Бутрымава

Бутры́мава^[1] (таксама сустракаецца — Бутрымо́ва, ж.^[1]) — вёска ў Беларусі, каля ракі Вяльлі. Уваходзіць у склад Любанскага сельсавету Вялейскага раёну Менскай вобласьці.

Бутрымава лац. Butrymava
Краіна:	Беларусь
Вобласьць:	Менская
Раён:	Вялейскі
Сельсавет:	Любанскі
Насельніцтва:	▼44 чал. (2019)
Часавы пас:	UTC+3
Тэлефонны код:	+375 1771
Паштовы індэкс:	222445
СААТА:	6213846016
Нумарны знак:	5
Геаграфічныя каардынаты:	54°31′43″ пн. ш. 26°55′22″ у. д.
Бутрымава на мапе Беларусі ± Бутрымава Бутрымава

Назва

Асноўны артыкул: Бутрым

Бодэрым (Bauderrim^[2][3][4]) і Рэмбод, Рымбот або Рымбота (Rembod, Rimbotus^[5], Rimboto^[6]) — імёны германскага паходжаньня^[7][8]. Іменная аснова -бут- (-бот-) (імёны ліцьвінаў Бутвід, Бутрык, Вільбут; германскія імёны Botvid, Butariks, Willebut) паходзіць ад усходнегерманскага but- з значэньнем 'корань, камель' (гепідзкае butilo 'камель')^[9] або ад асновы -буд- (-бод-)^[10] (у старажытных тэкстах bod праз доўгае о пісалася як baud^[11]), а аснова -рым- (імёны ліцьвінаў Рымель, Рыман, Рымунд; германскія імёны Riemel, Rimann, Rimund) — ад гоцкага rimis 'спакой, стрыманасьць, непарухлівасьць'^[12]. Такім парадкам, імя Бутрым азначае «непарушны корань»^[13] (тое ж, што і Рымбут).

Паходжаньне імя Бутрым ад складаньня германскіх імёнаў Bodo і Rimo сьцьвердзіў францускі лінгвіст-германіст Раймонд Шмітляйн, які на падставе шматгадовых дасьледаваньняў прыйшоў да высноваў пра германскае паходжаньне літоўскіх уласных імёнаў^[14].