清朝
中国一朝代 From Wikipedia, the free encyclopedia
Remove ads
清朝（1636年—1912年，1644年—1911年統治中國），是歷史丄著末一個統治中國個朝代，統治者是出身滿洲個愛新覺羅氏。1616年（明萬曆四十四年），努爾哈赤建立王朝稱汗，國號曰大金，史稱後金，定都勒拉赫圖阿拉（後改稱興京，勒拉今朝個中國遼寧省新賓縣境內）。1636年（明崇禎九年），清太宗皇太極為仔消除漢人對國號金個反感，改國號為大清，改元崇德，稱帝。1644年，李自成率領個農民軍攻陷北京，明崇禎皇帝勒拉皇城後個景山浪吊殺脫，李自成勒北京建立大順。由於鎮守山海關搭統制關寧鐵騎個吳三桂搭李自成條件談弗攏，渠就答應仔多爾袞個條件、聯合清軍入關打敗李自成個農民軍，隨後多爾袞迎接順治帝入關，遷都北京。1911年（宣統三年）辛亥革命爆發後，各省紛紛宣布獨立。清帝溥儀於1912年退位，清朝正式滅亡。從入關以來，清朝共歷十帝，享國祚兩百六十八年。
.jpg)
Remove ads
清朝歷史
後金立國
女真族是滿族個前身，一徑登勒滿洲，就是今朝個中國東北。明太祖個辰光，明朝要打擊北元殘餘勢力，因此勒滿洲一帶設立「奴爾干都司」，開始著手控制女真部個各個部落。
女真族建州部猛哥帖木兒（努爾哈赤六世祖）辰光是明朝建州衛左都督，北方部族勢力強大，南下壓迫建州女真。猛哥帖木兒撥人殺脫，建州部被迫南移，壓末落落定居勒拉赫圖阿拉。
南移仔，建州女真部搭明朝往來密切，受到漢人影響，建州部社會生產力明顯提高，經濟繁榮，八旗制度隨即建立，而歸個辰光齊巧是努爾哈赤任明朝建州部首領。1583年（明萬曆十一年）努爾哈赤襲封為指揮使，以祖、父遺甲十三副，相繼兼倂海西女真部，征服東海女真部，統一分散勒垃滿洲各地個女真各部。
1616年（明萬曆四十四年），努爾哈赤勒赫圖拉稱汗，建立大金（史稱後金），改元天命。
1618年（天命三年，明萬曆四十六年），努爾哈赤公布名為「七大恨」個討明檄文，起兵反明。
清朝建立、入關
1626年，努爾哈赤勒垃寧遠戰役中撥明軍個大炮打成重傷，朆有多少辰光就過輩哉。第八子皇太極繼位。
1636年，皇太極勒瀋陽稱帝，改國號為大清，改元崇德，清朝正式建立。1643年皇太極生病死脫，第九子福臨繼位，是為順治帝。
1644年，李自成農民軍推翻明朝，明崇禎帝自殺。吳三桂引清兵入關。同年（順治元年），多爾袞迎順治入關，於北京再次即位，並定都北京。清廷聯合漢將吳三桂、耿仲明、尚可喜、孔有德等先後鎮壓了各地農民軍搭仔南明朝廷個軍隊，逐步接收明朝國土。勒滿清統一中國個過程當中，因為規定所有人必須剃髮易服，所以勒垃中國各地遭到漢族等各民族個武裝抵抗，尤其是江南一帶曾發生過江陰抗清、嘉定三屠等屠殺江南抗清軍民事件。此外為仔抗清，明朝遺臣鄭成功還勒垃1661年攻下仔當時正以台灣為殖民地個荷蘭東印度公司來作為渠抗清個基地。
康（雍）乾盛世
清初，為緩和階級和民族矛盾，實行獎勵墾荒、減免捐稅個政策，內地和邊疆個社會經濟都有所發展。
