Віляўд

Віляўд, Вілгалд — мужчынскае імя і вытворнае ад яго прозьвішча.

Wiliaud Villald
Паходжаньне
Мова(-ы)	германскія
Утворанае ад	Wilo + Gaudo Wilo + Wald
Іншыя формы
Варыянт(ы)	Вілгалд, Вілеўд
Зьвязаныя артыкулы
якія пачынаюцца з «Віляўд»

Паходжаньне

Асноўны артыкул: Імёны ліцьвінаў

Вілгаўт або Віляўд (Wilgaut^[1][2], Wiliaud) і Вілалд (Villald) — імёны германскага паходжаньня^[3]. Іменная аснова -віл- (імёны ліцьвінаў Вільбут, Вільгейда, Мунтвіл; германскія імёны Willebut, Williheid, Muntwil) паходзіць ад гоцкага wilja 'воля', аснова -гаўд- (-гаўт-, -каўд-) (імёны ліцьвінаў Гаўтоўт, Гаўдземунда, Саргоўд; германскія імёны Gautald, Gaudemund, Saregaud) — ад германскага *gautaz 'гот'^[4] або гоцкага goþs 'добры, годны', godei 'дабро, годнасьць, цнота', а аснова -валд- (-алд, -олт) (імёны ліцьвінаў Геральт, Левалт, Рамвольт; германскія імёны Gerwald, Lewolt, Romuald) — ад гоцкага і германскага waldan 'валодаць, гаспадарыць' або wulþus 'слава, мажнасьць'^[5].

У Прусіі бытавала імя Гаўдывіл: Gaudewil (1405 год)^[6].

Варыянты імя ў гістарычных крыніцах: Wilawde (26 траўня 1390 году)^[7]; а Буивиду Вилевъдовичу (1440—1492 гады)^[8]; Петр Вилевдович (1537—1538 гады)^[9]; Anna Wilowdówna (1683 год)^[10]; Kazimierz Wiłgałd (1740 год)^[11][a].

Носьбіты

• Віляўд — літоўскі баярын з Эйраголы, які ў 1390 годзе засьведчыў умову з Тэўтонскім ордэнам
• Буйвід Вілеўдавіч — літоўскі баярын, які атрымаў наданьне ад вялікага князя Казімера
• Пётар Марцінавіч Віляўдовіч — расенскі зямянін, які ўпамінаецца ў 1595 годзе^[14]
• Павал Рыгоравіч Янушэвіч Вілеўд — вількамірскі зямянін, які ўпамінаецца ў 1606—1607 гадох^[15]
• Андрэй Паўлавіч Вілеўд Павірынскі — вількамірскі зямянін, які ўпамінаецца ў 1611 годзе^[16]

У былым Жамойцкім старостве існуе вёска Віляўды.

Глядзіце таксама

• Віла
• Гаўд

Заўвагі

1. Таксама:

   • Жвілголд (параўн.: Dawid Żminigajło Jawgiel, т. б. z Minigajła^[12]): бояре господарьскии Вилькомирского повета Хрщонъ Жвилкголдовичь (каля 1514 году)^[13]