Месечина (астрологија)

Месечината е ноќна планета бенефик која ги претставува нашите емоции и потребата од сигурност. Таа го објаснува нашето рано опкружување а особено патот по кој жените го доживуваат своето искуство како мајки. Месечината во астролошка смисла ја прикажува нашата спосбност да ја почувствуваме околината, способноста да дадеме и примиме чувства. Таа се однесува на инстинктите, на несвесниот дел од нашата личност како и на вообичаеното однесување преку кое се рефлектира низ тој мистериозен дел од нас самите. Месечината укажува како инстинктивно реагираме во личната заштита и заштитата на другите. Најважно, Месечината го опишува она кое го сокриваме од сите - нашата душа - нашите најдлабоки чувства - бескрајно простување себеси и на другите. Месечината е симбол на плодност и не случајно менструалниот циклус е под нејзина заштита. Во мунданата астрологија Месечината го претставува народот.

Астролошки симбол на Месечината

Натален хороскоп

Во наталната карта Месечината е природен владетел на 4-то поле.

• Принцип: женски
• Квалитет: променлив
• Домицил (седиште) во Рак.
• Егзил (изгон) во Јарец.
• Егзалтација (возвишеност) во Бик.
• Пад во Скорпија.

Во наталната карта, покрај Сонцето, Месечината има најголемо значење за личноста. Таа управува со нашите ноќни активности, сонот, интуицијата и таинственоста. Владее со нашата потсвест а со нејзиното движење низ Зодијакот и промената на мените, влијае и врз нашата емотивна состојба и однесување.

Месечината може да биде омилена како и Венера но сепак е помалку среќна од неа бидејќи е претерано зависна, на ист начин како што доенчето е зависно од мајката. Полето во наталната карта каде што се наоѓала Месечината во мигот на нашето раѓање укажува на областа од нашиот живот во која се препуштаме без резерви, ја опишува нашата мајка и баба, а кај мажите Месечината дава опис на жената која ги привлекува. Исто така, полето во кое се наоѓа Месечината укажува на областа во која сме најранливи но и најинтуитивни, но секако дека самата положба во наталната карта не е доволна комплетно да ја опише личноста или неекој настан во астролошка смисла, туку треба да се земат превид и сите аспекти кои Месечината ги прави со другите планети во мигот на раѓањето.

Симболика на Месечината на психолошко ниво

Месечината во астролошка смисла на психолошко ниво го означува следново: креативност, спонтаност, заштитнички став, душа, емоции, инстинкти, лишност, навики, претпазливост, осетливост, сентименталност, романтичност, интуиција, подложност на впечатоци.

Конструктивни одлики на Месечината

Месечината во астролошка смисла ги има следните конструктивни (позитивни) одлики: прилагодливост, друштвеност, љубезност, скромност, креативност, совесност, внимателност, љубов кон семејството, добра меморија.

Деструктивни одлики на Месечината

Месечината во астролошка смисла ги има следните деструктивни (негативни) одлики: нестабилност, апатичност, површност, фантазирање, лесномисленост, неодлучност, ситничарење, повредливост, страв, слаба волја, подложност на влијанија.

Симболика на Месечината на објективно ниво

Животни

Месечината ги претставува слените животни: славејче, рак, крава, кокошка, риба, јастог, овца, патка, видра, полжав.

Растенија

Месечината ги претставува слените растенија: краставица, салата, тиква, лубеница, детелина, карфиол, зелка, печурка, грав, морков.

Органи

Месечината ги претставува следните органи кај човекот: желудник, стомак, гради, малиот мозок, левата страна од телото, лимфен систем, мочен меур, полови органи кај жената, лев јајник, лев тестис, панкреас, жолчна кеса, штитна жлезда.

Бои

Месечината ги претставува следните бои: светлосина, сива, бела, сребрена, зелена, бела, лимон жолта, виолетова.

Ден во седмицата

Месечината го претставува следнот ден: понеделник.

Минерали и метали

Месечината ги претставува следните минерали и метали: сребро и алуминиум, меки и лесни материи.

