பாட்டாளி மக்கள் கட்சி

பாட்டாளி மக்கள் கட்சி (Pattali Makkal Katchi, பா.ம.க) என்பது தமிழ்நாடு மற்றும் புதுச்சேரியில் உள்ள முக்கிய அரசியல் கட்சிகளில் ஒன்றாகும். இக்கட்சியை 1989களில், மருத்துவர் ராமதாஸ் தொடங்கினார். வன்னியர் சமூக மக்களின் முன்னேற்றத்திற்காக தொடங்கப்பட்ட வன்னியர் சங்கமானது, பின்னாளில் பாட்டாளி மக்கள் கட்சி என்னும் அரசியல் கட்சியாக மாறியது. இந்த கட்சியின் சின்னமாக 90-களில் 'யானை' சின்னமும், தற்போழுது 'மாம்பழம்' ஆகும்.

பாட்டாளி மக்கள் கட்சி
சுருக்கக்குறி	பாமக
தலைவர்	ச. இராமதாசு
நிறுவனர்	ச. இராமதாசு
பொதுச் செயலாளர்	வடிவேல் இராவணன்
தொடக்கம்	16 சூலை 1989 (35 ஆண்டுகள் முன்னர்) (1989-07-16)
தலைமையகம்	தைலாபுரம், திண்டிவனம், விழுப்புரம் மாவட்டம், சென்னை - 604001, தமிழ்நாடு
மாணவர் அமைப்பு	பாமக மாணவர் அணி
இளைஞர் அமைப்பு	பாமக இளைஞர் அணி
தொழிலாளர் அமைப்பு	பாட்டாளி தொழிற்சங்கம்
கொள்கை	சமூகநீதி, சனநாயகம், சமத்துவம், மனித நேயம்
நிறங்கள்	நீலம்   மஞ்சள்   சிவப்பு
இ.தே.ஆ நிலை	மாநிலக் கட்சி[1]
கூட்டணி	தேசிய ஜனநாயகக் கூட்டணி (1998-2004, 2014 – தற்போது வரை) ஐக்கிய முற்போக்குக் கூட்டணி (2004-2009, 2011-13) ஐக்கிய தேசிய முற்போக்குக் கூட்டணி (2009-2010)
மக்களவை உறுப்பினர்கள் எண்.,	0 / 543
மாநிலங்களவை உறுப்பினர்கள் எண்.,	1 / 245
சட்டமன்ற உறுப்பினர்கள் எண்., (தமிழ்நாடு சட்டப் பேரவை)	5 / 234
தேர்தல் சின்னம்
இணையதளம்
pmkofficial.com
இந்தியா அரசியல்

இதுவரை இக்கட்சி தமிழ்நாடு சட்டமன்றத்திலும், இந்திய நாடாளுமன்றத்திலும் இடம் பெற்றுள்ளது. இந்தியாவை ஆட்சி செய்த பாரதிய ஜனதா கட்சி தலைமையிலான தேசிய ஜனநாயக கூட்டணியில் இடம் பெற்றிருந்தது.

சனநாயக முற்போக்கு கூட்டணியில் மார்ச் 26, 2009 வரை இருந்தது.^[2] 14வது மக்களவையில் 6 தொகுதிகளில் வெற்றி பெற்றது. இரா. வேலு இரயில்வே இணை அமைச்சராக இருந்தார். இந்திய மேலவைக்கு தேர்ந்தெடுக்கப்பட்ட அன்புமணி ராமதாஸ் சுகாதாரம் மற்றும் குடும்ப நலத்துறை அமைச்சராக இருந்தார்.

சூலை 29, 2010 ஆணையில் இந்திய தேர்தல் ஆணையம் மாநில கட்சிக்கான விதிகளை புதுச்சேரி பாமக பெறாததால் அங்கு பாமக-விற்கான மாநில கட்சி என்ற உரிமையை பறித்துள்ளது. ஆனால் இக்கட்சி சின்னத்தை (மாம்பழம்) இன்னும் ஆறு ஆண்டுகளுக்கு பயன்படுத்தலாம் என கூறியுள்ளது.^[3][4]

தமிழகத்தின் 2006 ஆம் ஆண்டு நடைபெற்ற 13வது சட்டமன்றத்தில் 18 உறுப்பினர்களை கொண்டு இருந்தது. 2011 ஆம் ஆண்டில் நடைபெற்ற சட்டமன்றத் தேர்தலில் திமுக கூட்டணியில் இணைந்து 30 தொகுதிகளில் போட்டியிட்டதில் 3 தொகுதிகளில் வெற்றிபெற்றது.

