சம்மு காசுமீர் (ஒன்றியப் பகுதி)

சம்மு காசுமீர் ஒன்றியப் பகுதி (Jammu and Kashmir Union Territory) இந்திய நாடாளுமன்றம் 5 ஆகத்து 2019 அன்று இயற்றிய சம்மு காசுமீர் சீரமைப்புச் சட்டத்தின்படி, சம்மு காசுமீர் மாநிலத்தை சம்மு காசுமீர் ஒன்றியப் பகுதி மற்றும் லடாக் ஒன்றியப் பகுதி என இரண்டாகப் பிரிக்கப்பட்டது. இவ்விரு ஒன்றியப் பகுதிகளின் ஆட்சி முறை 31 அக்டோபர் 2019 அன்று நள்ளிரவு முதல் நடைமுறைக்கு வந்துள்ளது. சம்மு காசுமீர் ஒன்றியப் பகுதியின் முதல் துணைநிலை ஆளுநராக 31 அக்டோபர் 2019 அன்று நள்ளிரவில் கிரீசு சந்திர முர்மு பதவி ஏற்றது முதல் சம்மு காசுமீர் ஒன்றியப் பகுதி நிறுவப்பட்டது.^{[11][12][13][14][15]}

சம்மு காசுமீர்
ஒன்றியப் பகுதி
லித்தர் பள்ளத்தாக்கு, அக்னூர் கோட்டை
சர்ச்சைக்குரிய காஷ்மீர் பகுதியின் வரைபடம், ஜம்மு மற்றும் காஷ்மீரின் இந்திய நிர்வாகத்தின் யூனியன் பிரதேசத்தைக் காட்டுகிறது
நாடு	இந்தியா
மாநிலம்	31 அக்டோபர் 2019
தலைநகரம்	சிரீநகர் (மே–அக்டோபர்) சம்மு (நவம்பர்-ஏப்ரல்)[1]
மாவட்டங்கள்	20
அரசு
• நிர்வாகம்	சம்மு காசுமீர் அரசு
• துணைநிலை ஆளுநர்	மனோச்சு சின்கா (7 ஆகத்து 2020 - )
• முதலமைச்சர்	பதவியிடம் காலி
• சம்மு காசுமீர் சட்டமன்றம்	ஓரவை முறைமை (114 உறுப்பினர்கள்)[2]
• நாடாளுமன்றத் தொகுதிகள்	மாநிலங்களவை (4) மக்களவை (5)
• உயர் நீதிமன்றம்	சம்மு காசுமீர் உயர் நீதிமன்றம்
பரப்பளவு [a]
• மொத்தம்	42,241 km2 (16,309 sq mi)
உயர் புள்ளி [3] (Nun Peak)	7,135 m (23,409 ft)
தாழ் புள்ளி (செனாப் ஆறு)	247 m (810 ft)
மக்கள்தொகை  (2011)
• மொத்தம்	1,22,67,013[4]
மொழிகள்
• அலுவல்	காசுமீரி, உருது, இந்தி, தோக்கிரி மற்றும் ஆங்கிலம்[5][6][7]
• உள்ளூர் மொழிகள்	காசுமீரி, தோக்கிரி, பஞ்சாபி, பகாரி மொழி, குருசாரி மொழி, தாத்திரி மொழி[8][9][10] மற்றும் இந்தி
நேர வலயம்	ஒசநே+05:30 (இந்திய சீர் நேரம்)
ஐஎசுஓ 3166 குறியீடு	IN-JK
வாகனப் பதிவு	JK
இணையதளம்	https://www.jk.gov.in

சம்மு காசுமீர் அரசின் அலுவல் மொழிகளாக காசுமீரி, உருது, இந்தி, தோக்கிரி மற்றும் ஆங்கிலம் ஆகியவைகள் இருக்கும் என 1 செப்டம்பர் 2020 அன்று இந்திய அரசு அறிவித்துள்ளது.^[16][17]

ஜம்மு காஷ்மீர் மற்றும் லடாக் ஒன்றியப் பகுதிகளின் துவக்கம்

ஜம்மு காஷ்மீர் மறுசீரமைப்புச் சட்டத்திற்குப் பின்னர் 31 அக்டோபர் 2019-இல் துவக்கப்பட்ட புதிய ஜம்மு காஷ்மீர் மற்றும் லடாக் ஒன்றியப் பகுதிகளின் வரைபடம்

