Маствілішкі

Мастві́лішкі^[2] (таксама — Масьцьві́лішкі^[2]) — вёска ў Беларусі, каля ракі Ашмянкі. Уваходзяць у склад Навасёлкаўскага сельсавету Ашмянскага раёну Гарадзенскай вобласьці.

Маствілішкі лац. Mastviliški
Краіна:	Беларусь
Вобласьць:	Гарадзенская
Раён:	Ашмянскі
Сельсавет:	Навасёлкаўскі
Насельніцтва:	177 чал. (2009)[1]
Часавы пас:	UTC+3
Тэлефонны код:	+375 1593
Паштовы індэкс:	231116
Нумарны знак:	4
Геаграфічныя каардынаты:	54°22′53″ пн. ш. 26°0′46″ у. д.
Маствілішкі на мапе Беларусі ± Маствілішкі Маствілішкі

Назва

Асноўны артыкул: Масьцівіл

Маста (Masto) і Віла (Wilo) — імёны германскага паходжаньня^[3][4]. Іменная аснова маст- (імёны ліцьвінаў Масьціла, Масьцін; германскія імёны Mastilo, Mastin) паходзіць ад гоцкага maists 'найбольшы'^[3] або стараверхненямецкага mast 'доўгая жэрдка'^[5], а аснова -віл- (імёны ліцьвінаў Вільбут, Вільгейда, Мунтвіл; германскія імёны Willebut, Williheid, Muntwil) — ад гоцкага wilja 'воля'^[6].

Яшчэ этнограф і мовазнаўца Яўхім Карскі зьвяртаў увагу на тое, што ў латыскай Курляндыі, «большасьць беларускіх населеных месцаў заканчваюцца на -ішкі»^[7], пазьней у рэчышчы палітыкі летувізацыі падобныя тапонімы на -ішкі азначылі як «гістарычна балтыйскія» і нават «тыпова летувіскія»^[8]. Тым часам менскі дасьледнік Алёхна Дайліда зазначае, што «ва ўсходнегерманскіх мовах быў пашыраны суфікс -isk-: такім парадкам, так менаваная «лінія Сафарэвіча» (мяжа перавагі паселішчаў з назовамі на -ішкі ў Панямоньні) не абавязкова зьнітаваная з балтамі»^[9].

Гісторыя

Назва вёскі пайшла ад пана Войцеха Маствілы, які валодаў гэтымі мясьцінамі з 1620 году. У 1747 годзе тагачасныя ўладальнікі Ежы Баранэк і яго жонка Тэрэза (з Прушынскіх) падаравалі фальварак базыльянскаму кляштару ў Барунах. Але ў 1795 годзе Масьцьвілішкі (або толькі іх частка) адзначаюцца як уласнасьць ашмянскага рэгента Ануфрыя Масевіча. У гэтым жа годзе тут была збудавана капліца ад Ашмянскай парафіі. Сьвятыня была зачыненая падчас рэпрэсіяў па паўстаньні 1863 году, а праз тры гады і ўвогуле разабрана.

Пад капліцу з 1996 году прыстасаваны будынак былой школы. Капліцу пад тытулам Найсьвяцейшай Марыі Панны Вастрабрамскай, Маці Міласэрнасьці, асьвяціў гарадзенскі біскуп Аляксандар Кашкевіч 15 лістапада 1997 году.

Насельніцтва

• 1999 год — 210 чалавек
• 2009 год — 177 чалавек^[1]