Шарпланински куп

Шарпланински куп е спортска скијачка манифестација која се одржува секоја година на ски центарот Попова Шапка на Шар Планина.

Историја

Првиот Шарпланински куп е одржан во 1947 и со тоа е најстар меѓународен скијачки натпревар на Балканскиот регион. Во 1954 станува дел од FIS B натпреварите, додека од 1969 до 1986 е натпревар за Европски Куп во скијање. Поради губењето на статусот во 1986 година, во 1999 повторно се кандидита натпревар за Европски Куп.

Патеки

Слаломот се вози на патеката Езерино и е долга 685 метри со височинска разлика од 198 м, додека патеката за велеслалом Орлова е долга 1.140 метри со височинска разлика од 390 метри.^[1]

Победници

Година	Машка конкуренција		Женска конкуренција
	Име	Земја	Име	Земја
1947	Петер Шикло	Унгарија	Вида Катник	Словенија
1948	Тине Мулај	Словенија	/	/
1949	Марјан Вистер	Словенија	/	/
1950	Владо Вебер	Словенија	/	Австрија
1951	Тине Мулај	Словенија	Анелори Цукерт	Австрија
1952	Јанез Стефе	Словенија	Пузи Франдал	Австрија
1953	Ернесто Оберајгнер	Австрија	/
1954	Теди Ајнштус	Швајцарија	Фини Штеклингер	Австрија
1955	Тине Мулај	Словенија
1956	Биро Михал	Романија	Ханелори Баслер	Германија
1957	Воитех Будинел	Словенија
1967	Блаз Јакопиќ	Словенија	Марија Клисурска	Бугарија
1969	Леополд Грубер	Австрија	Гвистина Дамец	Италија
1970	Голо Габриеле	Италија
1971	Леополд Грубер	Австрија
1972	Јонах Книвасер	Австрија
1973	Кристијан Сотас	Швајцарија
1974	Вернер Фигл	Австрија
1975	Џузепе Платнер	Италија
1978	Леонардо Давид	Италија
1979	Александар Жиров	Русија
1980	Маурицио Пончет	Италија
1981	Александар Жиров	Русија
1983	Петер Лишер	Швајцарија
1986	Џероса Карло	Италија
1994	Рене Млекуз	Словенија
1996	Нана Матео	Италија
1997	Грегор Грлиќ	Словенија
1998	Миран Раутер	Словенија
1999	Грегори Гигние	Франција
2000	Стефан Георгиев	Бугарија	Матеја Долничар	Словенија
2003	Александар Левет	Франција	Марија Киркова	Хрватска
2004	Миха Малус[1]	Словенија
2005	Миха Малус[1]	Словенија
2006	Стефан Георгиев[2]	Бугарија
2009	Коси Клемен[2]	Словенија
2010	Франц Промок[3]	Австрија
2011	Томаж Велечич[2]	Словенија
2012	Грегор Брајович[2]	Словенија
2013	Миха Кирнер[4]	Словенија

Управа

Извршен одбор

Извршниот одбор брои 17 члена од кои:

• Жарко Трпкоски, вд. претседател
• Будимир Апостолски, ген. секретар
• Зоран Теофиловски, претседател на Алпски Комитет

Иницијативен одбор

Овој одбор постои за повторнo да се реактивира купот, и за да го врати стариот сјај. Има 10 члена.

Награди

Сите првоосвоени три места добиваат парична награда, а додека на првоосвоеното место му се доделува и куче Шарпланинец, како симбол на планината и маскота на купот. Покровител на купот е Претседателот на Република Македонија.