சர்தார் வல்லபாய் படேலின் பிறந்த நாளான 31 அக்டோபர் 2019 அன்று ஜம்மு காஷ்மீர் மற்றும் லடாக் ஆகியவைகள் தனித்தனி ஒன்றியப் பகுதிகளாக செயல்படும் என இந்திய அரசு அறிவித்தது.^[18][19]

எல்லைகள்

இதன் வடக்கில் பாகிஸ்தான் ஆக்கிரமிப்பில் உள்ள வடக்கு நிலங்கள், கிழக்கில் லடாக், தெற்கில் இமாச்சலப் பிரதேசம் மற்றும் பஞ்சாப் மாநிலங்கள், மேற்கில் பாகிஸ்தான் ஆக்கிரமிப்பில் உள்ள ஆசாத் காஷ்மீர் எல்லைகளாக உள்ளது. புதிய ஜம்மு காஷ்மீர் ஒன்றியப் பகுதியின் புதிய வரைபடத்தை 2 நவம்பர் 2019 அன்று இந்திய அரசு வெளியிட்டுள்ளது. புதிய வரைபடத்தில் ஜம்மு காஷ்மீர் ஒன்றியப் பகுதியில் பாக்கித்தான் ஆக்கிரமிப்பு பகுதிகள் காட்டப்பட்டுள்ளது.^[20][21] இந்தியாவின் புதிய வரைபடத்திற்கு பாகிஸ்தான் எதிர்ப்பு தெரிவித்துள்ளது.^[22]

பரப்பளவு

பாகிஸ்தான் ஆக்கிரமிப்பில் உள்ள ஆசாத் காஷ்மீர் மற்றும் வடக்கு நிலங்கள் பகுதிகளின் 78,114 சதுர கிலோ மீட்டர் தவிர்த்த ஜம்மு காஷ்மீர் ஒன்றியப் பகுதியின் பரப்பளவு 42,241 சகிமீ ஆகும்.

வரலாறு

முதன்மைக் கட்டுரைகள்: ஜம்மு காஷ்மீர் வரலாறு மற்றும் ஜம்மு காஷ்மீர் மறுசீரமைப்புச் சட்டம் 2019

இந்திய நாடாளுமன்றம் நிறைவேற்றிய 2019 ஜம்மு காஷ்மீர் மறுசீரமைப்புச் சட்டத்தின்படி ஜம்மு காஷ்மீர் மாநிலத்திற்கு வழங்கப்பட்டிருந்த இந்திய அரசியல் அமைப்புச் சட்டப் பிரிவு, 370 மற்றும் ஜம்மு காஷ்மீருக்கு சிறப்புரிமை அளிக்கும் இந்திய அரசியலமைப்புச் சட்டம், பிரிவு 35ஏயும் நீக்கப்பட்டது. மேலும் ஜம்மு காஷ்மீர் மாநிலத்தை 31 அக்டோபர் 2019 முதல் ஜம்மு காஷ்மீர் ஒன்றியப் பகுதி மற்றும் லடாக் ஒன்றியப் பகுதி என இரண்டாகப் பிரித்து, சட்டமன்றம் கொண்ட ஜம்மு காஷ்மீர் யூனியன் பிரதேசமாகவும் மற்றும் சட்டமன்றம் இல்லாத லடாக் ஒன்றியப் பிரதேசமாக நிறுவ வகை செய்யப்பட்டது.^{[23][24][25][26]} ஜம்மு காஷ்மீர் ஒன்றியப் பகுதியின் முதல் துணைநிலை ஆளுநராக 31 அக்டோபர் 2019 அன்று நள்ளிரவில் கிரீஷ் சந்திர முர்மு பதவி ஏற்றது முதல் ஜம்மு காஷ்மீர் ஒன்றியப் பகுதி நிறுவப்பட்டது.^[12]

அரசாங்கம் மற்றும் அரசியல்

முதன்மைக் கட்டுரை: ஜம்மு காஷ்மீர் தொகுதிகள் மறுவரையறை அறிக்கை

இந்திய அரசியலமைப்புச் சட்டத்தின் பிரிவு 239ஏ-இன் கீழ் ஜம்மு காஷ்மீர் பிரதேசம், இந்தியாவின் ஒன்றியப் பகுதியாக நிர்வகிக்கப்படுகிறது.^[27] 25 அக்டோபர் 2019 அன்று ஜம்மு காஷ்மீர் ஒன்றியப் பகுதியின் முதல் துணைநிலை ஆளுநராக கிரீஷ் சந்திர முர்மு நியமிக்கப்பட்டார்.^[28][29][30]

