Дняпро Магілёў

«Дняпро» — беларускі футбольны клюб з Магілёва, заснаваны ў 1960 годзе. У 2018 годзе быў расфармаваны, але ў хуткім часе быў закладзены ізноў, пачаўшы шлях з Другой лігі. Чэмпіён Беларусі (1998).

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Дняпро (неадназначнасьць).

Дняпро
Поўная назва	Футбольны клюб «Дняпро Магілёў»
Заснаваны	1960
Расфармаваны	2019
Горад	Магілёў, Беларусь
Стадыён	«Спартак» Умяшчальнасьць: 7350
Галоўны трэнэр	Алег Радушка[d][1]
Чэмпіянат	Найвышэйшая ліга
· 2023	Першая ліга, 2 месца (паніжэньне)
Афіцыйны сайт

Гісторыя

У савецкі час граў у заходняй зоне другой лігі (Д3) чэмпіянату СССР, найвышэйшае дасягненьне — выхад у першую лігу (Д2) (1982, у першай лізе выступаў адзін сэзон — у 1983). У 2011 годзе клюб заняў апошняе (12) месца ў найвышэйшай лізе чэмпіянату Беларусі і вылецеў у першую. У наступным годзе клюб выйграў чэмпіянат у першай лізе і вярнуўся ў найвышэйшую лігу. У 2014 годзе каманда заняла 12 месца ў найвышэйшай лізе, а ў гульнях за месца ў найвышэйшай лізе саступіла «Віцебску» і вылецела ў першую лігу. У 2016 годзе клюб заняў другое месца ў першай лізе і вярнуўся ў найвышэйшую лігу. У 2018 годзе «Дняпро» заняў апошняе месца ў найвышэйшай лізе і вылецеў у першую лігу. У лютым 2019 году было абвешчана пра аб’яднаньне «Дняпра» зь менскім клюбам «Прамень» у адзіную каманду пад назвай «Дняпро», якая заняла месца «Промню» ў найвышэйшай лізе^[2].

Пасьля году аснаваньня аб’яднанага клюбу магілёўскія ўлады ня здолелі дамовіцца аб перадачы яго дзяржаве, таму быў заснаваны новы клюб пад афіцыйнай назвай «Дняпро-Магілёў», які быў працягам арыгінальнага клюбу і далучыўся да другой лігі. Выступаючы пераважна ўласнымі маладымі выхаванцамі, магілёўскі клюб упэўнена перамог у другой лізе. У сэзоне 2021 году каманда камплектавалася пераважна дасьведчанымі гульцамі, у тым ліку павяртала магілёўскіх выхаванцаў, далучаючы таксама некалькіх маладых футбалістаў. Пачатак сэзону атрымаўся няўдалым, і ў ліпені замест Ігара Чумачэнкі новым трэнэрам быў абраны Вячаслаў Ляўчук. Пазьней магілёўская каманда выдала некалькі неблагіх адрэзкаў, чаму паспрыялі добрыя бамбардзірскія паказьнікі нападніка Кірыла Сідарэнкі, які праз траўмы прапусьціў першую палову сэзону, а на фінішы стаў другім бамбардзірам лігі. Тым ня менш, дацягнуцца да лідэраў «Дняпро» ўжо ня здолеў, а дзьве паразы на фінішы ад сераднякоў «Лякаматыву» і «Шахцёра» канчаткова пазбавілі каманду шанцаў на выхад у найвышэйшую лігу. Сэзон «Дняпро» скончыў на 5 месцы пры 12 удзельніках.