康熙帝8歲即位，享國達61年，是中國歷史浪在位辰光頂長個皇帝。在位個辰光，擒鰲拜，掃除吳三桂等三藩之亂，平定台灣個明鄭政權、平定西蒙古準噶爾叛亂，打敗沙俄侵略，簽訂維護黑龍江南北領土個《尼布楚條約》，並編纂《古今圖書集成》和《康熙字典》等。康熙過輩仔，亟思振作個雍正帝即位，渠拿有效個辦法成功打擊貪腐，整頓經濟，推行改土歸流，因平叛而納入青海省。繼位個乾隆帝則編纂《四庫全書》，建造圓明園，正式統一新疆，但雍乾二帝由於民族意識，屢興時人所詬病個文字獄。到18世紀中葉，清朝經濟發展到一個歷史浪個新高峰，人口也大大增加，史稱「康乾盛世」或「康雍乾盛世」。
清朝政府實行極其嚴厲個懲罰措施，對一星文人也弗放過。交關只是牽強附會，比如雍正無頭，清風弗識字，滿壺，論清濁。交關書已經寫好，作者也過輩哉，還是享受同等待遇。甚至當年運書印書個也弗放渠搭過見。勒垃高壓下頭，老多百姓主動拿藏書「拉雜燒之」。「莫談國事」個牌子掛勒茶館店前頭。後首來有個官講「我一世人生勿寫信，蓋咾再活到今朝」。
清初皇帝要求「永弗加賦」，尚況考慮到空前絕後個貪官和珅，迭個並朆完全實現。生員弗得言事，弗得結社立盟，弗得刊刻文字。
康熙皇帝編個本《四庫全書》，編牢三千本，燒脫三千本，編進去個書儕被改過，對威脅自家個統治個書儕燒掉。當時明朝有個科學家宋應星，寫得一本科技書《天工開物》，就是拉個所謂個「康乾盛世」個辰光從世界浪向蒸發。後來人拉日本發現個本書，又發現法語、拉丁語個翻譯本，才曉得世界浪還有個本書，上界記載了中國發明個個種種科技技術，一點弗比後來個歐洲工業革命個技術落後，比方講煤礦瓦斯排除技術，等等。印刷質量一等一。就因為書是明朝個人寫呃，書裡向寫造船個技術，撥清政府禁脫。中國落後西方三百年，弗能弗講是康熙、乾隆個英明領導導致呃。
清朝個皇帝從來覅允許人講伊拉個壞話。所以史書浪記載個些皇帝儕是「英明」，「神勇」，伊拉身邊個大臣撥伊拉當成奴隸。紀曉嵐曾經勸告乾隆皇帝下江南浪費民財，伊大怒：儂算啥個東西，我養儂相當於養個唱戲個戲子。國家大事輪的著儂操心！
康熙皇帝當政個辰光，為了防備拉日本搭台灣個明朝勢力打回來，下令三日之內住拉海邊浪個居民通通搬家。弗肯搬個通通殺脫。就介個政策，沿海居民死得來十室九空。個就是史書牢所謂個「英明神武」個康熙大帝。
近代時期
乾隆末年，清朝開始有要敗個跡象。皇帝重用和珅。渠雖然講是當時辰光個頭名能臣，必過也是史浪頭名貪官。實梗上行下效，朝政一日日腐敗。繼位個嘉慶皇帝搭仔道光皇帝也嘸不早期君主個銳意進取精神哉，掌政風格趨於保守搭僵化。19世紀上半葉，英國開始拿大量個鴉片販賣撥中國，道光末年清朝個禁菸政策導致1840年中英鴉片戰爭個爆發。鴉片戰爭失敗仔，擺勒繼位個咸豐皇帝門口頭個局面是西方列強開始進入帝國，讓清帝國對內亞個殖民弗牢固。搭渠締結著一系列弗平等條約，像《南京條約》、《天津條約》、《北京條約》咾啥。根據該星條約，清政府被迫割地賠款、開放通商口岸，清帝國維持個神話君主形象一落千丈，帝國統治搭內亞帝國邏輯玩弗靈光，統治集團開始瓦解。對地方各控制也沒老早牢靠。老百姓個負擔逐年加重，引發著一系列個反抗運動，搿個裡向規模頂頂大個太平天國運動，好幾趟推板點威脅到清朝個統治。
為仔挽救自家命運並增強國力，清政府內部個有識之士就展開維新運動，試圖革新圖強，里向頂頂著名個是自1860年代開始個洋務運動。跟仔洋務運動個開展，全國各地開始先後引進國外科學技術，開設礦業、工廠，建設鐵路、架設電報網，修建新式學堂、培訓技術人才；同時也成立仔新個軍事工業，逐步改進清軍個武器裝備跟作戰方法。
