အမျိုးသားညီညွတ်ရေး အစိုးရ

အမျိုးသားညီညွတ်ရေးအစိုးရသည် ၂၀၂၁ခုနှစ် မတ်လ ၃၁ရက်က ကြေညာခဲ့သည့် ဖက်ဒရယ်ဒီမိုကရေစီ ပဋိညာဉ်အရ အမျိုးသားညီညွတ်ရေး အတိုင်ပင်ခံကောင်စီ (NUCC) က တင်သွင်းပြီး ပြည်ထောင်စုလွှတ်တော် ကိုယ်စားပြုကော်မတီ (CRPH) က ဧပြီလ ၁၆ ရက်နေ့တွင် ကြေညာချက်အမှတ် ၂၃/၂၀၂၁ ကို ထုတ်ပြန်၍ အတည်ပြု ဖွဲ့စည်းလိုက်သော ကြားကာလ ညီညွတ်ရေးအစိုးရ ဖြစ်သည်။ အမျိုးသားညီညွတ်ရေးအစိုးရ၏ ကိုယ်စားလှယ် ၆ ဦးကို နိုင်ငံပေါင်း ၅ နိုင်ငံတွင် ခန့်အပ်ထားသည်။ ^{[၁][၂][၃][၄]}

အမျိုးသားညီညွတ်ရေး အစိုးရ National Unity Government
အစိုးရအဖွဲ့၊ မြန်မာနိုင်ငံ
လက်ရှိ
အစိုးရခေါင်း​ဆောင်များ
ဖွဲ့စည်းရက်စွဲ	၁၆ ဧပြီ ၂၀၂၁ (၂၀၂၁-၀၄-၁၆)
လူပုဂ္ဂိုလ်နှင့် အဖွဲ့အစည်းများ
နိုင်ငံတော်ခေါင်းဆောင်	ဦးဝင်းမြင့်၊ဦးဒူဝါလရှီးလ, နိုင်ငံတော်သမ္မတနှင့် နိုင်ငံတော်ဒုသမ္မတ
ကိုယ်စားပြု	ပြည်ထောင်စုလွှတ်တော် ကိုယ်စားပြုကော်မတီ
အစိုးရခေါင်းဆောင်	ဒေါ်အောင်ဆန်းစုကြည်, ဦးမန်းဝင်းခိုင်သန်း, ပြည်ထောင်စုဝန်ကြီးချုပ်
ဝန်ကြီး ဦးရေ	၂၈ ဦး
အဖွဲ့ဝင် ပါတီ	ပြည်ထောင်စုလွှတ်တော် ကိုယ်စားပြုကော်မတီ တိုင်းရင်းသား လက်နက်ကိုင်များ လူထု (သပိတ်) ခေါင်းဆောင်များ
အတိုက်အခံ အစိုးရ	အိမ်စောင့်အစိုးရ
အတိုက်အခံ ခေါင်းဆောင်	မင်းအောင်လှိုင်
သမိုင်း
ပြီးခဲ့သော ရွေးကောက်ပွဲ	၂၀၂၀ ရွေးကောက်ပွဲ
ယခင်	ဦးဝင်းမြင့်အစိုးရ ပြည်ထောင်စုလွှတ်တော် ကိုယ်စားပြုကော်မတီ

အစိုးရအဖွဲ့တွင် ၂၀၂၀ ရွေးကောက်ပွဲ အနိုင်ရ လွှတ်တော်ကိုယ်စားလှယ်များ၊ တိုင်းရင်းသားအစုအဖွဲ့ ကိုယ်စားလှယ်များ၊ အာဏာသိမ်းမှု ဆန့်ကျင်ဆန္ဒပြပွဲများမှ ထင်ရှားသူများ ပါဝင်သည်။ စစ်အစိုးရကမူ အမျိုးသားညီညွတ်ရေး အစိုးရကို တရားမဝင်ဟု ပြောဆိုခဲ့သည်။^[၅]

