Талейка

Талейка (Таліка), Талька (Талка) — мужчынскае імя і вытворнае ад яго прозьвішча.

Taleke
Паходжаньне
Мова(-ы)	германскія
Утворанае ад	Talo + суфікс з элемэнтам -к- (-k-)
Іншыя формы
Варыянт(ы)	Таліка, Талька, Талка, Далік
Зьвязаныя артыкулы
якія пачынаюцца з «Талейка»

Паходжаньне

Асноўны артыкул: Імёны ліцьвінаў

Таліка, Талека, Тальке, Далека або Дальке (Taliko, Taleke^[1][2], Talke, Dalleke, Dahlke^[3]) — імя германскага паходжаньня^[4]. Іменная аснова тал- (дал-) (імёны ліцьвінаў Дальман, Талімунт, Талмут; германскія імёны Dalman, Talamund, Talmut) паходзіць ад гоцкага tals 'дасьціпны, руплівы'^[5] або ад германскага і стараангельскага deall 'славуты, ганарлівы'^[6].

Этымалягічны слоўнік старапольскіх асабовых імёнаў, выдадзены Польскай акадэміяй навук, адзначае гістарычнае бытаваньне ў Польшчы германскага імя Talka^[4].

Германскае імя Talke гістарычна бытавала ў Рызе^[7].

Варыянты імя ў гістарычных крыніцах: den Sudauern Muntigin, Tholeyke (1285 год)^[8]; чоловеки — Талико (20 чэрвеня 1413—1424 гадоў^[9] паводле выпісу 30 студзеня 1607 году)^[10]; domino Talkone Dangwidowicz (21 кастрычніка 1440 году)^[11]; бояринъ слонимъскии Талько Некрашевичъ (1488 год)^[12]; donatione Anne Talkonis (15 верасьня 1489 году)^[13]; homines… Thalko Andreyowicz (7 чэрвеня 1492 году)^[14]; отчины Талковы Некрашевича Порецкое (22 студзеня 1495 году)^[15]; Талковая Бурнейковая… того Талка Бурнейка (7 траўня 1497 году)^[16]; ego Petrus Talkovycz (1501 год)^[17]; людеи Медницкого повета за Велею… а Богдана Талеиковича (25 верасьня 1509 году)^[18]; земль пустовских там жо в Дорсунишках… Талеиковщины (19 сакавіка 1514 году)^[19]; Толеико Воинетович (1537—1538 гады)^[20]; село Толейковичи (1554 год)^[21]; Symon Taleykowicz (4 сьнежня 1554 году)^[22]; Станиславъ Талко^[23], Юрьи Талко… Янь Талко^[24], Янъ Талковичъ^[25] (1567 год); Dalkiewicze… Tałeykie (1744 год)^[26]; Marcela Tałejko (1815 год)^[27]; Anna Dalik (1833 год)^[28].

Носьбіты

• Талейка Войнетавіч — жыхар Жамойцкага староства, які ўпамінаецца ў 1537—1538 гадох

У канцы XVIII ст. на гістарычнай Віцебшчыне адзначаўся шляхецкі род Талковічаў^[29].

Парэцкія-Талькі і Талькі-Грынцэвічы — літоўскія шляхецкія роды^[30].

Талькі (Talko) гербу Дуброва — літоўскі шляхецкі род з Полацкага ваяводзтва^[31].

Талкевічы-Кліманскія — літоўскі шляхецкі род^[32].

Талька (Talko) — прозьвішча, зафіксаванае ў XIX стагодзьдзі ў ваколіцах Сувалкаў^[33].

На гістарычнай Віленшчыне існуе вёска Талейкі, на гістарычнай Гарадзеншчыне — Талькі, на гістарычнай Меншчыне — Талька, на гістарычнай Слонімшчыне — Талькаўшчына, на гістарычнай Ваўкавышчыне — Талькаўцы.