洋務運動使得清朝個國力有著一定程度個恢復搭仔增強，到慈禧太后與恭親王聯合執政個同治年間，清朝來拉文武齊心合力之下，一度出現過比較安定個局面，史稱「同治中興」。其間清朝成功消滅太平軍、平定捻軍之亂，並收復新疆，勒拉國際浪個地位搭形象也為之講有著相當大個改善。
至1880年代，清朝軍隊個裝備搭洋務運動之前相比已有明顯個提高哉；勒1884年至1885年中法戰爭期間個一系列戰役當中，清軍搭法軍互有勝負。戰後，清朝設立海軍衙門，並建成著號稱亞洲第一、世界第六個近代海軍艦隊--北洋水師。
洋務運動雖取得蠻大個成果，不過由於當時辰光個人多數弗泠清當代個國際形勢，少數人個急迫性並嘸處改變多數官僚個舊思維，清朝個維新運動最終朆達日本明治維新能個成效，結果導致1894年中日甲午戰爭個失敗，並於1895年與日本簽定《馬關條約》。隨後，由光緒帝親自領導發動個政治改革運動--戊戌變法又因為保守派個反對搭仔政變而告流產。
19世紀末，中國國內個排外情緒開始高漲，結果引發震驚中外個義和團運動以及之後八國聯軍個入侵。1901年《辛丑條約》簽定仔，清朝開始推行「新政」，推動包括建立新軍、廢除科舉勒海個一系列改革。朆過多少辰光，中國發生立憲搭革命個改革路線之爭，一開始立憲派占上風，清政府也答應實行君主立憲。不過，1911年5月組成個「責任內閣」中個大多數成員為皇族身份，所以人稱「皇族內閣」，結果引發立憲派個不滿。同年10月，武昌起義爆發，各省隨後紛紛宣布獨立，清朝統治開始瓦解。清帝於1912年退位，標誌中國兩千來年來個君主制度個正式結束。到1917年張勳又復辟過清朝，尚況只持續著12日。
Remove ads
統治集團
滿洲帝國個統治集團是部落封建搭文官專制個結合體。體現出鮮明個自家特點。具體有：滿洲貴族、漢蒙依附、包衣世家、文官士紳組成。
軍事制度
滿洲帝國個軍隊主要有八旗軍、綠營、地方義勇搭團練、湘軍、淮軍還有清末新軍。
八旗
八旗制度是滿洲帝國自家發明個一種組織形式，具有典型個部落色彩。原先採取軍政合一，兵民合一個方式。道入關之後，開始專門讓這些死心塌地個部落兵拿兵作為職業，一代一代儕當上旗兵。八個旗下頭個士兵打到哪戶籍統一編制到八旗軍隊中，伊拉個家庭成員，讓各地八旗駐防將軍或者都統來管轄。 1601年，努爾哈赤拿建州女真個部落軍隊，分成功四個旗。1615年辰光，又擴建到八個旗，八旗制度從此成形哉。到皇太極辰光，滿洲征服漠南蒙古察哈爾部，以及收降明朝降將，又開始建立起蒙古八旗搭漢軍八旗。儘管八旗有滿洲、蒙古、漢軍之分，但伊拉儕是同一套制度之下個產物，因此差異並弗太大。旗人有一定個社會地位，絕大多數情況下頭終身弗變，伊拉所屬個旗籍也基本世代固定。如果立功，伊拉個職位可以世代承襲，比方講，每旗下屬個佐領通常儕是世襲職位。平日裡向，這些旗人駐防來勒北京搭南中國個一些重要城市，威懾當地個居民。包括：江寧，杭州，福州,廣州等。伊拉自家聚居，戰鬥能力迅速退化。成為寄生蟲性質個老爺兵。到三藩之亂後，除脫關外個八旗還有一定個戰鬥能力外，已經基本退出一線作戰個隊伍。
綠營
_Surrenders_with_His_City.jpg)
