Леанід Васілевіч Макарэвіч

Леанід Васілевіч Макарэвіч (нар. 5 красавіка 1939, в. Быцень, Слонімскі павет, Навагрудскае ваяводства, Польская Рэспубліка) — беларускі архітэктар. Заслужаны архітэктар Рэспублікі Беларусь (1999).

Леанід Васілевіч Макарэвіч
Дата нараджэння	5 красавіка 1939(1939-04-05) (86 гадоў)
Месца нараджэння	Быцень, гміна Быцень, Слонімскі павет, Навагрудскае ваяводства, Польская Рэспубліка
Грамадзянства	Беларусь
Альма-матар	архітэктурнае аддзяленне будаўнічага факультэта БПІ (1969)
Месца працы	Баранавіцкі філіял «Брэстпраекта»[d]
Прэміі	Прэмія «За духоўнае адраджэнне»
Узнагароды

У Вікіпедыі ёсць артыкулы пра іншых людзей з прозвішчам Макарэвіч.

Біяграфія

Скончыў у 1969 годзе архітэктурнае аддзяленне будаўнічага факультэта БПІ. Працаваў у Баранавіцкім архітэктурна-канструктарскім аддзеле праектнага інстытута «Брэстграмадзянпраект»^[1].

Творчасць

Асноўныя працы: Дзіцячая паліклініка (у сааўтарстве з Р. Грынкевічам)^[2], кінатэатр «Кастрычнік» (1970, у сааўтарстве з Р. Грынкевічам^[2]), Дом Саветаў (1973), Дом піянераў і будынак Упраўлення КДБ (абодва 1984), царква Аляксандра Неўскага (1996—1999) у Баранавічах; школа ў пасёлку Жамчужны Баранавіцкага раёна (1985), гасцініца Брэсцкага аблвыканкама (1986), царква прападобнага Серафіма Сароўскага ў Белаазёрску (1999), Крыжаўзвіжанская царква ў в. Святая Воля (пабудавана ў 1992), царква Воінаў Св. Апосталаў Пятра і Паўла ў Бярозе (2003), сабор у імя Св. Мучаніка Феадора Цірана ў Пінску (1992)^[1], Ільінская царква ў в. Адахаўшчына (пабудавана ў 1996), Царква ў гонар святых Жон-Міраносіц у Баранавічах (пабудаваны ў 2007); Свята-Міхайлаўская царква ў Бярозе, Георгіеўская царква ў в. Вычулкі, Царква ў імя свяціцеля Ціхана Маскоўскага ў г. Ганцавічы, Свята-Духаўская царква ў в. Гатава (пабудаваны ў 2001—2005), Праабражэнская царква ў Дзятлаве, Пакроўская капліца ў в. Жалезніца (2004—2006), Царква ў гонар абраза Божай Маці «Дзяржаўны» ў Івацэвічах (пач. будаўніцтва ў 1990), Панцеляймонаўская царква ў в. Крошын (пабудавана ў 1993—2000), царква ў гонар Усіх Святых (пабудавана ў 1990—2006), Праабражэнская царква ў Светлагорску (пабудавана ў 1998—2006), Ушэсцеўская царква ў Чавусах (пабудавана ў 2012)^[3], Спаса-Праабражэнскі сабор у Магілёве (2015), царква ў гонар Алексія Лельчыцкага ў аг. Сырод Калінкавіцкага раёна (2016) і інш^[4].

• 
  Дом піянераў у Баранавічах
• 
  Кінатэатр «Кастрычнік» у Баранавічах
• 
  Царква Святога Аляксандра Неўскага ў Баранавічах
• 
  Царква Святых Жонак-Міраносіц у Баранавічах
• 
  Царква ў гонар абраза Божай Маці «Дзяржаўны» ў Івацэвічах
• 
  Свята-Петра-Паўлаўская царква ў Бярозе
• 
  Свята-Міхайлаўская царква ў Бярозе
• 
  Праабражэнская царква ў Светлагорску

Сям’я

Мае сына Дзмітрыя Макарэвіча, які працуе настаўнікам фізікі і інфарматыкі ў школе, спраектаванай бацькам^[4].

Узнагароды

За вялікі асабісты ўклад у развіццё архітэктуры і горадабудаўніцтва Беларусі яму было прысвоена ганаровае званне «Заслужаны архітэктар Рэспублікі Беларусь» (1999). Лаўрэат прэміі Прэзідэнта Рэспублікі Беларусь «За духоўнае адраджэнне», якая была прысуджана за выдатную работу па аднаўленні храмаў і распрацоўцы новых праектаў. Узнагароджаны ордэнам Сергія Раданежскага, ордэнам Крыжа прападобнай Еўфрасінні Полацкай, медалём свяціцеля Кірылы Тураўскага і інш.

Зноскі

1. Макаревич Леонид Васильевич // Кто есть Кто в Республике Беларусь. Архитекторы Беларуси. / Редакционный совет: И. В. Чекалов (пред.) и др. — Минск: Энциклопедикс, 2014. — 140 с. — ISBN 978-985-7090-29-7. (руск.)
2. Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)
3. Леанід Васілевіч Макарэвіч на сайце Праваслаўная архітэктура Беларусі (бел.)
4. 5 красавіка 2019 г. — 80 гадоў з дня нараджэння Леаніда Васільевіча Макарэвіча (1939), заслужанага архітэктара Рэспублікі Беларусь (1999), лаўрэата прэміі «За духоўнае адраджэнне»