Таліят
From Wikipedia, the free encyclopedia
Remove ads
Таліят, Талет — мужчынскае імя і вытворнае ад яго прозьвішча Талят (Талат, Далят).
Паходжаньне
Талет, Талетэ або Тайлет (Talet, Talette[1], Taillet[2][3]) — імя германскага паходжаньня[4]. Іменная аснова тал- (дал-) (імёны ліцьвінаў Дальман, Талімунт, Талмут; германскія імёны Dalman, Talamund, Talmut) паходзіць ад гоцкага tals 'дасьціпны, руплівы'[5] або ад германскага і стараангельскага deall 'славуты, ганарлівы'[6], а аснова -ют- (-ят-) (імёны ліцьвінаў Ютэль, Даўят, Карыят; германскія імёны Jutilo, Dowyatt, Cariatto) — ад гоцкага iuþa, старагерманскага joþ 'дзіцё, народзінец, нашчадак'[5]. Такім парадкам, імя Таліят азначае «дасьціпнае дзіця»[7].
Імя Талят бытавала ў Прусіі (ваколіцы Мэмэлю): Gregor Thaladt (1511—1520 гады)[8].
Варыянты імя ў гістарычных крыніцах: Talutten von Medenig (1406 год)[9]; Thaliati Wygaylowicz[10], Thaliati Wygaelowycz[11] (1 верасьня 1431 году); Taliad (15 траўня 1432 году)[12]; Taleiothe (11 ліпеня 1433 году)[13]; Juskone filio Taliathonis (24 чэрвеня 1437 году)[14]; Троцкое волости. Таляту Кезкгаиловичу пять чоловеков[15], Таляту семица[16] (Талят Кезкгаилович; 1440—1492 гады); domino Thalud et filiis ipsius Butwid (1451 год)[17]; Талата, тивуна ойракгольского (30 траўня 1481 году паводле выпісу 19 верасьня 1568 году)[18]; в Городенском повете… земли пустовъскихъ Талютевъщыну (5 сакавіка 1509 году)[19]; Лаврин Талятовичъ[20], Григор Талюдовичъ[21], Петръ Талятович[22] (1528 год); земян господарских земли Жомоитскои, пана Яна и пана Станислава Урбановичов Петровича Талаттов Келпъшов (30 студзеня 1607 году)[23]; а пана Павла Талятовича (29 ліпеня 1608 году)[24]; передо мною Яномъ Геронимомъ Далятомъ — подстаростимъ Жомойтскимъ (7 студзеня 1656 году)[25]; po śmierci ur. Jana Hieronima Talata, podstarościego żmujdzkiego (24 ліпеня 1658 году)[26]; енерала воеводства Троцъкого Станислава Талятовича (8 кастрычніка 1666 году, 7 сьнежня 1668 году, 11 студзеня 1672 году)[27]; зъ умоцованымъ своимъ паномъ Юрьемъ Талятовичом (6 чэрвеня 1671 году)[28]; Georgius 2dus de Talat (1675—1677 гады)[29]; с пленипотентом своим наном Юремъ Талятовичомъ (6 чэрвеня і 11 кастрычніка 1679 году, 5 лістапада 1682 году)[30]; пан Юрей Талятовичъ (6 чэрвеня 1681 году)[31]; Maria Taletowicz (1802 год)[32].
Remove ads
Носьбіты
- Таліят Кезгайлавіч — літоўскі баярын
- Таліят Вігайлавіч — літоўскі баярын, які засьведчыў Чартарыйскую ўмову (1431 год) пячацьцю з рускім надпісам «ТАЛИЯТОВА»[33]
- Таліят — адзін зь літоўскіх водцаў, якія ў 1433 годзе ўварваліся ў землі Тэўтонскага ордэну
- Юшка Таліятавіч — літоўскі баярын, які ў 1437 годзе засьведчыў наданьне Даўгайлы віленскім францішканам
- Таліят (Талют) — гедройцкі баярын, які ўпамінаецца ў 1451 годзе
- Таліят — дзяржаўны дзяяч Вялікага Княства Літоўскага, цівун эйрагольскі ў 1481 годзе
- Урбан Пятровіч Талятовіч (Талят) — расенскі зямянін, які ўпамінаецца ў 1581—1586 гадох[34]
- Ян Талят Келпш — дзяржаўны дзяяч Вялікага Княства Літоўскага, падстароста берасьцейскі ў 1614—1617 гадох[35]
Таляты гербаў Жураў і Прус — літоўскі шляхецкі род зь Вільні[36].
Кенскі-Талат (Kęski-Tałat) гербу Радван — літоўскі шляхецкі род з Троцкага павету[37].
Таляты (Talat) гербу Ястрабец і Талятовічы або Тэлятовічы (Talatowicz, Telatowicz) гербу Ястрабец — літоўскія шляхецкія роды з Троцкага павету[38].
Талаты[39] і Таляты-Келпшы[40] — літоўскія шляхецкія роды.
Далатовічы — літоўскі шляхецкі род[41].
Талатовіч або Талятовіч (Talatowicz, Tolatowicz) і Тальятовіч (Taljatowicz) — прозьвішчы, зафіксаваныя ў XIX стагодзьдзі ў ваколіцах Сувалкаў[42].
У 1523 годзе ўпаміналася пустаўшчына Тальятоўшчына (Тальятовщина) у Ковенскім павеце[43].
Remove ads
Глядзіце таксама
Крыніцы
Wikiwand - on
Seamless Wikipedia browsing. On steroids.
Remove ads