Карыгайла (імя)

Карыгайла — мужчынскае імя.

Kargil
Паходжаньне
Мова(-ы)	германскія
Утворанае ад	Caro + Gilo Caro + Gailo
Іншыя формы
Вытворныя формы	Карыгізіл
Зьвязаныя артыкулы
якія пачынаюцца з «Карыґайла»

Паходжаньне

Асноўны артыкул: Імёны ліцьвінаў

Каргіл (Kargil) — імя германскага паходжаньня^[1][a]. Іменная аснова -кар- (-кор-) (імёны ліцьвінаў Караман, Карымонт, Карыят; германскія імёны Caroman, Caromond, Cariatto) паходзіць ад гоцкага kaurus 'цяжкі, важкі'^[4] або гоцкага^[5] і бургундзкага kara 'турбота, клопат'^[6], а аснова -гайл- (-гал-, -гел-) (імёны ліцьвінаў Відзігайла, Інгела, Монтгайла; германскія імёны Widigail, Ingeila, Montigel) — ад гоцкага і бургундзкага gails 'жвавы, свавольны, ганарысты'^[7] або ад асновы -гісіл- (-гіл-)^[8]. Такім парадкам, імя Карыгайла азначае «важкі свавольствам»^[9].

У Польшчы гістарычна бытавала імя Коргал: Petrus Corgal (kmetho in Oszeczek) (1443 год)^[10].

У Польшчы ў 1536 годзе адзначалася прозьвішча Kargol, у 1786 годзе — Korgiel (Korgel)^[11].

Варыянты імя ў гістарычных крыніцах: Carigal (31 кастрычніка 1382 году^[12])^[13]; Cazimiro vel Corigalo Mscislaviens (20 лютага 1387 году)^[14]; principe Casimiro alias Korigalone per Theutonicos Cruciferos de Prussia de anno Domini 1390 interfecto (25 траўня 1391 году)^[15]; Karigal або Korigal (Хроніка Віганда)^[16]; Casimiri alias Corigal (2 лютага 1395 году)^[17]; Коригайло (Наўгародзкі чацьверты летапіс^[18] і Сафійскі першы летапіс^[19]); od folwarku Karagaliszek (1784 год)^[20].

Носьбіты

• Карыгайла (у праваслаўі Васіль, у каталіцтве Казімер; 1369 або 1370—1390) — дзяржаўны дзяяч Вялікага Княства Літоўскага, князь амсьціслаўскі

Кергелевічы або Керглевічы (Kiergielewicz, Kierglewicz) гербу Тапор — літоўскі шляхецкі род^[21].

Кергелевічы або Гергелевічы (Kiergielewicz, Giergielewicz) гербу Тапор^[22] — шляхецкі род Рэчы Паспалітай з Саколаўскага павету (Мазовія)^[23].

На гістарычнай Віленшчыне існуе вёска Керагелішкі.

Глядзіце таксама

• Кара
• Гайла

Заўвагі

1. Апроч таго, адзначаецца нямецкае прозьвішча Kargel (гістарычна бытавала на сучасным польска-нямецкім памежжы^[2]), якое, аднак, зьвязваюць з хрысьціянскім (грэцкім) імём Makarius^[3]