綠營是滿洲入關之後招降明帝國個地方軍隊、加上招募漢人組織個二等部隊，是以協助八旗兵個輔助兵。來勒滿洲帝國入關早期。八旗守備北京、華北搭各地大城市，綠營主要守備華中與華南地區。華南則有三藩鎮守，來壓制當地反清勢力。綠營之所以叫綠營，是因為伊拉拿綠旗作為標誌，以營為單位，兵制繼承明朝，編有標、協、營及汛。綠營由關內人統帥，頂高頭個提督統領一省個綠營，受文官總督、巡撫所統帥，各個省兵力大小弗一，由1萬到7萬之間；提督下頭有總兵，管轄一鎮兵力，大概是幾千人到一萬五千人。直屬兵力【鎮標】由參將統領，約千人到兩三千人弗等。再下頭個副將，管理一協兵力，約數千人左右。副將以下就是參將、遊擊、都司與守備，統轄一營兵力，兵員數量各有不同。最下頭個是千總與把總，負責統領一汛，也就是一個駐地。士兵為世兵制，父死子繼。將兵由兵部直接統轄，將領儕無法直接統兵，是典型內亞式樣個遏制方法。八旗腐化之後，綠營個重要性就日益加強，來勒三藩之亂辰光，綠營就為主力。到乾隆嘉慶兩朝，綠營總兵六十餘萬，成為軍事主力。弗過伊拉個戰鬥能力，來勒當時世界範圍內，已經落到平均水平以下。
義勇搭團練
義勇搭團練來勒川楚教亂之後，逐漸成為為滿洲帝國個軍事武力之一，因為清軍弗擅長游擊戰，所以鼓勵地方建立義勇與團練協助清軍鎮壓，1799年正式同意組建團練。太平天國搭捻亂辰光，地方官員曾國藩整合江忠源、胡林翼搭羅澤南義勇，成立湘軍。湘軍作戰能力強，屢次擊敗太平軍。監視太平天國首都個江南大營被攻破後，湘軍成為清廷唯一抵禦太平軍個力量。1860年曾國藩個門生李鴻章來勒江淮一帶建立淮軍。平定捻亂辰光，僧格林沁率領個八旗軍中捻軍埋伏全滅，後頭儕靠淮軍才平定之。當時像豫軍、東軍、滇軍、川軍等義勇也陸續建立起來。這些地方軍成為滿洲帝國實質意義高頭個軍隊。這種帝國對地方軍事權力個減弱，也成為後來軍閥個基礎。來勒中法戰爭搭平定阿古柏回亂辰光，湘軍儕發揮重大作用。弗過，到19世紀末，這種團練搭傳統組織形式個軍隊，已經弗好搭近代化個軍隊抗衡哉。來勒日清戰爭當中，淮軍搭湘軍儕遭到大日本帝國陸軍個攻擊，慘敗。之後，就慢慢被新軍取代。
清朝疆域
滿洲帝國一直弗是單純個封建王朝，伊拉對於擴張個概念搭漢人弗大一樣。更加類似於奧斯曼帝國、莫臥兒帝國、卡扎爾帝國。所以登了得康熙皇帝搭雍正皇帝個晨光，清朝個疆域一直了浪擴張，尤其是了浪北面個蒙古地區。
早期
來勒大清取代後金作為滿洲人國號個皇太極辰光，帝國已經突破老早個白山黑水，來勒東南面通過軍事壓迫（參考：丁卯胡亂)讓朝鮮脫離明帝國個朝貢體系，成為自家個附庸國。來勒西面，逐漸通過籠絡、聯姻等手段，獲得漠南蒙古各個部落個支持。到1640年代，明帝國滅脫之前，滿洲個勢力已經覆蓋大半長城以北個地區哉。
入關搭南方省份個征服
1644年，多爾袞帶領滿洲人進入關內。隨後沒用幾年，就確立勒黃河流域個統治。1645年，又攻克南京，疆域擴張到長江流域。弗過，來勒之後個交關年數內，滿洲來勒長江以南個統治經常出現反覆。並弗能確保對珠江搭湖南以西地區個統治。一直到1660年代，吳三桂等投降軍閥征服雲南，才勒名義高頭讓滿洲帝國全盤接受明帝國原先個所有省份。 弗過，鄭成功征服台灣後建立個明鄭政權，搭吳三桂等軍閥實際控制個雲南、貴州、廣西、廣東、福建一直是帝國皇帝個眼中釘。到1678年，爆發三藩之亂。之後滿洲帝國平定南方，拿迭幾個省份直接統治。沒過幾年，又占領台灣，併到福建省。到迭個辰光，滿洲帝國已經占據東亞核心地區哉。