နိုင်ငံတကာအနေဖြင့် ၎င်းတို့အား မြန်မာနိုင်ငံ၏ တရားဝင်အစိုးရအဖြစ် အသိအမှတ်ပြုကြရန် NUG က တောင်းဆိုထားပြီး၊^[၆] ပြည်ထဲရေးနှင့် လူဝင်မှုကြီးကြပ်ရေးဝန်ကြီးအဖြစ် ခန့်အပ်ခံရသူ ဦးလွင်ကိုလတ်ကလည်း မကြာမီကာလအတွင်း ကမ္ဘာ့နိုင်ငံကြီးအချို့၏ အသိအမှတ်ပြုမှုကို မျှော်လင့်ထားကြောင်း ပြောကြားသည်။^[၇] နိုင်ငံတကာကုန်သွယ်ရေးသမဂ္ဂ အကျိုးတူပူးပေါင်းအဖွဲ့က နိုင်ငံတကာအစိုးရများနှင့် ကုလသမဂ္ဂအနေဖြင့် NUG ကို အသိအမှတ်ပြုကြရန် နှိုးဆော်ထားသကဲ့သို့၊^[၈] အာဆီယံဒေသတွင်း လူ့အခွင့်အရေး တက်ကြွလှုပ်ရှားသူ လွှတ်တော်ကိုယ်စားလှယ်များကလည်း ဧပြီလ ၂၄ရက်တွင် ကျင်းပမည့် အာဆီယံထိပ်သီးအစည်းအဝေးသို့ စစ်အစိုးရကိုယ်စားလှယ်ထက် NUG ကိုသာ ဖိတ်ခေါ်သင့်ကြောင်း တိုက်တွန်းသည်။^[၉]

အောက်တိုဘာလ ၅ ရက်တွင် ပြင်သစ်နိုင်ငံ အထက်လွှတ်တော်က အမျိုးသားညီညွတ်ရေးအစိုးရကို မြန်မာနိုင်ငံ၏ တရားဝင်အစိုးရအဖြစ်အသိအမှတ်ပြုရန် တစ်ညီတစ်ညွတ်တည်း ဆုံးဖြတ်ခဲ့ကြသည်။အောက်တိုဘာ ၇ ရက်တွင်လည်း ဥရောပ ပါလီမန်က အမျိုးသားညီညွတ်ရေးအစိုးရ နှင့် ပြည်ထောင်စုလွှတ်တော် ကိုယ်စားပြုကော်မတီကို မြန်မာနိုင်ငံ၏ တစ်ခုတည်းသော တရားဝင် အစိုးရအဖြစ် အသိအမှတ်ပြုခဲ့သည်။ အမျိုးသားညီညွတ်ရေးအစိုးရ၏ ကိုယ်စားလှယ်များကို ချက်သမ္မတနိုင်ငံ အပါအဝင် တောင်ကိုရီးယားနိုင်ငံ စသည့်နိုင်ငံများတွင် ထားရှိပြီးဖြစ်သည်။

အမျိုးသားညီညွတ်ရေး အစိုးရသစ်နှင့်အတူ ပြည်သူ့အသံ ရုပ်သံလိုင်း (Public Voice TV) ကိုလည်း ထုတ်လွှင့်ခဲ့သည်။^[၁၀] ၂၀၂၁ မေလ ၅ ရက်တွင် ပြည်သူ့ကာကွယ်ရေးတပ်မတော်ကို ဖွဲ့စည်းလိုက်ကြောင်း ကြေညာခဲ့သည်။^[၁၁] မေလ ၈ ရက်နေ့တွင် စစ်ကောင်စီမှ ထိုတပ်ဖွဲ့ကို အကြမ်းဖက်အဖွဲ့ဟု ထုတ်ပြန်ကြေညာခဲ့သည်။^{[၁၂][၁၃]}

