Генрых

Генрых, Генрык — мужчынскае імя.

Henrich
Паходжаньне
Мова(-ы)	германскія
Утворанае ад	Heimo + Rih
Іншыя формы
Варыянт(ы)	Генрык
Вытворныя формы	Індрых
Зьвязаныя артыкулы
якія пачынаюцца з «Генрых»

Паходжаньне

Асноўны артыкул: Імёны ліцьвінаў

Геймірых, Гейнрых, Генрых або Генрык (Heimirich, Heinrich, Henrich, Henric) — імя германскага паходжаньня^[1][2][3]. Іменная аснова гайм- (гейм-) (імёны ліцьвінаў Гейман, Гаймунт; германскія імёны Heyman, Haimund) паходзіць ад германскага haima, haimi 'айчына, месца жыхарства'^[4], а аснова -рых- (-рык-) (імёны ліцьвінаў Дытрык, Мондрык, Эрык; германскія імёны Ditricus, Monderich, Erik) — ад гоцкага reiks 'магутны'^[5], германскага rikja 'магутны, каралеўскі'^[6].

Этымалягічны слоўнік старапольскіх асабовых імёнаў, выдадзены Польскай акадэміяй навук, адзначае гістарычнае бытаваньне ў Польшчы германскага імя Hainrich (Heinricus, Hinricus)^[7].

Варыянты імя ў гістарычных крыніцах: Henricus Monte Nattangorum capitaneus (Хроніка Прускай зямлі)^[8]; Henryk Rayski z Rayska, czesznik Połocki (14 чэрвеня 1686 году)^[9].

Носьбіты

• Генрых I Птушнік (876—936) — кароль Усходняй Франкіі
• Генрых II Сьвяты (973—1024) — імпэратар Сьвятой Рымскай імпэрыі
• Генрых I (1011—1060) — кароль Францыі
• Генрых III Чорны (1017—1056) — кароль Нямеччыны і імпэратар Сьвятой Рымскай імпэрыі
• Генрых I Боклерк (1068—1135) — кароль Ангельшчыны
• Генрык Готшалкавіч († 1127) — князь бодрычаў
• Бутаўт (у каталіцтве Генрык; каля 1346 — па 1381) — дзяржаўны дзяяч Вялікага Княства Літоўскага, князь дарагічынскі
• Генрык Даўкша Даўгерд — літоўскі баярын, які каля 1555 году фундаваў касьцёл у Жупранах^[10][11]
• Генрык Валезы (1551—1589) — герцаг анжуйскі, кароль польскі і вялікі князь літоўскі, кароль Францыі
• Якуб Генрык Флемінг (1667—1728) — дзяржаўны і вайсковы дзяяч Рэчы Паспалітай і Саксоніі, канюшы вялікі літоўскі, саксонскі генэрал-фэльдмаршал і генэрал кароннай артылерыі; першы міністар Саксоніі
• Антоні Генрых Радзівіл (1775—1833) — кампазытар-аматар, заснавальнік бэрлінскай лініі Радзівілаў
• Генрык Жавускі (1791—1866) — польскамоўны беларускі пісьменьнік
• Генрых Дмахоўскі (1810—1863) — скульптар і палітычны дзяяч
• Генрык Сянкевіч (1846—1916) — польскі навэліст, пісьменьнік і публіцыст; ляўрэат Нобэлеўскай прэміі ў галіне літаратуры
• Генрых Татур (1846—1907) — беларускі гісторык, археоляг
• Бэнэдыкт Генрык Тышкевіч (1852—1935) — беларускі фатограф
• Генрых Глябовіч (1904—1941) — беларускі ксёндз, прафэсар тэалёгіі ўнівэрсытэту Стэфана Баторыя ў Вільні
• Генрых Вагнер (1922—2000) — беларускі савецкі кампазытар
• Генрых Далідовіч (нар. 1946) — беларускі пісьменьнік