15வது மக்களவைக்கான தேர்தலில் அதிமுகவுடன் கூட்டணி வைத்த பாமக 7 தொகுதிகளில் போட்டியிட்டது.^[5][6] ஆனால் போட்டியிட்ட அனைத்து தொகுதியிலும் தோல்வியடைந்தது.

பின்னர் 2021 ஆம் ஆண்டு நடந்த சட்டமன்றத் தேர்தலில், அதிமுகவுடன் கூட்டணி வைத்து 23 தொகுதிகளில் போட்டியிட்டு, 5 தொகுதிகளில் வெற்றிபெற்றது மற்றும் 3.80% சதவீத வாக்குகளை பெற்றது.^[7]

சின்னம்

இக்கட்சி ஆரம்பத்தில் யானை சின்னத்தில் போட்டியிட்டு வந்தது. பகுசன் சமாச் கட்சிக்கு தேசிய அரசியல் கட்சி என்று 1997இல் தகுதி உயர்த்தப்பட்டதாலும் யானை சின்னத்தை அது நாடு முழுக்க பயன்படுத்தியதாலும் யானை சின்னம் அதற்கு ஒதுக்கப்பட்டது.^[8] பாமக தமிழ்நாடு மாநில அரசியல் கட்சி என்ற தகுதியை இழந்ததால் அதன் யானை சின்னம் பறிக்கப்பட்டது. ஆனால் புதுச்சேரியில் தகுதி இழக்காததால், அங்கு யானை சின்னத்தை பயன்படுத்திக்கொள்ள தேர்தல் ஆணையம் இசைந்தது.

1998இல் இக்கட்சிக்கு மாம்பழம் சின்னம் ஒதுக்கப்பட்டது.^[9] அன்றிலிருந்து மாம்பழம் சின்னத்திலேயே போட்டியிட்டு வருகிறது. விதிகளின் படி மாநில அரசியல் கட்சி என்ற தகுதியை தேர்தல் ஆணையம் பறித்து விட்டாலும், 2016 சட்டமன்ற தேர்தலில் மாம்பழம் சின்னத்தில் போட்டியிட இக்கட்சிக்கு அனுமதி வழங்கியது.

தலைவர்

1. பேராசிரியர் தீரன்
2. எடப்பாடி கணேசன்
3. கோ. க. மணி (1998 முதல் 2022 வரை) ^[10]
4. அன்புமணி இராமதாசு (28 மே 2022 - 11 ஏப்ரல் 2025 வரை)
5. ச. இராமதாசு (11 ஏப்ரல் 2025 - தற்போது வரை)

பொதுச் செயலாளர்

1. தலித் எழில்மலை
2. வடிவேல் இராவணன்

முக்கியத் தலைவர்கள்

• ச. இராமதாசு - பாமக நிறுவனர் மற்றும் மாநிலத் தலைவர்
• அன்புமணி ராமதாஸ் - பாமக மாநில செயல் தலைவர்
• வடிவேல் இராவணன் - பாமக மாநிலப் பொதுச்செயலாளர்
• திலகபாமா - பாமக மாநிலப் பொருளாளர்
• கோ. க. மணி - முன்னாள் மாநிலத் தலைவர்
• என். டி. சண்முகம் - முன்னாள் உணவு பதப்படுத்தும் தொழில்துறை அமைச்சர்
• ஏ. கே. மூர்த்தி - பாமக துணைப் பொதுச்செயலாளர், முன்னாள் நாடாளுமன்ற உறுப்பினர் மற்றும் மத்திய இரயில்வே துறை இணை அமைச்சர்
• அர. வேலு - முன்னாள் நாடாளுமன்ற உறுப்பினர் மற்றும் முன்னாள் இரயில்வே அமைச்சர்
• கோ. க. ம. தமிழ்க்குமரன் - பா.ம.க முன்னாள் இளைஞரணித் தலைவர்^[11]
• வழக்கறிஞர் கே. பாலு - பாமக பேச்சாளர்

தேர்தல் வரலாறு

தமிழ்நாடு

தமிழ்நாடு சட்டமன்றத் தேர்தல்

ஆண்டு	தேர்தல்	மொத்த வாக்குகள்	வென்ற தொகுதிகள்	மாற்றம்	கூட்டணி	முடிவு
1991	10ஆவது சட்டமன்றம்	1,45,982	1 / 194	1		எதிரணி
1996	11ஆவது சட்டமன்றம்	10,42,333	4 / 116	3	பாமக+திவாரி	எதிரணி
2001	12ஆவது சட்டமன்றம்	15,57,500	20 / 27	16	அதிமுக+	அரசு
2006	13ஆவது சட்டமன்றம்	18,63,749	18 / 31	▼ 2	திமுக +	அரசு
2011	14ஆவது சட்டமன்றம்	19,27,783	3 / 30	▼ 15	திமுக +	எதிரணி
2016	15ஆவது சட்டமன்றம்	23,00,775	0 / 234	▼ 3		தோல்வி
2021	16ஆவது சட்டமன்றம்	17,56,796	5 / 234	5	அதிமுக+	எதிரணி