အရေးပေါ်အခြေအနေ ကြေညာခြင်း

၂၀၂၁ ခုနှစ် စက်တင်ဘာလ ၇ ရက်နေ့မှ စတင်ပြီး နိုင်ငံတော်အား အရေးပေါ် အခြေအနေအဖြစ် သတ်မှတ်ကြောင်း အမျိုးသားညီညွတ်ရေးအစိုးရ ယာယီသမ္မတ ဒူဝါလရှီးလ ကြေညာခဲ့သည်။ တရားမဝင် စစ်အုပ်ချုပ်ရေး ယန္တရား တစ်ခုလုံးကို အပြီးတိုင် ဖျက်သိမ်းရန် လိုအပ်လာသော အခြေအနေ အရပ်ရပ်ကြောင့် ပြည်ထောင်စုနိုင်ငံတော် တစ်ဝန်းလုံးအား အရေးပေါ်အခြေအနေအဖြစ် စက်တင်ဘာလ ၇ ရက်နေ့မှ ပြည်သူ့အုပ်ချုပ်ရေးအာဏာ ပြန်လည်ထူထောင်နိုင်သည့် အချိန်အထိ သတ်မှတ်ကြောင်း ကြေညာခဲ့သည်။ ထို့အပြင် စက်တင်ဘာလ ၇ ရက်နေ့မှစတင်ကာ ရက်အကန့်အသတ်မရှိ အလုပ်ပိတ်ရက်အဖြစ် သတ်မှတ်ကြောင်း နှင့် အလုပ်ဆင်းရန် မလိုအပ်ကြောင်း NUG ပြည်ထောင်စုဝန်ကြီးချုပ် မန်းဝင်းခိုင်သန်းကလည်း ထုတ်ပြန်ကြေညာခဲ့သည်။

အမျိုးသားညီညွတ်ရေးအစိုးရကပြည်သူ့ခုခံတွန်းလှန်စစ်စတင်ကြောင်းကြေညာပြီးသည်နှင့်တစ်ပြိုင်နက်မြန်မာနိုင်ငံတစ်ဝန်းစစ်ရေးလှုပ်ရှားမှုများအရှိန်အဟုန်မြင့်မားလာသည်။ ^{[၁၄][၁၅]}

အစိုးရအဖွဲ့

ခေါင်းဆောင်များ

စဉ်	ရာထူး	အမည်	ဂုဏ်ဒြပ်	တာဝန်သက်တမ်း			နိုင်ငံရေးပါတီ	ရင်းမြစ်
				စတင်	ပြီးဆုံး	ရက်ပေါင်း
၁။	နိုင်ငံတော်သမ္မတ	ဦးဝင်းမြင့် (အကျဉ်းကျခံနေရ)	နိုင်ငံတော် အကြီးအကဲ	၁၆ ဧပြီ ၂၀၂၁	တာဝန်ထမ်းဆောင်ဆဲ	၄ နှစ်၊ ၁၀၁ ရက်	အမျိုးသားဒီမိုကရေစီအဖွဲ့ချုပ်	[၁၆]
၂။	နိုင်ငံတော်ဒုတိယသမ္မတ (ယာယီသမ္မတ)	ဒူဝါလရှီးလ	နိုင်ငံတော် ဒုတိယ အကြီးအကဲ	၁၆ ဧပြီ ၂၀၂၁	တာဝန်ထမ်းဆောင်ဆဲ	၄ နှစ်၊ ၁၀၁ ရက်	ကချင်အမျိုးသားများအတိုင်ပင်ခံအဖွဲ့ / Kachin Political Interim Coordination Team
၃။	နိုင်ငံတော်၏ အတိုင်ပင်ခံပုဂ္ဂိုလ်	ဒေါ်အောင်ဆန်းစုကြည် (အကျဉ်းကျခံနေရ)	အစိုးရအဖွဲ့ အကြီးအကဲ	၁၆ ဧပြီ ၂၀၂၁	တာဝန်ထမ်းဆောင်ဆဲ	၄ နှစ်၊ ၁၀၁ ရက်	အမျိုးသားဒီမိုကရေစီအဖွဲ့ချုပ်
၄။	ပြည်ထောင်စု ဝန်ကြီးချုပ်	မန်းဝင်းခိုင်သန်း	အစိုးရအဖွဲ့ ဒုတိယအကြီးအကဲ	၁၆ ဧပြီ ၂၀၂၁	တာဝန်ထမ်းဆောင်ဆဲ	၄ နှစ်၊ ၁၀၁ ရက်	အမျိုးသားဒီမိုကရေစီအဖွဲ့ချုပ်