Скапоцени камења

Месечината ги претставува следните скапоцени камења: бисери, селенит, опал, смарагд, аквамарин, стакло.

Познати личности

Месечина во Овен

Овие личности имаат неуморен карактер, голема смелост и стремеж кон себеостварување без оглед на ризиците. Родени водачи, склони понекогаш кон сканадалозност и бекство од рутината. Најчесто реагираат инстинктивно и веднаш го донесуваат својот суд. Мошне се импулсивни и нивниот ентузијазам може лесно да се стартува исто како и нивниот бес. Силни чувства владеат со нивната животна енергија и се чувствува недостаток од самоконтрола. Претерано работат и тоа делува на нивните чувства. Можат да имаат проблем со очите и со мигрената. Премногу бараат и сите околу нив мора да се трудат за да им удоволат. Во детството тоа го правела мајката а сега тие тоа го очекуваат од другите.

• Бил Гејтс, роден на 28 октомври 1955
• Салвадор Дали, роден на 11 мај 1904
• Лучано Павароти, роден на 12 октомври 1935
• Анџелина Џоли, родена на 4 јуни 1975

Месечина во Бик

• Карл Маркс, роден на 5 мај 1818
• Карл Густав Јунг, роден на 26 јули 1875
• Деми Мур, родена на 11 ноември 1962
• Роналд Реган, роден на 6 февруари 1911

Месечина во Близнаци

• Кајли Миног, родена на 28 мај 1968
• Карл Бенц, роден на 25 ноември 1844

Месечина во Рак

• Шарл Бодлер, роден на 9 април 1821
• Џакомо Пучини, роден на 22 декември 1858
• Харисон Форд, роден на 13 јули 1942
• Гвен Стефани, родена на 3 октомври 1969

Месечина во Лав

• Шарлиз Терон, родена на 7 август 1975
• Џулија Робертс, родена на 28 октомври 1967
• Парис Хилтон, родена на 17 февруари 1981

Месечина во Девица

• Натали Портман, родена на 9 јуни 1981
• Шон Конери, роден на 25 август 1930
• Кејт Ричардс, роден на 18 декември 1943
• Александар Грејам Бел, роден на 3 март 1847

Месечина во Вага

• Јохан Себастијан Бах, роден на 21 март 1685
• Џорџ Буш, роден на 6 јули 1946
• Артур Рембо,роден на 20 октомври 1854

Месечина во Скорпија

• Вилијам Шекспир, роден на 26 април 1564
• Џенифер Лопес, родена на 24 јули 1969
• Вупи Голдберг, родена на 13 ноември 1955
• Роби Вилијамс, роден на 13 февруари 1974

Месечина во Стрелец

• Никол Кидман, родена на 20 јуни 1967
• Фреди Меркјури, роден на 5 септември 1946
• Жак Ширак, роден на 29 ноември 1932
• Алберт Ајнштајн, роден на 14 март 1879

Месечина во Јарец

• Аиртон Сена, роден на 21 март 1960
• Ернест Хемингвеј, роден на 21 јули 1899
• Моника Белучи, родена на 30 септември 1968
• Федерико Фелини, роден на 20 јануари 1920

Месечина во Водолија

• Ума Турман, родена на 29 април 1970
• Сандра Булок, родена на 26 јули 1964
• Волтер, роден на 21 ноември 1694

Месечина во Риби

• Франсоаз Саган, родена на 21 јуни 1935
• Мајкл Џексон, роден на 29 август 1958
• Френк Синатра, роден на 12 декември 1915
• Морис Равел, роден на 7 март 1875
• Исак Њутон, роден на 25 декември 1642

Надворешни врски

• Астролошко мрежно место Архивирано на 1 декември 2008 г.(англиски/француски)
• Најголема светска астробаза на податоци (англиски)
• Мрежно место за бесплатна изработка на интерактивни натални карти (англиски/турски)
• Месечен хороскоп (англиски)
• Училница по астрологија Архивирано на 16 мај 2008 г. (англиски)
• Астрологија за почетници (форум) Архивирано на 21 август 2008 г. (српски)