மக்களவைத் தேர்தல்

வருடம்	தேர்தல்	மொத்த வாக்குகள்	வென்ற தொகுதிகள்	மாற்றம்	கூட்டணி	முடிவு
1996	11ஆவது மக்களவை	5,52,118	0 / 15	▼15	பாமக + திவாரி காங்கிரசு	தோல்வி
1998	12ஆவது மக்களவை	15,48,976	4 / 5	4	தேசகூ	அரசு
1999	13ஆவது மக்களவை	22,36,821	5 / 7	1	தேசகூ	அரசு
2004	14ஆவது மக்களவை	19,27,367	5 / 5	மாற்றங்கள் இல்லை	மமுகூ	அரசு
2009	15ஆவது மக்களவை	19,44,619	0 / 6	▼5	ஐதேமுகூ	தோல்வி
2014	16ஆவது மக்களவை	18,04,812	1 / 8	1	தேசகூ	அரசு
2019	17ஆவது மக்களவை	22,97,431[12]	0 / 7	▼1	தேசகூ	அரசு

^{மமுகூ - மதச்சார்பற்ற முற்போக்குக் கூட்டணி தேசகூ - தேசிய சனநாயகக் கூட்டணி ஐதேமுகூ - ஐக்கிய தேசிய முற்போக்குக் கூட்டணி - பாமக-திவாரி காங்கிரசு முன்னணி}

புதுச்சேரி

வருடம்	பொதுத் தேர்தல்	கிடைத்த வாக்குகள்	வெற்றி பெற்ற தொகுதிகள்
1989	9வது மக்களவை	25,021	0
1991	8வது சட்டசபை	11,402	0
1991	10வது மக்களவை	13,375	0
1996	9வது சட்டசபை	11,544	1
1996	11வது மக்களவை	19,792	0
1999	13வது மக்களவை	1,40,920	0
2001	10வது சட்டசபை	36,788	0
2004	14வது மக்களவை	2,41,653	1
2006	11வது சட்டசபை	23,426	2
2009	15வது மக்களவை	2,08,619	0

மக்களவை உறுப்பினர்கள்

எண்	வருடம்	தேர்தல்	உறுப்பினர்	தொகுதி	வகித்த பதவி
1	1998	12ஆவது மக்களவை	தலித் எழில்மலை	சிதம்பரம்	சுகாதாரம் மற்றும் குடும்ப நலத்துறை அமைச்சர் (தனி பொறுப்பு), 1999
2	1998	12ஆவது மக்களவை	துரை	வந்தவாசி
3	1998	12ஆவது மக்களவை	கே. பாரிமோகன்	தருமபுரி
4	1998	12ஆவது மக்களவை	என். டி. சண்முகம்	வேலூர்
5	1999	13ஆவது மக்களவை	துரை	வந்தவாசி	2வது முறையாக மீண்டும் தேர்ந்தெடுக்கப்பட்டார்
6	1999	13ஆவது மக்களவை	பு. தா. இளங்கோவன்	தருமபுரி
7	1999	13ஆவது மக்களவை	ஏ. கே. மூர்த்தி	செங்கல்பட்டு	இரயில்வே துறை அமைச்சர் (சூலை 2002- 15 சனவரி, 2004)
8	1999	13ஆவது மக்களவை	இ. பொன்னுசாமி	சிதம்பரம்	பெட்ரோலியம் மற்றும் இயற்கை எரிவாயு அமைச்சர் (1999-2001)
9	1999	13ஆவது மக்களவை	என். டி. சண்முகம்	வேலூர்	2வது முறையாக மீண்டும் தேர்ந்தெடுக்கப்பட்டார் இணை அமைச்சர்கள் (தனி பொறுப்பு), சுகாதாரம் & குடும்ப நலத்துறை அமைச்சகம் (அக்டோபர் 1999 - மே 2000) இணை அமைச்சர்கள் (தனி பொறுப்பு), நிலக்கரி அமைச்சகம் (மே 2000 - பிப்ரவரி 2001) இணை அமைச்சர்கள் (தனி பொறுப்பு), உணவு பதப்படுத்தும் தொழில்கள் அமைச்சகம் (சூலை 2002 - சனவரி 2004)
10	2004	14ஆவது மக்களவை	கோ. தன்ராஜ்	திண்டிவனம்
11	2004	14ஆவது மக்களவை	ஏ. கே. மூர்த்தி	செங்கல்பட்டு	2வது முறையாக மீண்டும் தேர்ந்தெடுக்கப்பட்டார்
12	2004	14ஆவது மக்களவை	இ. பொன்னுசாமி	சிதம்பரம்	2வது முறையாக மீண்டும் தேர்ந்தெடுக்கப்பட்டார்
13	2004	14ஆவது மக்களவை	செந்தில் இராமன்	தருமபுரி
14	2004	14ஆவது மக்களவை	அர. வேலு	அரக்கோணம்	இரயில்வே துறை அமைச்சர் (2004) 29 மார்ச், 2009 அன்று இரயில்வே துறை அமைச்சர் பதவியை இராஜினாமா செய்தார்
15	2014	16ஆவது மக்களவை	அன்புமணி ராமதாஸ்	தருமபுரி

