Бутаўт Мантыгайлавіч

Бутаўт Мантыгайлавіч (? — па 1413) — літоўскі баярын. На Гарадзельскай уніі атрымаў герб Грыф.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Бутаўт (неадназначнасьць).

Бутаўт Мантыгайлавіч
лац. Butaŭt Mantygajłavič / Mantyhajłavič

Герб Грыф
Асабістыя зьвесткі
Памёр	не раней за 1413[1]
Бацькі	Мантыгайла

Імя

Асноўныя артыкулы: Бутаўт (імя) і Мантыгайла (імя)

Боталд або Буталд, пазьней Бутаўд або Бутаўт (Botuald, Butaldus^[2], Butaud^[3], Butaut^[4]) — імя германскага паходжаньня^[5]. Іменная аснова -бут- (-бот-) (імёны ліцьвінаў Бутвід, Бутрык, Вільбут; германскія імёны Botvid, Butariks, Willebut) паходзіць ад усходнегерманскага but- з значэньнем 'корань, камель' (гепідзкае butilo 'камель')^[6] або ад асновы -буд- (-бод-)^[7], а аснова -валд- (-алд, -олт) (імёны ліцьвінаў Геральт, Левалт, Рамвольт; германскія імёны Gerwald, Lewolt, Romuald) — ад гоцкага і германскага waldan 'валодаць, гаспадарыць' або wulþus 'слава, мажнасьць'^[8].

Варыянты імя ў гістарычных крыніцах: Bwtold (Butold^[9], 18 студзеня 1401 году)^[10]; cum Butowdo^[11], Butowdus^[12], Butowdum^[13] (Butowd Montigalowicz^[9]; 2 кастрычніка 1413 году).

Біяграфія

Зь літоўскага баярскага роду. Магчыма, можа атаясамлівацца з баярынам Bernardus dictus Buthouth^[14], які выступаў як сьведка на працэсе супраць Тэўтонскага ордэну.

Упершыню ўпамінаецца ў акце Віленска-Радамскай уніі (1401 год)^[9].

Мова і культура

Асноўныя артыкулы: Ліцьвіны і Русіны

Да акту Гарадзельскай уніі (1413 год) прывесіў пячаць з лацінамоўным гатычным надпісам: s • butowt montigalowycz^[15].