ပြည်ထောင်စုဝန်ကြီးများ

စဉ်	ဝန်ကြီးဌာန	အမည်	သက်တမ်း
			စတင်	ကုန်ဆုံး	သက်တမ်း
၁။	ကာကွယ်ရေးဝန်ကြီးဌာန	ဦးရည်မွန်	၁၆ ဧပြီ ၂၀၂၁	လက်ရှိ	၄ နှစ်၊ ၁၀၁ ရက်
၂။	ကျန်းမာရေးဝန်ကြီးဌာန	ဒေါက်တာဇော်ဝေစိုး
၃။	စီမံကိန်း၊ ဘဏ္ဍာရေးနှင့် ရင်းနှီးမြှုပ်နှံမှု ဝန်ကြီးဌာန	ဦးတင်ထွန်းနိုင်
၄။	နိုင်ငံခြားရေးဝန်ကြီးဌာန	ဒေါ်ဇင်မာအောင်
၅။	ပညာရေးဝန်ကြီးဌာန	ဒေါက်တာဇော်ဝေစိုး
၆။	ပြည်ထဲရေးနှင့် လူဝင်မှုကြီးကြပ်ရေးဝန်ကြီးဌာန	ဦးလွင်ကိုလတ်
၇။	ဖက်ဒရယ်ပြည်ထောင်စုရေးရာ ဝန်ကြီးဌာန	ဒေါက်တာလျန်မှုန်းဆာခေါင်း
၈။	လူသားချင်းစာနာထောက်ထားရေးနှင့် ဘေးအန္တရာယ်ဆိုင်ရာ စီမံခန့်ခွဲရေး ဝန်ကြီးဌာန	ဒေါက်တာဝင်းမြတ်အေး
၉။	လူ့အခွင့်အရေးဆိုင်ရာ ဝန်ကြီးဌာန	ဦးအောင်မျိုးမင်း	၃ မေ ၂၀၂၁
၁၀။	သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာန	ဒေါက်တာတူးခေါင်
၁၁။	အပြည်ပြည်ဆိုင်ရာ ပူးပေါင်းဆောင်ရွက်ရေးဝန်ကြီးဌာန	ဒေါက်တာဆာဆာ
၁၂။	အမျိုးသမီး၊ လူငယ်နှင့် ကလေးသူငယ်ရေးရာ ဝန်ကြီးဌာန	နော်ဆူဇန်နာလှလှစိုး
၁၃။	အလုပ်သမား ဝန်ကြီးဌာန	နိုင်ထွန်းဖေ (ခ) နိုင်သုဝဏ္ဏ	၃ မေ ၂၀၂၁
၁၄။	တရားရေး ဝန်ကြီးဌာန	ဦးသိန်းဦး
၁၅။	ဆက်သွယ်ရေး၊ သတင်းအချက်အလက်နှင့် နည်းပညာဝန်ကြီးဌာန	ဦးထင်လင်းအောင်
၁၆။	လျှပ်စစ်နှင့် စွမ်းအင်ဝန်ကြီးဌာန	ဦးစိုးသူရထွန်း
၁၇။	စီးပွားရေးနှင့် ကူးသန်းရောင်းဝယ်ရေးဝန်ကြီးဌာန	ဒေါ်ခင်မမမျိုး	၂၅ ဩဂုတ် ၂၀၂၁	လက်ရှိ