மாநிலங்களவை உறுப்பினர்கள்

வ.எண்	பெயர்	பதவி	ஆண்டு
1	அன்புமணி ராமதாஸ்	மாநிலங்களவை உறுப்பினர்	2004 - 2010
		சுகாதாரம் மற்றும் குடும்ப நலத்துறை அமைச்சர்	2004 - 2009
2		மாநிலங்களவை உறுப்பினர்	2019 - தற்போது வரை

ஒன்றிய அமைச்சரவையில் பங்கு

இரண்டாம் வாச்பாய் அரசு (19 மார்ச்சு - 12 அக்டோபர் 1999)

அமைச்சர்	அமைச்சர் பதவி	பதவிக் காலம்
தலித் எழில்மலை	சுகாதாரம் & குடும்ப நலம்	20 மார்ச் 1998 - 14 ஆகசுட்டு 1999

மூன்றாவது வாச்பாய் அரசு (13 அக்டோபர் 1999 - 22 மே 2004)

அமைச்சர்	அமைச்சர் பதவி	பதவிக் காலம்
என். டி. சண்முகம்	உணவு பதப்படுத்துதல்	1 யூலை 2002 - 15 சனவரி 2004
என். டி. சண்முகம்	சுகாதாரம் & குடும்ப நலம்	13 அக்டோபர் 1999 - 27 மே 2000
என். டி. சண்முகம்	சுற்றுச்சூழல் & காடு	13 அக்டோபர் 1999 - 21 திசம்பர் 2003
ஏ. கே. மூர்த்தி	தொடருந்து (ரயில்)	1 யூலை 2002 - 15 சனவரி 2004
எ. பொன்னுசாமி	பெட்ரோலியம் & இயற்கை எரிவாயு	13 அக்டோபர் 1999 - 7 பிப்ரவரி 2001

முதலாம் மன்மோகன் சிங் அமைச்சரவை (22 மே 2004 - 22 மே 2009)

அமைச்சர்	அமைச்சர் பதவி	பதவிக் காலம்
அன்புமணி	சுகாதாரம் & குடும்ப நலம்	23 மே 2004 - 29 மார்ச்சு 2009
அர. வேலு	தொடருந்து (ரயில்)	23 மே 2004 - 29 மார்ச்சு 2009

வன்னியர்களுக்கு இட ஒதுக்கீடு

இக்கட்சியின் நிறுவனர் மருத்துவர் இராமதாஸ் விடுத்த கோரிக்கையின் படி, அதிமுக தலைமையிலான தமிழ்நாடு அரசு, வன்னியர் சமூகத்தினருக்கு மிகவும் பிற்படுத்தப்பட்டோரில் உள் ஒதுக்கீடாக 10.5% வழங்கி சட்டம் இயற்றியும், அரசாணையும் வெளியிட்டது. தமிழ்நாடு அரசு, வன்னியர்களுக்கு 10.5% உள் இடஒதுக்கீடு செய்தது தவறு என்று கூறிய வழக்கில் இந்திய உச்ச நீதிமன்றம், 10.5% இடஒதுக்கீட்டிற்கு ஆதரவாக தீர்ப்பு வழங்கியது. எனவே திமுக தலைமையிலான தமிழ்நாடு அரசு, கல்வி மற்றும் வேலை வாய்ப்பில் வன்னியர்களுக்கு, 10.5% உள் ஒதுக்கீடு வழங்க அரசாணை வெளியிட்டது.^[13]

இவற்றையும் பார்க்கவும்

• மக்கள் தொலைக்காட்சி
• காமன்வீல் கட்சி
• தமிழ்நாடு உழைப்பாளர் கட்சி