У пачатку 2022 году каманда рыхтавалася да ўдзелу ў першай лізе. Клюб пакінулі старшыня Дзьмітры Калачоў і галоўны трэнэр Вячаслаў Ляўчук, новым трэнэрам стаў Яўген Малчан, які раней ачольваў каманду «Дняпро-Юні» ў другой лізе. Аднак, у канцы лютага берасьцейскі «Рух» адмовіўся ад удзелу ў найвышэйшай лізе, і АБФФ прапанавала «Дняпру» заняць вакантнае месца. 1 сакавіка «Дняпро» афіцыйна пацьвердзіў свой удзел у найвышэйшай лізе^[3]. Каманда ўвайшла ў сэзон фактычна ў складзе, які рыхтаваўся яшчэ для першай лігі, і хутка стала аўтсайдэрам. У летняе трансфэранае вакно «Дняпро» таксама ня здолеў падмацавацца праз забароны на транфсэры, накладзенай ФІФА за нявыплату заробку легіянэрам яшчэ за сэзон 2018 году. У ліпені замест Малчана галоўным трэнэрам стаў ягоны памочнік Юры Лукашоў, але вынікі каманды істотна не палешыліся. У верасьні Лукашоў пакінуў клюб, і Малчан зноў стаў на чале каманды, якая неўзабаве страціла шанец на захаваньне месца ў найвышэйшай лізе і ў сэзоне 2022 году фінішавала апошняй.

У пачатку 2023 году «Дняпро» ачоліў Вячаслаў Герашчанка. Каманда перадусім захавала склад, што было абумоўлена ў тым ліку і забаронай на трансфэры, якая ўсё яшчэ трывала. У Першай лізе ў сэзоне 2023 году дружына замацавалася ў верхняй палове табліцы, але страціла шмат пунктаў і адстала ад канкурэнтаў. Толькі улетку 2023 году «Дняпро» нарэшце здолеў запрасіць новых гульцоў, што дапамагло згуляць другую палову чэмпіянату без аніводнай паразы, што ўзьняло клюб на другі радок, які гарантаваў вяртаньне ў Найвышэйшую лігу.

Гісторыя назваў

• «Хімік» (1960—1963)
• «Спартак» (1964—1973)
• «Дняпро» (1974—1997, 2006—2018)
• «Дняпро-Трансмаш» (1998—2005)

Дасягненьні

• Чэмпіён Беларусі 1998 году
• Срэбраны прызэр чэмпіянату Беларусі 1992 году
• Бронзавы прызэр чэмпіянату Беларусі 2009 году

Склад

Актуальны на 13 верасьня 2024 году

№ Пазыцыя Імя Год нараджэньня 5 ПА Данальд Данго 2003 7 Нап Юры Клачкоў (капітан) 1998 8 ПА Данііл Вігоўскі 2001 9 Нап Раман Грыбоўскі 1995 10 ПА Аляксандар Александровіч 1997 11 Нап Мікалай Собалеў 2007 16 Аб Дзьмітры Алісейка 1992 17 ПА Сяргей Глябко 1992 19 Аб Яраслаў Кастусёў 2004 20 ПА Павал Бардукоў 1993 21 ПА Глеб Вяршынін 2002 22 Аб Ільля Балтрушэвіч 1999 23 Аб Аляксей Дунаеў 2004 30 Бр Цімур Філіпенка 2006

№ Пазыцыя Імя Год нараджэньня 33 Нап Музафар Гурбанаў 2006 37 ПА Руслан Маргіеў 1995 43 Нап Уладзіслаў Сьцепаненка 2006 44 Бр Дзяніс Садоўскі 1997 54 Бр Ягор Геняралаў 1993 55 ПА Мікіта Красноў 2004 66 Аб Антон Лукашоў 2004 69 Нап Красімір Капаў 1999 77 ПА Гільермэ Брыту 2003 88 Аб Фёдар Юркевіч 2003 99 Нап Майкл Агболе 2002 — Аб Уладзіслаў Тарасенка 2005 — ПА Габрыел Фэлісіяну 2002