哥薩克搭準噶爾
滿洲帝國來勒南方確立統治個辰光，一群來自沙皇俄國個哥薩克進入黑龍江流域，來勒伊面修造堡壘，強迫土著繳納貢品。滿洲皇帝[[康熙]曉得之後，命令軍隊保護伊拉個龍興之地。經過兩場戰爭，滿洲基本保留伊拉來勒黑龍江個統治，弗過，還是拿一些勢力範圍送把俄羅斯。之後，這條北方邊界一直穩定到1850年代。 同時，來勒內亞，西蒙古個準噶爾部開始變強，伊拉征服回疆、西藏、青海，並且向蒙古高原滲透，準備建立一個典型個內亞帝國。但滿洲帝國拿伊拉看成自家個附庸。兩方爆發典型個內亞帝國衝突。戰爭斷斷續續，持續幾十年。一直到乾隆辰光，準噶爾才徹底被滅脫。滿洲個勢力，也從此進入今日個新疆哉。
鼎盛辰光
1759年（乾隆二十四年）清朝統一全國後個疆域是：北起蒙古唐努烏梁海地區搭西伯利亞，南至南海，包括「千里石塘、萬里長沙、曾母暗沙」（今西沙群島、南沙群島等島礁，西南達西藏個達旺地區、雲南省個南坎、江心坡地區等緬甸北部，西盡鹹海搭蔥嶺地區，包括今新疆以及中亞巴爾喀什湖，東北抵外興安嶺，包括庫頁島，東南包括台灣、澎湖群島。國土面積形似桑葉。總面積達1300萬平方千米。除此之外，周邊國家像朝鮮、安南（越南）、南掌（寮國）、緬甸、琉球、廓爾喀（尼泊爾）、哲孟雄（錫金）、蘭芳共和國等則為清朝個藩屬。
滿洲帝國個擴張是西方人到來之前亞洲最後一輪帝國戰爭個最後案例。從此之後，亞細亞帝國傳統模式來勒西方人個文明開化下頭開始解體、崩潰。
近代個收縮搭朝貢體系崩潰
尚況來拉近代，由於清朝個衰落搭列強個入侵，鴉片戰爭以後清朝以不平等條約個形式先後失去著下底該星領土：
Remove ads
國旗、國歌
.svg)
搭中國歷史浪向別個朝代樣梗，清朝本來是嘸不法定個國旗搭仔國歌個。近代之後，慢慢較搭西方國家個來去多仔，陸續引進西方國家個有星概念，當中就包括國旗搭仔國歌咾啥。1888年（光緒十四年），清政府認定「黃底藍龍戲紅珠圖」（即俗稱個「黃龍旗」）為大清國旗。19世紀後期到20世紀初，清朝先後用過《普天樂》、《李中堂樂》、《頌龍旗》作為半官方國歌或者代國歌。一逕到1911年，清政府拿《鞏金甌》定為正式國歌，勿過由於辛亥革命個爆發，《鞏金甌》後首來朆流行得開來。
清朝語言
清朝是帝國語言發展個一個重要歷史辰光，滿洲人個進入，對帝國個官方語言，方言，地方語言，儕有影響。對西南地區個開發，19世紀中後期全國性個暴亂，儕對語言分布有影響。
滿語
清朝個官方語言是滿語，是一種通古斯民族個語言，迭個語言是經過努爾哈赤搭皇太極個創立搭改進，到17世紀中期逐漸定型個，伊拉個書寫參考蒙古文書寫形式，加入自家個文化特色，是滿洲朝廷個統治性語言。滿洲統治者拿滿語看得邪氣重要，認為「國語騎射箭」關係到滿洲帝國個「國運」。弗過，自從滿洲人進入關內後，使用滿文個頻率就慢慢減少，來勒康熙辰光，皇帝搭大臣講言話還是滿文為主，到乾隆辰光，已經是漢文為主，滿文為輔。到清朝末年，能夠用滿文交流個人越來越少，到20世紀之後，滿文基本廢脫，成為一門死語言。滿洲個末代皇帝溥儀，就基本弗會滿文。
北京官話
