Буцьвілавічы

Буцьві́лавічы^[1] — вёска ў Беларусі, на рацэ Палонцы. Уваходзяць у склад Дварэцкага сельсавету Зьдзецельскага раёну Гарадзенскай вобласьці.

Буцьвілавічы лац. Bućviłavičy
Краіна:	Беларусь
Вобласьць:	Гарадзенская
Раён:	Зьдзецельскі
Сельсавет:	Дварэцкі
Насельніцтва:	6 чал. (2010)
Часавы пас:	UTC+3
Тэлефонны код:	+375 1563
Паштовы індэкс:	231474
Нумарны знак:	4
Геаграфічныя каардынаты:	53°25′37″ пн. ш. 25°30′57″ у. д.
Буцьвілавічы на мапе Беларусі ± Буцьвілавічы Буцьвілавічы

Назва

Асноўны артыкул: Бутвіл

Бодвіл (Bauduilli^[2][3][4]) і Вілібут або Вілбот (Willebut, Wilbot^[a]) — імёны германскага паходжаньня^[5]. Іменная аснова -бут- (-бот-) (імёны ліцьвінаў Бутвід, Бутрык, Сайбут; германскія імёны Botvid, Butariks, Seiboth) паходзіць ад усходнегерманскага but- з значэньнем 'корань, камель' (гепідзкае butilo 'камель')^[6] або ад асновы -буд- (-бод-)^[7] (у старажытных тэкстах bod праз доўгае о пісалася як baud^[8]), а аснова -віл- (імёны ліцьвінаў Вільгерд, Вільгейда, Мунтвіл; германскія імёны Vilgard, Williheid, Muntwil) — ад гоцкага wilja 'воля'^[9]. Такім парадкам, імя Бутвіл азначае «корань волі»^[10] (тое ж, што і Вільбут). Адзначалася германскае імя Botvild (Bot-vild)^[11].

Адпаведнасьць імя Бутвіл германскаму імю Willebut прызнае летувіскі лінгвіст Ёзас Юркенас(lt)^[12].

Яшчэ ў 1962 годзе францускі лінгвіст-германіст Раймонд Шмітляйн, які на падставе шматгадовых дасьледаваньняў прыйшоў да высноваў пра германскае паходжаньне літоўскіх уласных імёнаў, зьвяртаў увагу на наяўнасьць тапонімаў германскага паходжаньня (Bouteville, Botavila, Bodvilla, Budevill), якія могуць сьведчыць пра існаваньне ня знойдзенага на той час у пісьмовых крыніцах поўнага германскага адпаведніка імя Бутвіл^[13].

Насельніцтва

• 1905 год — 97 чалавек^[14]
• 1999 год — 11 чалавек
• 2010 год — 6 чалавек

Заўвагі

1. Паводле назвы мясцовасьці Wilbotissun