Даўяты Вялікія

Даўя́ты Вялі́кія^[1] — вёска ў Беларусі, каля возера Корні. Уваходзяць у склад Ахрэмаўскага сельсавету Браслаўскага раёну Віцебскай вобласьці.

Даўяты Вялікія лац. Daŭjaty Vialikija
Краіна:	Беларусь
Вобласьць:	Віцебская
Раён:	Браслаўскі
Сельсавет:	Ахрэмаўскі
Насельніцтва:	11 чал. (2010)
Часавы пас:	UTC+3
Тэлефонны код:	+375 2153
Нумарны знак:	2
Геаграфічныя каардынаты:	55°29′51.4″ пн. ш. 27°9′34.8″ у. д.
Даўяты Вялікія на мапе Беларусі ± Даўяты Вялікія Даўяты Вялікія

Назва

Асноўны артыкул: Даўят (імя)

Даўят або Давята (Dowyatt, Daviato^[2]) — імя германскага паходжаньня^[3]. Іменная аснова -даў(г)- (імёны ліцьвінаў Даўгерд, Даўгер, Даўмонт; германскія імёны Daugaard, Dauharjis, Damondus) паходзіць ад гоцкага daug 'годна', бургундзкага daugjis 'здольны, годны'^[4][5], а аснова -ют- (-ят-) (імёны ліцьвінаў Ютэль, Вілят, Карыят; германскія імёны Jutilo, Wiliatus, Cariatto) — ад гоцкага iuþa, старагерманскага joþ 'дзіцё, народзінец, нашчадак'^[6]. Такім парадкам, імя Даўят азначае «здольны нашчадак»^[7].

Адпаведнасьць імя Даўят германскаму імю Dowyatt сьцьвердзіў францускі лінгвіст-германіст Раймонд Шмітляйн, які на падставе шматгадовых дасьледаваньняў прыйшоў да высноваў пра германскае паходжаньне літоўскіх уласных імёнаў^[3]. Слушнасьць супастаўленьня імя Даўят з германскім імём Dowyatt прызнае летувіскі тапаніміст Аляксандрас Ванагас^[8].

Гісторыя

У 1921—1945 гадох вёска ў складзе гміны Ёды Дзісенскага павету Віленскага ваяводзтва Польскай Рэспублікі^[9] (Заходняя Беларусь). У 1939 годзе далучаная да Беларускай ССР (Узьяднаньне Беларусі).

Насельніцтва

• 1921 год — 99 чалавек^[10]
• 1931 год — 111 чалавек^[9]
• 1999 год — 20 чалавек
• 2010 год — 11 чалавек