北京官話，來勒明朝就已經成型，弗過到清朝辰光，因為搭滿洲人個滿語有交關融匯，形成老多新個語調搭詞彙，已經搭老早個言話弗一樣哉。來勒初期個辰光，北京官話地位並弗高，大臣儕歡喜用滿文交流。南方個大臣用南京官話也沒有問題。弗過到嘉慶、道光之後，滿人個滿語水平大退化，北京官話作為滿文個替代品，當中有大量滿文詞彙，被北京個滿人大量使用。來勒南方個駐防八旗城市裡向，八旗也講這種言話。所以，到19世紀中期之後，北京官話替代南京官話，成為帝國實際高頭個官方用語搭皇帝語言，只弗過因為滿語個祖宗地位，滿洲貴族弗敢公然否認滿語而已。
南京官話
南京官話，作為明朝辰光個主流官話搭官場用語，來勒滿洲帝國統治個前期搭中期還是大範圍被使用。弗過到太平天國辰光，因為所在地南京落到長毛賊手裡向。南京個文化受到毀滅性打擊。南京官話個地位也來勒同一辰光逐漸被北京官話替代。到晚清，南京官話已經衰落，搭檔慈禧太后等人進行對話個南方官僚，必須要學一口北京話才可以哉。
西南官話
清帝國對西南地區秉承明帝國個打壓政策，所以西南地區個官話進程來勒帝國統治辰光一點也沒變慢。來勒四川，因為人口個大規模減少，新來個移民儕傾向於講官話，形成今日個四川話，雲南，貴州個駐軍雖然減少，弗過扎根當地個帝國移民對當地土著展開長辰光個屠殺搭驅趕，土著要麼躲到沒有人去個峽谷深山當中，要麼就被迫接受帝國文化，成為講西南官話個漢人。這也讓伊拉個語言徹底搭過去個歷史沒有聯繫。乃朝西南地區個語言差異之小，搭伊拉多山多民族個傳統迥異，就是因為帝國壓迫個結果。
吳語
吳語來勒清帝國個前中期地位較高，滿洲皇帝多次來江南，對評彈等藝術有老高個評價，乾隆還親自學過評彈。但1850年代個太平天國畀吳語巨大打擊。江南地區個人口損失來勒40%以上。皖南個吳語地區，比方講，宣州，則基本被太平天國軍殺光本地人口。迭也導致宣城-蕪湖等地個皖南吳語基本消失。句容、溧水、金壇等地個吳語土著被大量替換。吳語經過迭次衝擊，元氣大傷。尤其是宣城地區，從此之後，基本脫離歷史高頭搭江南個聯繫哉。
Remove ads
教育
滿洲帝國基本繼承明帝國個教育方法，拿全國個階級流動限制來勒科舉個道路高頭。通過八股取士錄用人才。弗過，作為一個滿洲國族個國家，滿洲人來勒各個方面儕有更加多個門路。伊拉參加科舉是單獨算分，錄取當官也邪氣便當。清帝國個科舉弗像明帝國個樣嚴謹，這也間接導致交關賣官鬻爵現象個發生。
學堂
清'帝國有各種各樣個官學，京師還有國子監、宗學、覺羅學、八旗官學等。各個省下頭，還有府學、州學、縣學。除脫迭些官學之外，還有私人搭地方社會創辦個私塾、社學、義學，學院等教育機構。[1]。
宗教
- 佛教
滿清從康熙到乾隆個一百多年當中，對漢傳佛教（藏傳佛教除外）比較一般，弗過因為要穩定社會，所以依然把伊拉一點幫助。[2]。乾隆皇帝就講：「彼為僧為道，亦不過營生之術耳。窮老孤獨，多賴以存活。其勸善戒惡，化導愚頑，亦不無小補。」清朝個皇帝經常搭交往，順治帝就後與名僧憨璞性聰、玉林通琇、茚溪行森和木陳道沁等請教，順治本人也打算出家，伊所寵愛個董鄂妃來勒伊個影響下也歡喜學習禪宗。再比方講，康熙來勒外頭出巡辰光，只要經過名山大廟，就必定去題寫碑文。雍正歡喜讀《金剛經》，也多搭佛教徒往來，選編語錄，自稱為禪門門徒[2]。