ဒုတိယဝန်ကြီးများ

				တာဝန်ထမ်းတောင်သည့်ကာလ
စဉ်	ဝန်ကြီးဌာန	အမည်	နိုင်ငံရေးပါတီ	စတင်	ကုန်ဆုံး	သက်တမ်း
၁။	ကာကွယ်ရေးဝန်ကြီးဌာန	နိုင်ကောင်းရွက်	မွန်ပြည်သစ်ပါတီ
၂။	ကျန်းမာရေးဝန်ကြီးဌာန	ဒေါက်တာရွှေပုံ	အမျိုးသားဒီမိုကရေစီအဖွဲ့ချုပ်
၃။	စီမံကိန်း၊ ဘဏ္ဍာရေးနှင့် ရင်းနှီးမြှုပ်နှံမှု ဝန်ကြီးဌာန	ဦးမင်းဇေယျာဦး	မွန်ညီညွတ်ရေးပါတီဝင်ဟောင်း
၄။	နိုင်ငံခြားရေးဝန်ကြီးဌာန	ဦးမိုးဇော်ဦး	အမျိုးသားဒီမိုကရေစီအဖွဲ့ချုပ်
၅။	ပညာရေးဝန်ကြီးဌာန	ဂျာထွယ်ပန်	Kachin Political Interim Coordination Team
		ဒေါက်တာစိုင်းခိုင်မျိုးထွန်း	တစ်သီးပုဂ္ဂလ	၃ မေ ၂၀၂၁
၆။	ပြည်ထဲရေးနှင့် လူဝင်မှုကြီးကြပ်ရေးဝန်ကြီးဌာန	ခူထဲဘူး	ကရင်နီအမျိုးသားတိုးတက်ရေးပါတီ
၇။	ဖက်ဒရယ်ပြည်ထောင်စုရေးရာ ဝန်ကြီးဌာန	ဦးချစ်ထွန်း	ကရင်နီလူမျိုးပေါင်းစုံ ပြည်သူ့လွတ်မြောက်ရေးတပ်ဦး
		မိုင်းဝင်းထူး	တအောင်း(ပလောင်)အမျိုးသားပါတီ
၈။	လူသားချင်းစာနာထောက်ထားရေးနှင့် ဘေးအန္တရာယ်ဆိုင်ရာ စီမံခန့်ခွဲရေး ဝန်ကြီးဌာန	ဒေါက်တာငိုင်းတမ်မောင်း
၉။	လူ့အခွင့်အရေးဆိုင်ရာ ဝန်ကြီးဌာန	ဦးအောင်ကျော်မိုး		၃၀ ဇွန် ၂၀၂၃	လက်ရှိ	၂ နှစ်၊ ၂၆ ရက်
၁၀။	သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာန	ခွန်စောဖူး	ကယန်း အမျိုးသားပါတီ
၁၁။	အပြည်ပြည်ဆိုင်ရာ ပူးပေါင်းဆောင်ရွက်ရေး ဝန်ကြီးဌာန	ဒေးဗစ်ဂွမ်အောင်
၁၂။	အမျိုးသမီး၊ လူငယ်နှင့် ကလေးသူငယ်ရေးရာ ဝန်ကြီးဌာန	ဒေါ်အိသဉ္ဖာမောင်	လူ့ဘောင်သစ်ဒီမိုကရက်တစ် ပါတီဝင်ဟောင်း
၁၃။	အလုပ်သမား ဝန်ကြီးဌာန	ဦးကျော်နီ (ခ) ဦးကျော်ကျော်	ဗမာနိုင်ငံလုံးဆိုင်ရာအလုပ်သမား သမဂ္ဂများအဖွဲ့ချုပ်	၃ မေ ၂၀၂၁	လက်ရှိ
၁၄။	လျှပ်စစ်နှင့် စွမ်းအင်ဝန်ကြီးဌာန	လဖိုင်မော်ထွန်းအောင်	ရှမ်းတိုင်းရင်းသားများ ဒီမိုကရေစီအဖွဲ့ချုပ်

နိုင်ငံတကာ ကိုယ်စားလှယ်ရုံးများ

စဉ်	နိုင်ငံများ	ကိုယ်စားလှယ်အမည်	ဖွင့်လှစ်သည့်ရက်စွဲ	ရင်းမြစ်
၁။	ဩစတြေးလျ	ဒေါက်တာထွန်းအောင်ရွှေ	ဩဂုတ် ၃၊ ၂၀၂၂; ၂ နှစ် အကြာက (၂၀၂၂-၀၈-03)	[၁၇]
၂။	ချက်သမ္မတနိုင်ငံ	ဦးလင်းသန့်	အောက်တိုဘာ ၂၇၊ ၂၀၂၁; ၃ နှစ် အကြာက (၂၀၂၁-၁၀-27)	[၁၈]
၃။	ပြင်သစ်	နန်းဆုမွန်အောင်	မတ် ၂၂၊ ၂၀၂၂; ၃ နှစ် အကြာက (၂၀၂၂-၀၃-22)	[၁၉]
၄။	ဂျပန်	စောဘလှသိန်း	ဇူလိုင် ၃၁၊ ၂၀၂၂; ၂ နှစ် အကြာက (၂၀၂၂-၀၇-31)	[၂၀]
၅။	ယူနိုက်တက်ကင်းဒမ်း	ဦးမောင်မောင်အောင် ဒေါက်တာသက်ကိုကို
၆။	နော်ဝေ	ဒေါက်တာမောင်မောင်မြင့်	ဒီဇင်ဘာ ၈၊ ၂၀၂၁; ၃ နှစ် အကြာက (၂၀၂၁-၁၂-08)
၇။	တောင်ကိုရီးယား	ဦးရန်နိုင်ထွန်း
၈။	ဝါရှင်တန်ဒီစီ	ဦးမိုးဇော်ဦး	နိုဝင်ဘာ ၁၈၊ ၂၀၂၂; ၂ နှစ် အကြာက (၂၀၂၂-၁၁-18)	[၂၁]

