Ягмін
From Wikipedia, the free encyclopedia
Remove ads
Ягмін (Акмін, Якмін), Ягімін — мужчынскае імя і вытворнае ад яго прозьвішча.
Паходжаньне
Агмін або Егімін (Agminus, Egiminus[1]) — імя германскага паходжаньня[2]. Іменная аснова ег- (аг-, ек-) (імёны ліцьвінаў Ягвін, Ягінт, Ягоўд; германскія імёны Egwinus, Egind, Egold) паходзіць ад гоцкага agis 'страх' або agja 'вастрыё, меч'[3], а аснова -мін- (-мен-) (імёны ліцьвінаў Мінят, Асьміна, Гальмін; германскія імёны Miniatus, Osminna, Galmin) — ад гоцкага minan 'менаваць, памятаць, любіць'[4], minthi 'памяць'[5].
Імя Jagmyn адзначалася ў 1386 годзе ва Ўроцлаве[6]. Імя Якмін гістарычна бытавала ў Польшчы: Jakmyn de Nesmyrze (1399 год)[7].
У Польшчы адзначаецца прозьвіча Акмін (Akmin)[8].
Варыянты імя ў гістарычным крыніцах: в Робитех три человеки… Якгемина (1 сакавіка 1491 году)[9]; Якгмин Юнчовичъ (XVI ст.)[10]; люди нашы в Жомоитском повете Вилкеиское волости… Будка а Якгимина Судевичов… Михна Якгиминовича (15 ліпеня 1506 году)[11]; у слуги нашого у путного у велюнъца на имя у Якгаила Мажыиковича и въ братыи его въ Якмина а въ Кгинтовта (18 лютага 1509 году)[12]; земли пустовских… Якъминовщыну (28 верасьня 1523 году)[13]; чоловека… Петрока Якминевича (18 кастрычніка 1526)[14]; Счепан Якгиминович[15], Юрыи Якгминовичъ[16], Матеи Якгьминовичъ[17], Лоборть Якминовичъ[18], Янко Якгминовичъ… вдова Якгминовая[19], Якгмин Юшковичъ[20], Якгмин Сачевичъ… Лялко Якгминович[21], Петръ Якминовичъ[22] (1528 год); Юрии Якминевич (1533—1535 гады)[23]; Якмин Мижович… Якмин попристав… Якгмин Мижевич (1537—1538 гады)[24]; Томаш Якгминович (2 красавіка 1539 году)[25]; Якгъмин Горбутевич (1 ліпеня 1542 году)[26]; Петръ Урлихович, а у него сыновъ три — Янул, Якмин, Нарко (31 сакавіка 1544 году)[27]; з дому Окминского[28], Томашъ Якгъминовичъ[29], Стась Якгъминовичъ[30] (1567 год); з роду Кгерковъ… Яну Ягминовичу (15 верасьня 1568 году)[31]; Амброс Екгъминович (7 верасьня 1592 году)[32]; по земянъ господарскихъ земъли Жомоитскои, пана Мартина Якгъминовича Юшъкевича Норкгаила и сынов его Станислава, Анъдрея а Миколая Мартиновичовъ Якгминовича Норкгаиловъ и братаничовъ его Мартина Якгъминовича, Абрама Адамовича Якгъминовича Норкгаила (9 чэрвеня 1614 году)[33]; Tadeusz Jagmin (31 кастрычніка 1764 году)[34]; pana Tadeusza Jagmina (5 кастрычніка 1765 году)[35]; zaścianki… Akminiszki (1782—1783 гады)[36]; Paweł Jagmin komisarz cywilno-wojskowy woj. brzeskiego (20 лістапада 1790 году)[37].
Remove ads
Носьбіты
- Сьцяпан Ягімінавіч — тавянскі баярын, які ўпамінаецца ў попісе войска Вялікага Княства Літоўскага 1528 году
- Юры Ягмінавіч — баярын Ковенскага павету, які ўпамінаецца ў попісе войска ВКЛ 1528 году
- Мацей Ягмінавіч — вялёнскі баярын, які ўпамінаецца ў попісе войска ВКЛ 1528 году
- Лобарт Якмінавіч — эйрагольскі баярын, які ўпамінаецца ў попісе войска ВКЛ 1528 году
- Янка Ягмінавіч — відуклеўскі баярын, які ўпамінаецца ў попісе войска ВКЛ 1528 году
- Ягмін Юшкавіч — каршоўскі баярын, які ўпамінаецца ў попісе войска ВКЛ 1528 году
- Ягмін Сачавіч і Лялька Ягмінавіч — бяржанскія баяры, якія ўпамінаюцца ў попісе войска ВКЛ 1528 году
- Пётар Якмінавіч — крожаўскі баярын, які ўпамінаецца ў попісе войска ВКЛ 1528 году
- Юры Якміневіч — конеўскі баярын, які ўпамінаецца паміж 1533 і 1535 гадамі
Акміновічы (Akminowicz) — літоўскі шляхецкі род з Браслаўскага павету[38].
Ягміны (Jagmin) — літоўскі шляхецкі род з Ашмянаў[39].
Ягміны (Jagmin) гербаў Ліс, Лебедзь і Пэлікан — літоўскі шляхецкі род зь Вільні і Віленскага павету[40].
Ягміновічы-Ягміны (Jagminowicz-Jagmin) гербу Лебедзь — літоўскі шляхецкі род[41].
Ягмін (Jagmin) — прозьвішча, зафіксаванае ў XIX стагодзьдзі ў ваколіцах Сувалкаў[42].
У XVI ст. існавала зямля Якмінеўшчына (Якминевщизна) у Жамойцкім старостве[43].
На гістарычнай Ковеншчыне існуе вёска Ягміны, у былым Жамойцкім старостве — Ягмінішкі. На гістарычнай Берасьцейшчыне існавала вёска Ягмінава.
Remove ads
Глядзіце таксама
Крыніцы
Wikiwand - on
Seamless Wikipedia browsing. On steroids.
Remove ads