4. ágúst

4. ágúst er 216. dagur ársins (217. á hlaupári) samkvæmt gregoríska tímatalinu. 149 dagar eru eftir af árinu.

Júl – Ágúst – Sep
Su	Má	Þr	Mi	Fi	Fö	La
					1	2
3	4	5	6	7	8	9
10	11	12	13	14	15	16
17	18	19	20	21	22	23
24	25	26	27	28	29	30
31
2025 Allir dagar

Atburðir

• 1265 - Orrustan við Evesham: Hinrik 3. Englandskonungur og Játvarður sonur hans unnu sigur á liði uppreisnarmanna undir forystu Simon de Montfort. De Montfort og elsti sonur hans, Henry, féllu báðir.
• 1578 - Orrustan við Al Kasr al Kebir: Márar unnu sigur á Portúgölum í Norður-Afríku. Sebastían 1. Portúgalskonungur féll í orrustunni. Aldraður frændi hans, Hinrik kardínáli, tók við ríkjum en afleiðingin varð erfðadeila í Portúgal.
• 1704 - Enskar og hollenskar sveitir hertóku Gíbraltar.
• 1903 - Giuseppe Melchiorre Sarto varð Píus 10. páfi.
• 1907 - Ungmennafélag Íslands var stofnað og var fyrsti formaður þess Jóhannes Jósefsson.
• 1914 - Fyrri heimsstyrjöldin: Þýskaland réðist á Belgíu. Í kjölfarið lýsti Bretland yfir stríði við Þýskaland. Bandaríkin lýstu yfir hlutleysi.
• 1928 - Ásta Jóhannesdóttir synti frá Viðey til Reykjavíkur. Sundið tók tæpar tvær klukkustundir og er um fjórir kílómetrar.
• 1944 - Gestapómenn ruddust inn í fylgsni fjölskyldu Anne Frank í húsi Önnu Frank og handtóku alla sem þar höfðust við.
• 1947 - Hæstiréttur Japans var stofnaður.
• 1972 - Idi Amin tilkynnti að allir asískir verkamenn með bresk vegabréf yrðu að hverfa frá Úganda innan þriggja mánaða.
• 1974 - Italicus-sprengjan: Sprengja sprakk um borð í lest á milli Flórens og Bologna. 12 létust.
• 1977 - Orkustofnun Bandaríkjanna var stofnuð.
• 1977 - Sprengjumaðurinn frá Gladsaxe sprengdi sína fyrstu sprengju í símaklefa í Kaupmannahöfn.
• 1979 - Stokkhólmsmaraþonið var hlaupið í fyrsta skipti.
• 1983 - Thomas Sankara varð forseti Efri-Volta.
• 1984 - Efri-Volta tók upp nafnið Búrkína Fasó.
• 1984 - Sovéski kafbáturinn K-278 Komsomolets setti heimsmet í djúpköfun þegar hann náði 1020 metra dýpi.
• 1991 - Skemmtiferðaskipið MTS Oceanos sökk undan strönd Suður-Afríku. Öllum um borð var bjargað.
• 1993 - Alríkisdómari dæmdi tvo lögreglumenn frá Los Angeles í þrjátíu mánaða fangelsi fyrir að hafa brotið á réttindum Rodney King.
• 1995 - Króatíuher hóf Stormaðgerðina gegn Króatíuserbum í Krajinahéraði.
• 1997 - 185.000 bílstjórar hjá United Parcel Service fóru í verkfall.
• 1998 - Afríkustríðið mikla hófst í Kongó.

• 2006 - Blóðbaðið í Muttur: 17 hjálparstarfsmenn voru myrtir í bænum Muttur á Srí Lanka.
• 2007 - Reykingabann tók gildi á almannafæri í Slóveníu.
• 2007 - NASA sendi geimfarið Fönix út í geiminn.
• 2018 - Forseti Venesúela, Nicolás Maduro, slapp ómeiddur frá tilræði sem gert var með drónum sem báru sprengihleðslur.
• 2019 - Sprengingin í Kaíró 2019: Bíll ók á þrjá aðra bíla og olli sprengingu sem kostaði 20 manns lífið.
• 2019 - Skotárásin í Dayton 2019: Tíu létust, þar á meðal árásarmaðurinn, og 27 særðust í skotárás í Dayton, Ohio.
• 2020 – Að minnsta kosti 135 manns létu lífið í tveimur sprengingum ammóníumnítrats í höfninni í Beirút.
• 2021 - Hvítrússneski spretthlauparinn Krystsina Tsimanouskaya fékk pólitískt hæli í Póllandi.
• 2022 - Alþýðulýðveldið Kína hóf miklar heræfingar í kringum Taívan sem svar við umdeildri heimsókn Nancy Pelosi, forseta Bandaríkjaþings, þangað tveimur dögum fyrr.

