Дамир Сираҗиев премиясе

Дамир Сираҗиев премиясе — Татарстанның театр сәнгате өлкәсендә бирелә торган дәүләт бүләге, еллык премия. Муса Җәлил премиясе лауреаты (1989), татар сәхнәсенең талантлы режиссеры, милли хәрәкәт активисты, сәясәтче, милли мәнфәгатьләр өчен акчасын кызганмаучы эшмәкәр^[1] Дамир Сираҗиев (Раид Равил улы Сираҗиев) (1954-1998) исемен йөртә.

Тарих

Диплом. Энҗе Шиһаповага бирелгән (2012)

• 1999 елда Татарстан Республикасы мәдәният министрлыгы, Камал театры, Татарстанның «Җыен» фонды тарафыннан гамәлгә куелган.
• М. Сәлимҗанов, Ф. Бикчәнтәев, Т. Еникеев, З. Хәким, Т. Миңнуллин, А. Степанова, А. Славутский, Р. Таҗетдинов, М. Айтуганова, Р. Исрафилов, Рөстәм Галиев (Түбән Кама театры баш режиссеры, 2003), Рәзилә Муллина (Минзәлә театры) һәм башкалар премиягә лаек булган.

Статут

• Театр тормышына, аның үсешенә үзеннән өлеш керткән төрле профессия вәкилләренә (режиссерлар, актерлар, драматурглар, сценографлар, театр тәнкыйтьчеләре, җәмәгать эшлеклеләре, директорлар һ.б.) бирелеп бара.
• Кагыйдә буларак, татар театрының туган көнендә - 22 декабрьдә^[2] бүләкләү тантанасы уза.^[3]
• Лауреатларга диплом һәм акчалата бүләк тапшырыла.
• Акчалата бүләк 10 мең сум тәшкил итә (2010).^[4]

