Войшывід
From Wikipedia, the free encyclopedia
Remove ads
Войшывід, Войшвід (Вэйшвід) — мужчынскае імя.
Паходжаньне
Вісьвіда або Вісьвіт (Wisvida, Wiswith[1]) і Відвіс (Widuis[2]) — імёны германскага паходжаньня[3]. Іменная аснова -войш- (-вайш-) (імёны ліцьвінаў Вайшыла, Вайсар, Войшнар; германскія імёны Weisel, Weiser, Wießner) паходзіць ад гоцкага і бургундзкага waiþs 'паляваньне', гоцкага waiþja 'паляўнічы'[4] або ад асновы -віс- (-віз-, -веш-)[5][6] (пазьнейшай -вайс-[7]), а аснова -від- (імёны ліцьвінаў Відмунд, Мельвід, Торвід; германскія імёны Widmund, Melvid, Torvid) — ад гоцкага wida 'повязь, злучэньне, моцнасьць' або ад гоцкага і германскага widus 'дрэва'[4]. Такім парадкам, імя Войшвід азначае «моцны на паляваньні»[8].
Варыянты імя ў гістарычных крыніцах: Wayswidendorff (Паведамленьні аб літоўскіх дарогах)[9]; Woyschiwid cum filio Radiwilo (18 студзеня 1401 году)[10]; земли пустовскихъ… Воишвидовшчину (3 жніўня 1522 году)[11]; Мацко Войшивидович (да 1525 году)[12]; Андреи Воишвидович[13], Анъдриян Воишвидовичъ[14], Анъдриян Воишвидович[15] (1528 год); боярина вилькомирского Юря Вишъвидовича (25 верасьня 1536 году)[16]; Воишвид Ябутович… Януш Воишвидович (1537—1538 гады)[17]; na pole Wejswidowskie (1784 год)[18].
Remove ads
Носьбіты
- Войшывід — літоўскі баярын, які засьведчыў акт Віленска-Радамскай уніі
- Андрэй Войшвідавіч — вількамірскі баярын, які ўпамінаецца ў попісе войска Вялікага Княства Літоўскага 1528 году
- Андрыян Войшвідавіч — упіцкі баярын, які ўпамінаецца ў попісе войска ВКЛ 1528 году
- Андрыян Войшвідавіч — вялёнскі баярын, які ўпамінаецца ў попісе войска ВКЛ 1528 году
У актах Вялікага Княства Літоўскага ўпаміналіся маёнтак Войсьвідзішкі (Войсвидишки) у Вількамірскім павеце, засьценак Вайсьвіды (Войсвиды) каля Шаўляў і маёнтак Войшвідава (Войшвидово) у Ковенскім павеце[19].
Remove ads
Глядзіце таксама
Крыніцы
Літаратура
Wikiwand - on
Seamless Wikipedia browsing. On steroids.
Remove ads