Fædd

• 1804 - Karl Friedrich Hermann, þýskur fornfræðingur (d. 1855).
• 1805 - William Rowan Hamilton, írskur stærðfræðingur (d. 1865).
• 1859 - Knut Hamsun, norskur rithöfundur (d. 1952).
• 1900 - Elísabet drottningarmóðir (d. 2002).
• 1901 - Louis Armstrong, bandarískur jazztónlistarmaður (d. 1971).
• 1912 - Raoul Wallenberg, sænskur athafnamaður og erindreki (talinn af 1947).
• 1928 - Flóra Kádár, ungversk leikkona (d. 2002).
• 1941 - Árni Ragnar Árnason, íslenskur stjórnmálamaður (d. 2004).
• 1949 - Magnús Kjartansson, íslenskur myndlistarmaður (d. 2006).
• 1952 - Moya Brennan, írsk þjóðlagasöngkona.
• 1953 - Ástþór Magnússon, íslenskur athafnamaður.
• 1953 - Hiroyuki Usui, japanskur knattspyrnumaður.
• 1955 - Steingrímur J. Sigfússon, íslenskur stjórnmálamaður.
• 1955 - Billy Bob Thornton, bandarískur leikari.
• 1956 - Luigi Negri, ítalskur stjórnmálamaður.
• 1958 - Edvaldo Oliveira Chaves, brasilískur knattspyrnumaður.
• 1960 - José Luis Rodríguez Zapatero, forsætisráðherra Spánar.
• 1961 - Barack Obama, Bandaríkjaforseti.
• 1961 - Pumpuang Duangjan, taílensk söngkona (d. 1992).
• 1962 - Lori Lightfoot, borgarstjóri Chicago.
• 1964 - Sebastian Roché, franskur leikari.
• 1981 - Meghan, hertogaynja af Sussex.
• 1983 - Fábio Gomes da Silva, brasilískur stangarstökkvari.
• 1985 - Antonio Valencia, knattspyrnumaður frá Ekvador.
• 1983 - Greta Gerwig, bandarísk leikkona og leikstjóri.
• 1985 - Mark Milligan, ástralskur knattspyrnumaður.
• 1992 - Dylan og Cole Sprouse, bandarískir leikarar.

Dáin

• 1060 - Hinrik 1. Frakkakonungur (f. 1008).
• 1306 - Venseslás 3., konungur Bæheims (f. 1289).
• 1526 - Juan Sebastián Elcano, baskneskur landkönnuður (f. 1476).
• 1578 - Sebastían 1., konungur Portúgals (f. 1554).
• 1796 - Hannes Finnsson, biskup í Skálholti (f. 1739).
• 1816 - Hallgrímur Þorsteinsson, prestur á Hrauni og Steinsstöðum í Öxnadal, faðir Jónasar Hallgrímssonar, drukknaði í Hraunsvatni (f. 1776).
• 1828 - Lauritz Knudsen, danskur kaupmaður (f. 1779).
• 1875 - H.C. Andersen, danskur rithöfundur (f. 1805).
• 1918 - Jónas Jónasson frá Hrafnagili, íslenskur prestur og þjóðfræðasafnari (f. 1856).
• 1922 - Enver Pasja, tyrkneskur herforingi (f. 1881).
• 1948 - Mileva Marić, serbneskur stærðfræðingur (f. 1875).
• 1968 - Þórarinn Kr. Eldjárn, íslenskur bóndi (f. 1886).
• 1982 - Bruce Goff, bandarískur arkitekt (f. 1904).
• 1986 - Egill Holmboe, norskur nasisti (f. 1896).
• 1990 - Norman Malcolm, bandarískur heimspekingur (f. 1911).
• 1997 - Jeanne Calment, langlífasta kona heims að talið er (f. 1875).
• 2007 - Lee Hazlewood, bandarískur kántrýsöngvari (f. 1929).
• 2011 - Naoki Matsuda, japanskur knattspyrnumaður (f. 1977).