Д. Сираҗиев премиясе лауреатлары

Ел	Бүләкләнүче	Вазыйфасы, бүләкләү сәбәбе
2010	Гүзәл Әкбәрдина	«Нур» Уфа татар дәүләт театры режиссеры
	Рәфыйк Таһиров	Әлмәт татар драма театры артисты
	Ринат Бәдретдинов	С. Өметбаев исемендәге Минзәлә татар драма театры артисты
	Радик Бариев	Г. Камал исемендәге театр артисты
	Дания Гыймранова	театр тәнкыйтьчесе
	Айрат Хәбибуллин	М. Фәйзи исемендәге Ырымбур татар драма театры артисты[5]
2011	Альберт Шиһабетдинов	«ТАИФ» ААҖ генераль директоры
	Булат Сәлахов	Яр Чаллы Татар дәүләт драма театры. Татарстанның халык артисты.
	Рамил Вәҗиев	Камал театры артисты
	Гөлнур Габдрахманова	Татарстанның атказанган артисты. Әкият Татар дәүләт курчак театры
	Рәис Галиев	Татарстанның атказанган артисты. Түбән Кама театры
	Фәридә Исмәгыйлева	Әлмәт дәүләт драма театрының директоры
	Марсель Мәхмүтов	Казан татар дәүләт яшь тамашачылар театры артисты
	Нуриәхмәт Сафин	Русиянең атказанган, Татарстанның халык артисты
	Резедә Сәләхова Лия Вилданова Артем Пискунов Илфак Хафизов	К. Тинчурин исемендәге Татар дәүләт драма һәм комедия театры артистлары
2012	Фоат Зарипов	Татарстанның халык артисты
	Байрас Ибраһимов	Туймазы татар драма театры баш режиссеры
	Булат Нәсихов	Түбән Кама театрының баш рәссамы
	Рәдиф Сәгъди	драматург
	Нурания Җамалиева	Татарстанның атказанган сәнгать эшлеклесе
	Гөлнур Гыйматова	Камал театрының баш мөхәррире
	Рәфикъ Әхмәтов	Татарстанның атказанган мәдәният хезмәткәре
	Александр Купцов	Татарстанның халык артисты
	Энҗе Шиһапова	Яр Чаллы татар дәүләт драма театры актрисасы, Татарстанның атказанган артисты[6]
2013	Земфира Гыйльметдинова	«Сәхнә» журналының җаваплы мөхәррире
	Раушания Фәйзуллина	Әлмәт татар дәүләт драма театры актрисасы
	Инсаф Фәхретдинов	РФ атказанган артисты. Чаллы Татар дәүләт драма театры артисты
	Олег Лоевский	театр тәнкыйтьчесе (Екатеринбург)
	Наталья Егорова	«Әкият» курчак театры артисткасы
	Ленар Миңнемуллин	Минзәлә театры артисты
	Ранис Сәхибуллин	Г. Камал театры директоры урынбасары
	Дмитрий Пивоваров	«Эфир» телеканалының мәдәният бүлеге җитәкчесе[7]
2014	Дамир Сәмирханов	С.Өметбаев исемендәге Минзәлә Татар дәүләт драма театрының баш режиссеры;
	Дилә Карпова	Татарстанның атказанган артисты. Т. Миңнуллин исемендәге Түбән Кама Татар дәүләт драма театры артисты
	Рәмзия Закирҗанова	Татарстанның атказанган артисты. Г. Кариев исемендәге Казан дәүләт Яшь тамашачылар театры артисты http://tatarile.org/news/tt/node/4608(үле+сылтама) Татар иле
2015	Марсель Рәхмәтуллин	Мирхәйдәр Фәйзи исемендәге Ырынбур дәүләт татар драма театры артисты
	Марат Хәсәнов	Туймазы дәүләт татар драма театры артисты
	Ренат Әюпов	РФ атказанган артисты, Татарстанның атказанган сәнгать эшлеклесе. Г. Кариев исемендәге Казан дәүләт Яшь тамашачылар театры режиссеры
	Раил Садриев	Татарстанның атказанган артисты. Буа дәүләт сатира театры режиссеры[8]
2016	Илтөзәр Мөхәммәтгалиев	«классик каһарманнарның чагу сәхнә образларын тудырган һәм «Тәрҗемәләр һәм сәхнә өчен әсәрләр» китабы өчен», Камал театры артисты, Татарстанның атказанган артисты
	Гүзәл Шәмәрдәнова	«уңышлы иҗади хезмәте һәм Туфан Миңнуллин исемендәге Түбән Кама татар дәүләт драма театрын үстерүгә керткән зур өлеше өчен»[9]
	Эльмир Низамов	«ТР театрларындагы спектакльләргә үзенчәлекле музыка язган өчен», композитор, М. Җәлил премиясе иясе
	Гүзәл Сәгыйтова	«татар театр сәнгатен пропагандалауга керткән зур өлеше өчен», тележурналист, «Калеб» иҗади берлеге җитәкчесе[10]
2017	Руслан Вахитов	«театр сәнгатендәге казанышлары һәм Туймазы дәүләт Татар драма театры үсешенә зур өлеш керткәне өчен»
	Рәфикъ Каюмов	«театр сәнгатендәге казанышлары һәм Яр Чаллы дәүләт Татар драма театры үсешенә зур өлеш керткәне өчен»
	Айдар Җаббаров	«иҗат дебюты — Г. Камал исемендәге Татар дәүләт Академия театрында «Агыла да болыт агыла...» (Хәсән Туфан, Туфан Миңнуллин) спектаклен куйганы өчен»[11]
2019
2021	Миләүшә Шәйхетдинова	күпьеллык нәтиҗәле иҗади хезмәте һәм Г.Камал исемендәге Татар дәүләт Академия театры үсешенә зур өлеш керткәне өчен
	Елена Сорочайкина	күпьеллык нәтиҗәле иҗади хезмәте һәм «Мастеровые» рус драма театры сәнгате үсешенә зур өлеш керткәне өчен
	Илгиз Зәйниев	күпьеллык нәтиҗәле иҗади хезмәте һәм татар театры сәнгате үсешенә зур өлеш керткәне өчен[12]
2022	«Сәхнә» журналы
	Рәзил Фәхертдинов	Аяз Гыйләҗев исемендәге Чаллы татар дәүләт драма театры
	Ләйсән Рәхимова	Камал театры
	Рәмис Нәҗмиев	театр фотографы [13]
2023	Юрий Павлов	Туфан Миңнуллин исемендәге Түбән Кама татар дәүләт драма театры үсешенә зур өлеш керткәне өчен
	Рафил Сәгъдуллин	Аяз Гыйләҗев исемендәге Чаллы татар дәүләт драма театры үсешенә зур өлеш керткәне өчен
	Айгөл Габәши	озак еллар дәвамында уңышлы иҗади эшчәнлеге һәм татар театр сәнгате үсешенә зур өлеш керткәне өчен [14]
2024	Рабит Батулла, Нурбәк Батулла һәм Байбулат Батулла	артистлар гаиләсе
	Александр Кочетов һәм Марина Быстрова	Баталов исемендәге Бөгелмә театры үсешенә зур өлеш керткәннәре өчен (артистлар гаиләсе)
	Артем Пискунов һәм Резеда Сәләхова	Тинчурин театры үсешенә зур өлеш керткәннәре өчен (артистлар гаиләсе) [15]
2025	Алексей Зильбер	Казан яшь тамашачы театры[16]
	Миләүшә Нәҗмиева	Тинчурин театры[16]
	Рузилә Мөхәммәтова[17]	Татар-информ[16]

Сылтамалар

• «Сәхнә» журналы 2016 елның 4 март көнендә архивланган.
• Камал театрының рәсми сайты(үле сылтама)
• Чаллы театры сайты 2016 елның 4 март көнендә архивланган.