Даўгайла

Даўгайла (Даўгала, Дагала, Даўгела) — мужчынскае імя і вытворнае ад яго прозьвішча.

Dagalo
Паходжаньне
Мова(-ы)	германскія
Утворанае ад	Davo + Galo Dago + Galo
Іншыя формы
Варыянт(ы)	Даўгала, Дагала, Даўгела, Далгела
Вытворныя формы	Дагела, Даўгіла
Зьвязаныя артыкулы
якія пачынаюцца з «Даўґайла»

Паходжаньне

Асноўны артыкул: Імёны ліцьвінаў

Дагала або Дэгел (Dagalo, Dæggel^[1], Dægel^[2][a]) — імя германскага паходжаньня^[4]. Іменная аснова -даў(г)- (імёны ліцьвінаў Даўгерд, Даўгер, Даўят; германскія імёны Daugaard, Dauharjis, Dowyatt) паходзіць ад гоцкага daug 'годна', бургундзкага daugjis 'здольны, годны'^[5] або ад асновы -даг- (-дак-, -таг-)^[6][7], а аснова -гайл- (-гал-, -гел-) (імёны ліцьвінаў Відзігайла, Інгела, Монтгайла; германскія імёны Widigail, Ingeila, Montigel) — ад гоцкага і бургундзкага gails 'жвавы, свавольны, ганарысты'^[8]. Такім парадкам, імя Даўгайла азначае «здольны да жвавасьці»^[9].

Адпаведнасьць імя Даўгайла (Даўгіла) германскаму імю Dagilo сьцьвердзіў францускі лінгвіст-германіст Раймонда Шмітляйна, які на падставе шматгадовых дасьледаваньняў прыйшоў да высноваў пра германскае паходжаньне літоўскіх уласных імёнаў^[6].

У ваколіцах Русі (Прусія) адзначалася прозьвішча Daugel (Daugehl, Daugill)^[10].

У Польшчы адзначаюцца прозьвішчы Даўгайла (Dowgajło), Даўгала (Dowgało, Dowgała, Dowgałło), Даўгаль (Dowgal), Даўгела (Dawgieło, Dawgiełło), Даўгяловіч (Dawgiełowicz, Dowgiełowicz), Даўгялевіч (Dawgielewicz, Dowgielewicz)^[11].

Варыянты імя ў гістарычных крыніцах: cum Dangel^[12], Dawgen^[13], Dangel^[14] (Daugel^[15]; 2 кастрычніка 1413 году); Dawgali vexilliferi Wyłnensis (1 верасьня 1431 году)^[16]; Dewgel (15 траўня 1432 году)^[17]; Dovgal (15 кастрычніка 1432 году)^[18]; Dawgal vexilliseri Wylnensis [sigilla] (20 студзеня 1433 году)^[19]; Stanislaus alias Dowgalo (9 красавіка 1437 году)^[20]; Dowgal Gyrdowicz (24 чэрвеня 1437 году)^[21]; Довкгаило (1440—1492 гады)^[22]; Dowgone (Dowgon^[15]; 16 красавіка 1444 году)^[23]; Andrus Nacz Dowgyalowycz (2 лістапада 1449 году)^[24]; дворец Довкгаилов Воишвиловича^[25], Довкгаило Воишвиловичъ^[26], Докаилу Воишвиловичу Никелева земля пуста^[27] (9 лістапада 1449 году); пан Юшко Довгайлович (9 ліпеня 1463 году)^[28]; Dawgenis (6 лютага 1481 году)^[29]; Довъкгайло (9 чэрвеня 1508 году)^[30]; у бояр Ковенского повета… в Римка Ловриновича Довкгоиловича (14 чэрвеня 1514 году)^[31]; продалъ былъ Дакгалу Лавеиновичу… Довъкгаилу… Довъкгала… Довъкгале… Довъкгола… Давкгала (28 лютага 1520 году)^[32]; Лютко Довкгаиловичъ, Мицъ Довкгаиловичъ (1528 год)^[33]; земль пустовъских у повете Ковеньскомъ Румъшыское волости… Довъкгаловъщину (10 лістапада 1529 году)^[34]; люди его милости волости Мерецъкое… Богдана Довъкгаловича (3 верасьня 1537 году)^[35]; люди его милости волости Мерецъкое… Богдана Довкгяловича (5 верасьня 1537 году)^[36]; Судко Довкгалович (1538 год)^[37]; а Грыгор Давъкголовичъ (8 верасьня 1539 году)^[38]; Dougieło (1565 год)^[39]; Родъ Довкгойловъ^[40], Станиславъ Довкголевичъ^[41] (1567 год); Jędrzey Dougielewicz (23 кастрычніка 1655 году)^[42]; Paulus Daugiella (сакавік — красавік 1656 году)^[43]; Dawgielowicz (1666 год)^[44]; Dawgielewicz (1726 год)^[44]; Daugiełło (1754 год)^[44]; Dowgołowicz (1755 год)^[45]; Dowgieliewicz (1758 год)^[44]; Marcin Dowgieło (1797 год)^[46]; Katarzyna Daugałło (1804 год)^[47]; Franciszek Dałgiełło (1808 год)^[48]; Maciej Dołgiełło (1810 год)^[49]; Nastazja Dawgało (1821 год)^[50]; Dowgiełłowicz Józef (1834 год)^[51].

Носьбіты

• Станіслаў Даўгайла († па 1437) — харужы земскі літоўскі і віленскі, меў сына Юрыя (Юшку)
• Даўгайла Войшвілавіч — літоўскі баярын, які атрымаў наданьні ад вялікага князя Казімера
• Даўгайла — зямянін валынскі, які ўпамінаецца ў 1508 годзе
• Лютка Даўгайлавіч — вялёнскі баярын, які ўпамінаецца ў попісе войска Вялікага Княства Літоўскага 1528 году
• Міц Даўгайлавіч — жаранскі баярын, які ўпамінаецца ў попісе войска ВКЛ 1528 году
• Міхал, Юзэф, Аляксандар, Юзэфа, Паўліна і Тэрэза Даўгелевічы (Daugielewicz) — уладальнікі гаспадаркі ў Жыдзішках каля Трокаў на 1935 год^[52]
• Уладзіслаў, Марыя, Ян, Ганна і Валеры Даўгелі (Dawgiel) — уладальнікі гаспадарак у Васевічах каля Лучаю на 1932 год^[53]

Даўгелевіч (Daugielewicz, Dowgielewicz) і Даўгела (Dovgelo) — прозьвішчы, гістарычна зафіксаваныя на тэрыторыі цяперашняй Летувы^[54].

Даўгяля (Dowgiallo) і Даўгялёвіч (Dowgialowicz) — прозьвішчы, зафіксаваныя ў XIX стагодзьдзі ў ваколіцах Сувалкаў^[55].

На 1906 год існавала вёска Даўгалы (Доўгалы) у Гарадоцкім павеце Віцебскай губэрні^[56].

На гістарычнай Слонімшчыне існуе вёска Даўгялавічы, на гістарычнай Ашмяншчыне — Даўгялаўшчына, на гістарычнай Лідчыне — Даўгялішкі. Назву Даўгялы маюць вёскі на гістарычнай Лідчыне.

Глядзіце таксама

• Даўга
• Гайла

Заўвагі

1. Апроч таго, у Вялікабрытаніі адзначалася назва мясцовасьці Dowgalhead^[3]