Даўгердзішкі (Вярэнаўскі раён)

Даўгердзі́шкі^[2] — вёска ў Беларусі, каля ракі Дзітвы. Уваходзяць у склад Пагародзенскага сельсавету Вярэнаўскага раёну Гарадзенскай вобласьці. Знаходзяцца ў пагранічнай зоне^[3].

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Даўгердзішкі.

Даўгердзішкі лац. Daŭhierdziški / Daŭgierdziški
Краіна:	Беларусь
Вобласьць:	Гарадзенская
Раён:	Вярэнаўскі
Сельсавет:	Пагародзенскі
Насельніцтва:	15 чал. (2009)[1]
Часавы пас:	UTC+3
Тэлефонны код:	+375 1594
СААТА:	4213866016
Нумарны знак:	4
Геаграфічныя каардынаты:	54°8′32″ пн. ш. 25°5′10″ у. д.
Даўгердзішкі на мапе Беларусі ± Даўгердзішкі Даўгердзішкі
Галерэя здымкаў у Вікісховішчы

Назва

Асноўны артыкул: Даўгерд (імя)

Даўгард (Daugaard) — імя германскага паходжаньня^[4][5][6]. Іменная аснова -даў(г)- (імёны ліцьвінаў Даўгер, Даўмонт, Даўят; германскія імёны Dauharjis, Damondus, Dowyatt) паходзіць ад гоцкага daug 'годна', бургундзкага daugjis 'здольны, годны'^[7], а аснова -гард- (-герд-, -герт-) (імёны ліцьвінаў Альгерд, Мундыгерд, Тэўтыгерд; германскія імёны Algardus, Mundgerd, Teutgerdis) — ад гоцкага gairdan 'падпяразваць' (пераноснае 'ахоўваць'), garda 'агароджа' (пераноснае 'ахова, бясьпека')^[8]. Такім парадкам, імя Даўгерд азначае «здольны да аховы»^[9].

Германскае паходжаньне імя Даўгірд сьцьвердзіў францускі лінгвіст-германіст Раймонд Шмітляйн, які на падставе шматгадовых дасьледаваньняў прыйшоў да высноваў пра германскае паходжаньне літоўскіх уласных імёнаў^[10]. Германскае (паўночнагерманскае) паходжаньне літоўскага шляхецкага прозьвішча Даўгірд (Dowgird) сьцьвярджалася яшчэ ў артыкуле «Літва» энцыкляпэдыі Геаграфічны слоўнік Каралеўства Польскага і іншых славянскіх краёў (1884 год)^[11].

Гісторыя

Да 19 красавіка 1973 году вёска ўваходзіла ў склад Паляцкіскага сельсавету^[12].

Насельніцтва

• 2009 год — 15 чалавек^[1]