Удзел у чэмпіянатах СССР

Сэзон	Дывізіён	Месца	Г	В	Н	П	РМ	А	Кубак СССР	Нататкі
1960	2	13	30	5	10	15	36–54	20
1961	2	4	30	14	8	8	45–37	36	1/128
1962	2	6	32	13	10	9	35–32	36	1/128	Выбыў у дыв. 31
1963	3	11	30	8	11	11	21–33	27	1/256
1964	3	8	30	12	8	10	31–25	32	1/1024
1965	3	10	30	6	17	7	14–18	29	1/128
1966	3	9	32	10	10	12	25–33	30
1967	3	18	34	6	10	18	18–38	22	1/2048
1968	3	10	38	11	14	13	25–28	36	1/128
1969	3	7	32	12	11	9	37–23	35	1/8	Выбыў у дыв. 42
1970	4	3	32	19	5	8	34–19	43		Перайшоў у дыв. 33
1971	3	14	38	9	16	13	30–40	43
1972	3	17	38	9	13	16	25–47	40
1973	3	16	32	7	11	14	21–38	174
1974	3	12	40	14	10	16	37–53	38
1975	3	11	34	8	13	13	26–42	29
1976	3	19	38	8	9	21	34–60	25
1977	3	12	40	15	11	14	44–41	41
1978	3	16	46	15	10	21	51–56	40
1979	3	17	46	12	13	21	41–62	37
1980	3	7	32	9	9	14	37–48	27
1981	3	2	38	20	5	13	58–39	45
1982	3	1	30	18	8	4	60–32	44
		1	4	3	0	1	8–4	6		Фінальны раўнд, перайшоў у дыв. 2
1983	2	20	42	12	13	17	40–60	36	1/32	Выбыў у дыв. 3
1984	3	1	34	22	6	6	71–24	50	1/16
1985	3	3	30	15	9	6	64–34	39	1/32
1986	3	5	30	15	5	10	56–31	35	1/64
1987	3	6	34	17	8	9	41–29	42	1/16
1988	3	4	34	19	8	7	49–36	46
1989	3	9	42	19	7	16	52–47	45
1990	3	13	42	17	6	19	58–54	40	1/32
1991	3	12	42	18	6	18	47–37	42
1992									1/32

• ¹ Выбыў з-за скарачэньня 2 лігі з 10 зонаў (150 камандаў) у 1963 годзе да адной групы з 18 камандаў у 1963.
• ² У 1970 годзе «Кляса Б» савецкага чэмпіянату зьмяніла свой статус з 3-га дывізіёну на 4-ы, а два вышэйшыя дывізіёны былі рэарганізаваныя ў тры зь меншай колькасьцю камандаў.
• ³ Падняўся ў верхні дывізіён — у 1971 годзе 3-і дывізіён пашырылі з 3 да 6 тэрытарыяльных зон (з 66 да 124 камандаў) і скасавалі 4-ы дывізіён.
• ⁴ У 1973 годзе кожная нічыя сканчалася сэрыяй пэнальці. Пераможца атрымоўваў 1 ачко, каманда, што прайграла — 0.

Статыстыка

Чэмпіянат і Кубак Беларусі

Сэзон	Ліга	Месца	Г	В	Н	П	РМ	Пкт	Кубак
1992	Найвышэйшая		15	11	2	2	28–4	24	Ф 2
1992—1993	Найвышэйшая	5	32	17	7	8	54–33	41	1/4
1993—1994	Найвышэйшая	4	30	17	6	7	45–22	40	1/8
1994—1995	Найвышэйшая	5	30	12	9	9	44–35	33	1/2
1995	Найвышэйшая	6	15	7	1	7	26–23	22	1/8
1996	Найвышэйшая	9	30	11	6	13	33–36	39	1/2
1997	Найвышэйшая	4	30	15	7	8	48–32	52	1/2
1998	Найвышэйшая		28	21	4	3	55–12	67	1/4
1999	Найвышэйшая	4	30	17	9	4	53–27	60	1/8
2000	Найвышэйшая	7	30	14	7	9	55–33	49	1/8
2001	Найвышэйшая	9	26	8	7	11	29–37	31	1/8
2002	Найвышэйшая	9	26	10	6	10	38–37	36	1/4
2003	Найвышэйшая	9	30	8	10	12	38–46	34	1/8
2004	Найвышэйшая	9	30	11	4	15	29–37	37	1/4
2005	Найвышэйшая	6	26	12	7	7	48–36	43	1/16
2006	Найвышэйшая	12	26	6	5	15	29–47	23	1/8
2007	Найвышэйшая	13	26	5	8	13	21–33	23	1/4
2008	Найвышэйшая	9	30	9	11	10	45–42	38	1/16
2009	Найвышэйшая		26	12	4	10	31–26	40	1/8
2010	Найвышэйшая	8	33	11	7	15	40-53	40	1/16
2011	Найвышэйшая	12	33	6	14	13	29–51	32	1/8
2012	Першая	1	28	20	3	5	75–22	63	1/8
2013	Найвышэйшая	11	32	9	6	17	28–42	33	1/2
2014	Найвышэйшая	12	32	2	14	16	19–42	20	1/8
2015	Першая	4	30	17	5	8	48–21	56	1/16
2016	Першая	2	26	20	4	2	61–19	63[lower-alpha 1][4]	1/32
2017	Найвышэйшая	12	30	6	8	16	27–48	26	1/2
2018	Найвышэйшая	16	30	3	7	20	17–53	16	1/16
2019	—
2020	Другая — група Б	1	20	19	0	1	105–9	57	1/16
	Другая — фінальны этап	1	10	9	1	0	25–3	28
2021	Першая	5	33	15	10	8	58–38	55	1/4
2022	Найвышэйшая	16	30	3	3	24	21–73	12	1/8
2023	Першая	2	32	22	7	3	75–24	73	1/8