ဝေဖန်မှုများ

၂၀၂၅ ခုနှစ်၊ ဇူလိုင် ၇ ရက်တွင် “မဖြစ်မနေ ပြင်ဆင်ပြောင်းလဲဖို့ လိုအပ်နေပြီဖြစ်တဲ့ NUG အစိုးရ” ဆိုတဲ့ ခေါင်းစဉ်ဖြင့် မန္တလေးသပိတ်ခေါင်းဆောင် ဒေါက်တာတေဇာဆန်းက “ပြည်သူ့နွေဦးတော်လှန်ရေးကို ခရီးဆုံးပန်းတိုင်အထိ ရောက်ရှိအောင် ဦးဆောင်နိုင်ရန် လက်ရှိ NUG အစိုးရသည် ခေါင်းဆောင်မှုစွမ်းရည် လုံလောက်မှုမရှိသေးသောကြောင့် အချိန်မီ မဖြစ်မနေ ပြင်ဆင်ပြောင်းလဲမှုများ ပြုလုပ်ရန် လိုအပ်နေပြီဖြစ်သည်။” ဟု ရေးသားထောက်ပြသည်။​^[၂၂]

အဓိက ဖြစ်ရပ်များ

၂၀၂၅

• ၁၆ မေ - ပြည်ထောင်စုလွှတ်တော်ကိုယ်စားပြုကော်မတီက ပါမောက္ခဒေါက်တာ ခင်မောင်လွင်အား အမျိုးသားညီညွတ်ရေးအစိုးရ၊ ကျန်းမာရေးဝန်ကြီးဌာ၏ ဒုတိယဝန်ကြီး အဖြစ် ခန့်အပ်ခဲ့သည်။

• ၁၅ ဇူလိုင် - အမျိုးသားညီညွတ်ရေးအစိုးရ(NUG)၏ ဝန်ကြီးနှင့် ဒုဝန်ကြီး ၁၈ ဦးသည် မြန်မာပြည် မြောက်ပိုင်း နှင့် တောင်ပိုင်းရှိ တော်လှန်ရေးနယ်မြေများတွင် တာဝန်ထမ်းဆောင်နေကြောင်း NUG ၏ လျှပ်စစ်နှင့်စွမ်းအင်ဝန်ကြီးဌာန အမြဲ တမ်းအတွင်းဝန် ဦးထက်နိုင်ဦးက မဇ္ဈိမကို ပြောသည်။^[၂၃]
• ၁၆ ဇူလိုင် - ကက်သလစ် ဘာသာဝင် ဖာသာဒေါ်နယ်မာတင်ကို သတ်ဖြတ်ခဲ့သည့် ဒေသခံကာကွယ်ရေးအဖွဲ့ဝင် ၈ ဦးကို အမျိုးသားညီညွတ်ရေးအစိုးရ (NUG) ၏ စစ်ခုံရုံးက အလုပ်ကြမ်းနှင့် ထောင်ဒဏ် နှစ် ၂၀ ချမှတ်လိုက်သည်။^[၂၄]

အခြားဖတ်ရန်

• ပြည်ထောင်စုလွှတ်တော် ကိုယ်စားပြုကော်မတီ
• ပြည်သူ့ကာကွယ်ရေးတပ်မတော်