Наруш

Наруш (Нарэш, Нарыш, Нараш) — мужчынскае імя і вытворнае ад яго прозьвішча.

Norusch
Паходжаньне
Мова(-ы)	германскія
Утворанае ад	Noro + суфікс з элемэнтам -ш- (-sch-)
Іншыя формы
Варыянт(ы)	Нарэш, Нарыш, Нараш, Нарэйша
Зьвязаныя артыкулы
якія пачынаюцца з «Наруш»

Паходжаньне

Асноўны артыкул: Імёны ліцьвінаў

Нора (Noro) — імя германскага паходжаньня^[1][2]. Іменная аснова -нар- (-нор-) (імёны ліцьвінаў Нарэла, Нарвід, Нарымунт; германскія імёны Narelo, Norvid, Normunt) паходзіць ад гоцкага nasjan 'захоўваць, ратаваць'^[3], стараверхненямецкага -neri 'уратаваньне, утрыманьне'^[4].

Імя Норуш (Норыш) гістарычна бытавала ў Польшчы: Norusch (1446 год), Norisch (1442, 1444 і 1450 гады)^[5].

У Чэхіі бытавала германска-славянскае імя Noreš^[6].

Варыянты імя ў гістарычных крыніцах: domina Katherina dedit [in]scribere animam viri sui nomine Mathia alias Narusch (кастрычнік 1445 году)^[7]; Воитъку Нарушевичу 12 копъ (23 лістапада 1486 году)^[8]; а 2 у Ошъмене, въ Станька Нарушевича (14 сьнежня 1486 году)^[9]; Воитьку Нарушевичу 12 копъ с корчомъ ошменъскихъ^[10], Мартину, Станькову сыну Нарушевича, 6 копъ з мыта въ Менъску, а 6 копъ с корчомъ в Красномъ Селе^[11], въ Станька Нарушовича^[12] (17 сакавіка 1488 году); nobilibusque dominis… Alberto Naruszowicz (10 ліпеня 1490 году)^[13]; tributarios in Oszowiec et in Pasieka… Nieresch (12 траўня 1494 году)^[14]; панъ Воитко Нарушевич (25 чэрвеня 1499 году)^[15]; службы у Жижморском повете на има Наруша Еимонтовича (8 верасьня 1511 году)^[16]; людеи наших Бряславского повета… Наруша Римшевича (29 траўня 1514 году)^[17]; людеи наших Стоклишского повета…а Наруша Монтеиковича (19 студзеня 1515 году)^[18]; в Городенском повете шест служоб людеи… Нарушка з братьею Иванелевичов (3 кастрычніка 1516 году)^[19]; Павел Нарушевичъ, писар латинским господара короля его милости (21 сьнежня 1516 году)^[20]; Ян Нарушевичъ… Матеи Нарушевичъ^[21], Пашко Нарушевичъ… Пронец Нарушевичъ… Нарушь Буивидовичъ… Мацко Нарушевичъ… Станислав Нарушевич ^[22], Нарушь Андрушъковичъ^[23], Ян Нареишович^[24], Нарушъ Миколаевичъ^[25], Ленартъ Нарушевичъ… Юхно Нарушовичъ… Павел Нарушевичъ^[26], Нареиша Иньковичъ^[27], Петръ Нарушевичъ… Миколаи Нарушевич^[28] (1528 год); co Narusz z Buszom trzymali (1554 год)^[29]; Monika Narusz (1797 год)^[30].

Носьбіты

• Войтка Нарушавіч — літоўскі баярын, які атрымаў наданьні ад вялікага князя Казімер; заснавальнік роду Нарушэвічаў
• Ян і Мацей Нарушавічы — ашмянскія баяры, якія ўпамінаюцца ў попісе войска Вялікага Княства Літоўскага 1528 году
• Пашка, Пранец, Мацька і Станіслаў Нарушавічы, Наруш Буйвідавіч — рудамінскія баяры, якія ўпамінаюцца ў попісе войска ВКЛ 1528 году
• Наруш Андрушкавіч — тавянскі баярын, які ўпамінаецца ў попісе войска ВКЛ 1528 году
• Наруш Мікалаевіч — жыжмарскі баярын, які ўпамінаецца ў попісе войска ВКЛ 1528 году
• Ленарт, Юхна і Павал Нарушавічы — эйшыскія баяры, якія ўпамінаюцца ў попісе войска ВКЛ 1528 году
• Пётар і Мікалай Нарушавічы — відуклеўскія баяры, якія ўпамінаюцца ў попісе войска ВКЛ 1528 году
• Наруш Ганусавіч — жыхар Жамойцкага староства, які ўпамінаецца ў 1537—1538 гадох^[31]

Нарышы-Пашкевічы — літоўскі шляхецкі род^[32].

Назву Нарушова маюць вёскі на гістарычных Ашмяншчыне і Полаччыне. На гістарычнай Ашмяншчыне існуюць вёскі Нарушаўцы і Нарушышкі, на гістарычнай Случчыне — Нарэшавічы, на гістарычнай Лідчыне — Нарашы.