote, baada ya Papa Paskali I kumtia taji la kifalme Lotari I, mwana wa Pius, mahusiano yalizidi kuharibika.

Papa Paskali I alipokea wamonaki wengi kutoka Dola la Roma Mashariki waliokimbia dhuluma ya serikali kuhusu picha takatifu^[8], akawapa kazi ya kupamba makanisa aliyoyajenga au kuyakarabati^[6][9] pamoja na kuwatetea kwa maandishi yake ^[10].

Tangu kale anaheshimiwa kama mtakatifu^[11][5], hasa tarehe 11 Februari^[12][13] au 14 Mei^[14][15].

Tazama pia

• Watakatifu wa Agano la Kale
• Orodha ya Watakatifu Wakristo
• Orodha ya Watakatifu wa Afrika
• Orodha ya Watakatifu Wafransisko
• Orodha ya Mapapa

Maandishi

• Opera Omnia by Migne Patrologia Latina with analytical indexes