ஜம்மு காஷ்மீர் ஒன்றியப் பகுதியின் சட்டமன்றம் 107 முதல் 114 உறுப்பினர்கள் இருப்பர். சட்டமன்ற உறுப்பினர்களின் பதவிக்காலம் 5 ஆண்டுகள் ஆகும். முதலமைச்சர் மற்றும் அமைச்சர்களை துணைநிலை ஆளுநரே நியமிப்பார். சட்டமன்ற நிர்வாகத்தில் துணைநிலை ஆளுநருக்கு அமைச்சரவைக் குழு ஆலோசனைகள் வழங்குவர். மற்ற விசயங்களில் துணைநிலை ஆளுநரே முடிவு எடுக்கும் அதிகாரம் உள்ளது.^[27] சட்டமன்ற உறுப்பினர்களின் பதவிக்காலம் 5 ஆண்டுகள் ஆகும். இவ்வொன்றியப் பகுதியின் பொது அமைதி தொடர்பான சட்டங்கள் மற்றும் காவல் துறை ஆகியவைகளை இந்திய அரசே வழிநடத்துகிறது.^[27]

நீதி நிர்வாகம்

ஜம்மு காஷ்மீர் ஒன்றியப் பகுதி மற்றும் லடாக் ஒன்றியப் பகுதிக்கும் சேர்த்து ஜம்மு காஷ்மீர் உயர் நீதிமன்றம் செயல்படும்.

காவல் துறை

இவ்வொன்றியப் பகுதிக்கான புது காவல் துறை உருவாக்கப்படும் வரை, ஏற்கனவே உள்ள ஜம்மு காஷ்மீர் மாநில காவல்துறையே ஜம்மு காஷ்மீர் ஒன்றியப் பகுதிக்கும், லடாக் ஒன்றியப் பகுதிக்கும் பணியாற்றும்.^[31]

மாவட்டங்கள்

முதன்மைக் கட்டுரை: ஜம்மு காஷ்மீர் மாவட்டப் பட்டியல்

ஜம்மு காஷ்மீர் ஒன்றியப் பகுதியின் மாவட்டங்கள்

ஜம்மு காஷ்மீர் ஒன்றியப் பகுதியின் ஜம்மு வருவாய் கோட்டத்தில் 10 மாவட்டங்களும், ஸ்ரீநகர் வருவாய் கோட்டத்தில் 10 மாவட்டங்களும் கொண்டுள்ளது.^[32][33]

ஜம்மு வருவாய் கோட்டத்தின் மாவட்டங்கள்

குறியிடு	மாவட்டம்	தலைமையிடம்	பரப்பளவு (km²)	மக்கள் தொகை 2001 கணக்கெடுப்பு	மக்கட்தொகை 2011 கணக்கெடுப்பு	வலைதளம்
JA	ஜம்மு மாவட்டம்	ஜம்மு	3,097	13,43,756	15,26,406	http://jammu.gov.in/
DO	தோடா மாவட்டம்	தோடா	11,691	3,20,256	4,09,576	http://doda.gov.in/ பரணிடப்பட்டது 2013-05-01 at the வந்தவழி இயந்திரம்
KW	கிஷ்துவார் மாவட்டம்	கிஷ்துவார்		1,90,843	2,31,037	http://www.kishtwar.nic.in/ பரணிடப்பட்டது 2019-11-03 at the வந்தவழி இயந்திரம்
RA	ரஜௌரி மாவட்டம்	ரஜௌரி	2,630	4,83,284	6,19,266	http://rajouri.nic.in/
RS	ரியாசி மாவட்டம்	ரியாசி		2,68,441	3,14,714	http://reasi.gov.in/
UD	உதம்பூர் மாவட்டம்	உதம்பூர்	4,550	4,75,068	5,55,357	http://udhampur.gov.in/ பரணிடப்பட்டது 2018-11-09 at the வந்தவழி இயந்திரம்
RB	இராம்பன் மாவட்டம்	ராம்பன்		1,80,830	2,83,313	http://ramban.gov.in/
KT	கதுவா மாவட்டம்	கதுவா	2,651	5,50,084	6,15,711	http://kathua.gov.in/ பரணிடப்பட்டது 2019-08-25 at the வந்தவழி இயந்திரம்
SB	சம்பா	சம்பா		2,45,016	3,18,611	http://samba.gov.in/ பரணிடப்பட்டது 2020-10-30 at the வந்தவழி இயந்திரம்
PO	பூஞ்ச்	பூஞ்ச்	1,674	3,72,613	4,76,820	http://poonch.gov.in/ பரணிடப்பட்டது 2018-10-29 at the வந்தவழி இயந்திரம்
மொத்தம்			26,293	44,30,191	53,50,811

