Мангуд

Мангу́д (Мангут) — мужчынскае імя і вытворнае ад яго прозьвішча Монгуд^[a].

Mangod
Паходжаньне
Мова(-ы)	германскія
Утворанае ад	Mann + Godo
Іншыя формы
Варыянт(ы)	Мангут
Зьвязаныя імёны	Гудман
Зьвязаныя артыкулы
якія пачынаюцца з «Манґуд»

Паходжаньне

Асноўны артыкул: Імёны ліцьвінаў

Мангод, Манегот, Мангот або Мангут (Mangodus^[1], Mangod^[2], Manegot^[2], Mangodt^[3][4], Mangut^[5]) і Гутман або Годман (Guotman, Godman) — імёны германскага паходжаньня^[6][7]. Іменная аснова -ман- (імёны ліцьвінаў Мангерд, Дзерман, Есьман; германскія імёны Mangerðr, Derman, Esmann) паходзіць ад гоцкага manna^[8], германскага man 'чалавек'^[9], а аснова -гуд- (-год-, -гут-) (імёны ліцьвінаў Готалт, Готарт, Саўгут; германскія імёны Gotald, Gotard, Savegot) — ад гоцкага guþs 'Бог'^[10], gôþs 'добры, старанны, пабожны' або *guts 'гот'^[11].

Варыянты імя ў гістарычных крыніцах: по Виленьскому повету, по Ошъменьскои стороне посланъ дворанинъ Павелъ Монъкгутовичъ (каля 18 жніўня 1530 году)^[12]; панъ Якубъ Юрьевичъ Монкгудъ Поуслейский… Jakub Mongud Pousloyski (4 сакавіка 1586 году)^[13].

Носьбіты

• Якуб Юр'евіч Монгуд (Мангудовіч) Пуслоўскі (Пуслейскі) — зямянін Упіцкага павету, які ўпамінаецца ў 1586—1588 гадох^[14][15]
• Казімер Міхал Монгуд Пуслоўскі († 1696) — дзяржаўны дзяяч Вялікага Княства Літоўскага, падстолі рэчыцкі і харужы пінскі^[16]
• Войцех Монгуд Пуслоўскі (1762—1833) — дзяржаўны дзяяч Вялікага Княства Літоўскага, харужы пінскі^[17]

З XVII ст. прыдомкам Монгуд карыстаўся літоўскі шляхецкі род Пуслоўскіх гербу Шаліга^[18].

Глядзіце таксама

• Ман
• Гуда

Заўвагі

1. Іншыя прыклады аналягічнага пераносу націску: імя Даўгерд і прозьвішча Доўгерд (Доўгірд), імя Даўмонт і прозьвішча Домант (Доўмант), імя Жыгімонт і прозьвішча Жыгмант