Ашнарава (Менская вобласьць)

Ашна́рава^[4] — вёска ў Беларусі, каля ракі Гуйкі. Уваходзіць у склад Шаршунскага сельсавету Менскага раёну Менскай вобласьці. Знаходзіцца на аўтамабільнай дарозе Н8954.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Ашнарава.

Ашнарава лац. Ašnarava
Краіна:	Беларусь
Вобласьць:	Менская
Раён:	Менскі
Сельсавет:	Шаршунскі
Насельніцтва:	24 чал. (2012)[1]
Часавы пас:	UTC+3
Тэлефонны код:	+375 17
Паштовы індэкс:	223047[2]
СААТА:	6236858006[3]
Нумарны знак:	5
Геаграфічныя каардынаты:	54°5′59.222″ пн. ш. 27°22′7.007″ у. д.
Ашнарава на мапе Беларусі ± Ашнарава Ашнарава

Назва

Асноўныя артыкулы: Асінар (імя) і Войшнар

Паводле менскага дасьледніка Алёхны Дайліды, які разьвівае германскую (перадусім усходнегерманскую) этымалёгію імёнаў літоўскіх князёў і баяраў, імя Войшнар складаецца з фармантаў -войш-, які паходзіць ад гоцкага і бургундзкага waiþs 'паляваньне', гоцкага waiþja 'паляўнічы', і -нар-, які паходзіць ад гоцкага nasjan 'захоўваць, ратаваць'^[5]. Такім парадкам, імя Войшнар азначае «захаваны на паляваньні»^[6].

Таксама адзначалася старажытнае германскае імя Асінар (Asinar, Asinarius)^[7].

Гісторыя

На 1776 год вёска Ашнарава ўваходзіла ў склад Менскага павету Менскага ваяводзтва Вялікага Княства Літоўскага і знаходзілася ў валоданьні Бутрымовічаў, тут было 7 двароў. На 1791 год яна ўваходзіла ў склад маёнтку Саламярэчча і належала да Заслаўскай парафіі^[8].

Насельніцтва

• 1909 год — 118 чалавек у вёсцы Вейшнараве і 53 чалавекі ў фальварку Вейшнараве^[9]
• 1999 год — 30 чалавек
• 2010 год — 31 чалавек
• 2012 год — 24 чалавекі^[1]