Удзел у эўракубках

Кубак	Г	В	Н	П	М
Ліга чэмпіёнаў	2	0	0	2	0—3
Ліга Эўропы	8	3	3	2	15—13
Кубак Інтэртота	10	3	2	5	15—28
Усяго	20	6	5	9	30—44

Сэзон	Кубак	Раўнд		Клюб	Дома	У гасьцях
1995	Кубак Інтэртота	Група 8		Бэчэй	2:1
				Погань Шчэцін		3:3
				Кан	2:2
				Фарул Канстанца		0:2
1998	Кубак Інтэртота	1 к/р		Дэбрэцэн	2:4	0:6
1999—2000	Ліга чэмпіёнаў	2 к/р		АІК Сольна	0:1	0:2
2000	Кубак Інтэртота	1 к/р		Сылькеборг	2:1	2:1
		2 к/р		Хмель Блшаны	0:2	2:6
2010—2011	Ліга Эўропы	1 к/р		Лячы	7:1	1:1
		2 к/р		Стабэк	1:1	2:2
		3 к/р		Банік	1:0	2:1
		Плэй-оф		Вільярэал	1:2	0:5

Галоўныя трэнэры

• Яўген Капаў (лістапад — сьнежань 2018 году)^[5]
• Сяргей Літоўчанка (жнівень — лістапад 2018 году)^[6][7]
• Яўген Капаў (в. а. у чэрвені — ліпені 2018 году)^[8]
• Вячаслаў Ляўчук (студзень — чэрвень 2018 году)^[9][10]
• Аляксандар Сяднёў (студзень 2016 году — сьнежань 2017 году)^[11]
• Уладзімер Геваркян (люты — сьнежань 2015 году)^[12]
• Юры Лукашоў (студзень 2014 году — люты 2015 году)
• Уладзімер Касьцюкоў (кастрычнік 2013 году — студзень 2014 году)
• Вячаслаў Герашчанка (верасень 2011 году — кастрычніка 2013 году)
• Андрэй Скарабагацька (да верасьня 2011 году)

Заўвагі

1. З «Дняпра» зьняты адзін пункт

Крыніцы

1. https://football.by/news/190342
2. Официально: Подписано соглашение о намерениях объединить «Луч» и «Днепр» (рас.)
3. "Днепр" официально подтвердил свое участие в высшей лиге в сезоне-2022 (рас.) Football.by.
4. С «Днепра» снято одно очко, могилевчане могут потерять еще три (рас.)
5. «Очень неприятный момент для города, болельщиков и команды»(недаступная спасылка) (рас.)
6. Украинский специалист Сергей Литовченко возглавил «Днепр» (рас.)
7. «Днепр» расторг контракт с Литовченко (рас.)
8. Капов возглавил «Днепр». У специалиста нет тренерской лицензии PRO. Лукашов и Чайка войдут в тренерский штаб (рас.)
9. «Днепр» возглавил Вячеслав Левчук (рас.)
10. «Днепр» сообщил о расставании с Левчуком (рас.)
11. Собранием акционеров могилевского «Днепра» одобрена кандидатура Александра Седнева на пост наставника клуба (рас.)
12. Владимир Геворкян назначен главным тренером «Днепра». Валерий Стрельцов стал гендиректором клуба (рас.)

Вонкавыя спасылкі

• Афіцыйны сайт (рас.)