弗過漢人佛教個無限制發展，對帝國統治者也有不利之處，假使有太多出家人，帝國個稅收對象必定要減少，弗僅個能，佛廟個上層還要兼併土地，發展伊拉個寺院經濟，就會加強土地個集中程度，讓社會矛盾更加激化，犯法個人也會增加。所以，滿清帝國一方面保護佛教，另一方面又進行限制。清朝限制佛教個辦法主要有三種，設置僧官[注 1]、實行度牒制度。為加強對僧人的「稽考」，「亦如民間之有保甲，不至藏奸，貢監之有執照，不容假冒。」對弗領度個僧人要進行重罰，比方講，康熙十五年就有規定，「凡僧尼道士不領度牒私自出家者，杖八十為民與不許擅造寺廟[注 2][2]。佛教在限制下仍有一定影響力。佛教各派，除脫禪宗還算盛行之外，其餘精神慢慢世俗化，風氣也慢慢衰落。另外，像淨土宗、律宗、也僅能保持典型。乾隆辰光，曾禁止各地建立新個寺院，民間出家為僧者也受限制。士大夫雖歡喜談佛學，但只是歡喜談論佛理，並沒有興隆佛教個意願。
清朝為籠絡內外蒙古、青海、西藏等民族，維護伊拉個內亞帝國統治者地位，不斷優待藏傳佛教（亦稱喇嘛教），來勒1640年代，就來勒北京建造一大喇嘛廟，有喇嘛一百餘人，儕是內府諸旗王公屬下滿州人。雍正帝曾得喇嘛幫助繼位，之後以伊老早個王府改建為雍和宮大喇嘛廟，成為北京也是當時整個帝國頂大個喇嘛廟。雍正五年，又來勒蒙古之哲布尊丹巴呼圖克圖，建大喇嘛廟，發帑銀十萬多兩。並尊哲布尊丹巴為喀爾喀大喇嘛，其地位等同西藏個達賴、班禪，後世稱為「活佛」。乾隆帝曾經把藏傳佛教作為解決現實社會矛盾個方法。例如：乾隆五十六年（1791年）七月個一道諭旨里向講：「蘇尼特二旗，連年被旱成災，眾蒙古等牲畜多有損傷。本年雖經加恩賞給銀米散賑，今值夏令，應令祈雨之時，蒙古等素崇黃教，何不聚集大喇嘛誦經祈禱？今特因二旗生計，發去大雲輪經一分，即令蘇尼特二旗交有道行喇嘛，將此經唪誦，祈禱應時甘澍，以彌旱災。」}}弗過也以理藩院來控管伊個發展。藏傳佛教雖然表面上受到君王個禮遇，弗過事實上弗像元明前兩代如此興旺，乾隆末年發生川楚教亂，讓藏傳佛教漸走衰落之途}。
- 道教與民間宗教
道教來勒宋朝最為盛行，之後個元帝國搭明帝國辰光對其仍為優遇，到了清朝，帝室雖然也信奉道教，但明顯弗如前代盛行，清朝對道教個政策搭對待其他宗教一樣：保護又控制[3]。清朝個道教來勒明朝衰落個基礎上，進一步走向衰落。主要原因有：
- 滿洲統治者人為道教弗是伊拉個信仰，是漢人個信仰。伊拉來勒在入關前尊奉藏傳佛教格魯派，乾隆時又宣布黃教為國教。
- 清朝來勒思想高頭更加重視程朱理學，宣揚「忠」「孝」觀念，伊拉收羅一些理學家，比方講，李光地等，纂修性理精義等書，頒行天下。這些理學家一般儕歡喜對釋、道兩教進行攻擊。
- 基督教傳入中國後，也使部分群眾改信其教。
- 民間秘密宗教個發展，迭些民間宗教往往是正統道教個流衍，所以道教實際上慢慢演變成迭些民間宗教。
衰落頂根本原因是時代發生急劇個變化。商品經濟個發展，生產水平個提高，世界交流個頻繁，科學技術個傳入搭進步，新文化、新思想個興起，迭些衰落個表形，讓道教來勒政治高頭個地位慢慢下隆；另外，道教教義學說陳陳相因，已難有發展；道教上層人物尸位素餐，沒有群眾支持；道教也搭儒佛兩教教日趨融合，使其自身特點逐漸消退[3]。
正統個道教逐漸衰落，讓民間宗教慢慢崛起。伊拉是道教個變種與流衍。因為伊拉被滿洲帝王認為是「邪教」，所以只好秘密傳播，但傳播個範圍卻邪氣廣泛{{notetag|1=當時有人敘述這種情況說：「迨紅巾、白蓮始自元明季世，焚香惑眾種種異名，旋禁旋出，至今日，若皇天、若九門、十門等會，莫可窮詰，家有不顨剎之寺庵，人或不削髮之僧尼，宅不奉無父無君之妖鬼者鮮矣。迭些個民間宗教，名目不下數十百種。