ஸ்ரீநகர் வருவாய் கோட்டத்தின் மாவட்டங்கள்

குறியிடு	மாவட்டம்	தலைமையிடம்	பரப்பளவு (km²)	மக்கட்தொகை 2001 கணக்கெடுப்பு	மக்கட்தொகை 2011 கணக்கெடுப்பு	வலைதளம்
SR	ஸ்ரீநகர் மாவட்டம்	ஸ்ரீநகர்	2,228	9,90,548	12,50,173	http://srinagar.nic.in/
AN	அனந்தநாக் மாவட்டம்	அனந்தநாக்	3,984	7,34,549	10,69,749	http://anantnag.gov.in/ பரணிடப்பட்டது 2009-04-10 at the வந்தவழி இயந்திரம்
KG	குல்காம் மாவட்டம்	குல்காம்		4,37,885	4,23,181	http://kulgam.gov.in/
PU	புல்வாமா மாவட்டம்	புல்வாமா	1,398	4,41,275	5,70,060	http://pulwama.gov.in/ பரணிடப்பட்டது 2007-07-10 at the வந்தவழி இயந்திரம்
SH	சோபியான் மாவட்டம்	சோபியான்		2,11,332	2,65,960	http://shopian.nic.in/ பரணிடப்பட்டது 2020-11-28 at the வந்தவழி இயந்திரம்
BD	பட்காம் மாவட்டம்	பட்காம்	1,371	6,29,309	7,55,331	http://budgam.nic.in/ பரணிடப்பட்டது 2009-04-27 at the வந்தவழி இயந்திரம்
GB	காந்தர்பல் மாவட்டம்	காந்தர்பல்		2,11,899	2,97,003	http://ganderbal.nic.in
BPR	பந்திபோரா மாவட்டம்	பந்திபோரா		3,16,436	3,85,099	http://bandipore.gov.in/ பரணிடப்பட்டது 2014-07-04 at the வந்தவழி இயந்திரம்
BR	பாரமுல்லா மாவட்டம்	பாரமுல்லா	4,588	8,53,344	10,15,503	http://baramulla.nic.in/
KU	குப்வாரா மாவட்டம்	குப்வாரா	2,379	6,50,393	8,75,564	http://kupwara.gov.in/
மொத்தம்			15,948	54,76,970	69,07,623

இதனுடன் கூட பாகிஸ்தான் ஆக்கிரமிப்பில் உள்ள, ஜம்மு காஷ்மீரின் பகுதிகளான ஆசாத் காஷ்மீர் பகுதியில் உள்ள பூஞ்ச் வருவாய் கோட்டம், முசாஃபராபாத் வருவாய் கோட்டம் மற்றும் மிர்பூர் வருவாய் கோட்டத்தின் 10 மாவட்டங்கள் ஜம்மு காஷ்மீர் ஒன்றியப் பகுதியின் வரைபடத்தில் இந்திய அரசு இணைத்துக் காட்டியுள்ளது.^[21]

இதனையும் காண்க

• சம்மு காசுமீர் மறுசீரமைப்புச் சட்டம் 2019
• சம்மு காசுமீர் தொகுதிகள் மறுவரையறை அறிக்கை
• சம்மு காசுமீர் இருப்பிடச் சான்று
• இந்திய அரசியலமைப்பு சட்டம், பிரிவு 370
• இந்திய அரசியலமைப்புச் சட்டம், பிரிவு 35ஏ
• சம்மு காசுமீர் இராச்சியம்
• காசுமீரி திரைப்படத்துறை
• சம்மு காசுமீரின் இசை

குறிப்புகள்

1. Jammu and Kashmir is a எல்லைத் தகராறு between இந்தியா and பாக்கித்தான். Jammu and Kashmir has 42,241 km2 of area administered by India and 13,297 km2 of area controlled by Pakistan under Azad Kashmir which is claimed by India as part of Jammu and Kashmir.