民間宗教個思想內容，大量抄襲佛、道、儒等各家個教義，但也有弗同之處。這些民間宗教如白蓮教搭天地會，在清朝中葉以後，發動許多起義活動，如：川楚教亂、林爽文事件等等，對清朝國力造成咾大個損傷。
- 回教
從元朝開始，西域回教教徒大量來到中國各地，回信徒居住於甘肅、陝西、四川、山西、直隸、廣東、雲南等省。帝國對回教採取放任個態度，尊重伊拉個信仰，用伊拉個法律來處理紛爭，但搭元、明相比還是比較沒落，清朝防制回人個法律極嚴，內地各省，回人犯法，判罪較一般犯人為重，凡罪當流徒，一般人民可申請存留養親者，回民卻不得申請。在回疆，清朝每於重要所在分建漢、回二城，限制回民個自由，禁止漢回通婚，拉公文書中，則民、回別稱，拿回民排斥勒一般平民之外。
受到清朝及漢人個壓制，來勒清朝統治期間，清朝末年時，甘肅、陝西、雲南這三省曾發動聖戰暴亂，死傷慘重。。康熙順治年間，甘州回民起兵造反，乾隆年間有大小和卓之亂，嘉慶年間有張格爾來勒浩罕叛亂，道光同治年間有陝甘回亂搭雲南回亂。
- 基督教
滿清入關後，湯若望、南懷仁等教士，先後被任命為欽天監[4]，伊拉利用職務之便來傳教。由於耶穌會傳教士對於中國原有個風俗習慣，抱持容忍態度[4]。教徒祭天、祭祖、祭孔者盛行，所以雖然與教義互相衝突，儕以默忍[4]。弗過到了17世紀末至18世紀初，天主教內部發生「禮儀之爭」。依照道明會個傳教士個指控，教宗下令禁止教區內個傳教士使用耶穌會個中文詞彙「天」搭「上帝」 來稱呼天主，也禁止中國信徒祭拜祖先搭孔子[4]。迭個狀況，搭老早義大利傳教士利瑪竇搭仔後頭個傳教士來勒帝國傳教辰光採取個本土化政策完全相反[4]。帝國對此邪氣弗滿，認為個能違背中國敬孔祭祖個傳統[4]。康熙來勒1700年批示講：「敬孔敬祖為敬愛先人搭先師個表示，並非宗教迷信」。
雙方爭持不下，最後，清廷下令必須遵循「利瑪竇規矩」傳教，不然就弗允許傳教，逐出中國。迭個就是「禁教令」[4]。1722年雍正帝徹底推行禁教令，讓清朝初年西方基督教來勒中國傳教被終止[4]，到了道光帝時，連欽天監也不用傳教士。弗過清朝皇帝對於教禁並沒有徹底禁止[4]，嘉慶辰光（1807年），有英國個新教教士來勒廣州進行傳教工作[4]。
鴉片戰爭後，雖然帝國沒有正式撤銷禁令，但歐美各地個基督教教士跟牢西方列強個船堅砲利，已經來到中國傳教，這也使基督教充滿殖民者個色彩，於是基督宗教舊教、新派，傳播更加迅速[4]，除脫傳教之外，傳教士還修造立醫院搭學堂，對中國文化搭社會個演進，發生交關深遠個影響[4]。傳教士個活動，讓當地老百姓邪氣弗蠻夷，伊拉經常以訛傳訛，傳播基督教個負面新聞，經常讓民眾焚燒教堂，驅逐或者殺脫傳教士，收回被侵占個土地財物。從1856年到1889年先後發生個教案多達三百多起，著名個有1870年個天津教案，1900年個義和團動亂。來勒義和團中間，有好幾萬民中西方傳教士搭基督教信徒被伊拉殺脫。
Remove ads
帝王年表
注釋
參見
文獻
外部連結
Wikiwand - on
Seamless Wikipedia browsing. On steroids.
Remove ads