From Wikipedia, the free encyclopedia
Island debuterte i Eurovision Song Contest i 1986 og har delteke 33 gongar. Sidan debuten har Island vore fråverande to gongar; i 1998 og i 2002. Island er det einaste av dei nordiske landa som ikkje har vunne Eurovision Song Contest, men har til gjengjeld to andreplassar. Island har kome på sisteplass to gongar: i 1989 og i 2001.[1] Island kvalifiserte seg ikkje til finalen i åra i 2015-2018, men lykkast å ta seg til finalen i 2019 med Hatari og «Hatrið mun sigra».
Island var det siste av dei vesteuropeiske landa til å debutere i Eurovision Song Contest, om ein ser vekk frå lilleputtstatane Andorra og San Marino. Islandsk rikskringkasting, RÚV, sendte riktignok tevlinga i opptak kvart år frå 1970, og direkte frå 1983. Grunnen til at Island kom så seint inn i Eurovision Song Contest, var på grunn av den geografiske plasseringa til Sagaøya - langt unna nettverket til Eurovisjonen og at dei var utan eit fast satelittsamband til Kontinentet.[2]
I byrjinga av 1980-talet kom imidlertid satelittsambandet på plass, og Island melde seg på Eurovision Song Contest 1986 i Bergen. Landet debuterte med trioen ICY og songen «Gleðibankinn». Island vart nr. 16 av 20 deltakande land, og to nye sekstandeplassar følgde dei to neste åra. I 1989 havna Island på sisteplass for fyrste gong, men året etter sikra Island sin fyrste topp fem-plassering, då duoen Stjórnin vart nummer fire med songen «Eitt lag enn».
Sidan 1990 har Island stort sett havna midt på, eller i nedre halvdel på resultatlista. Unntaka kom med andreplassane i 1999 og 2009; begge gongane vart Island slått av ein av sine nordiske naboar - høvesvis Sverige og Noreg. per 2020 er Island det einaste nordiske landet som ikkje har vunne Eurovision Song Contest.
Island har også havna på sisteplass tre gongar, to i finalen og ein gong i semifinalen. Fyrste gongen var i 1989, då fekk Island fekk null poeng. Ein ny sisteplass kom i 2001 - delt med Noreg. Sisteplassen gjorde at Island måtte stå over tevlinga i 2002. Etter innføringa av semifinalar i 2004, har Island kvalifisert seg til finalen ni av seksten gongar. I perioden 2015 til 2018 klarte ikkje Island å kvalifisere seg til finalen. I 2018 havna dei i tillegg på sisteplass i sin semifinale.
Island er eit av landa med flest deltakingar i Eurovision Song Contest utan ein siger. Berre Kypros med sine 36 deltakingar har fleire forsøk i tevlinga uten å ha vunne.[3]
Trass i storleiken til landet og sin beskjedne rolle i internasjonale konfliktar og situasjonar, har to islandske Eurovision-artistar skapt store kontroversar rundt tevlinga. Fyrste tilfelle var i Athen i 2006, då den islandske artisten, komikerkarakteren Silvía Nótt, vart møtt med kraftig buing frå det greske publikummet etter si opptreden i semifinalen. Bakgrunnen var at mange vart provosert over rolla ho spelte under intervjua og prøvane i dagane før tevlinga. Silvía Nótt skulle vere ei sjølvgod, overlegen diva som var overtydd om at ho kom til å vinne. Under ein pressekonferanse gjorde ho seg upopulær blant grekarane, då ho fekk livvaktene til å fjerne ein journalist for å ha «stirra ho i auga».[4] Journalisten viste seg å vere ein skodespelar, men det kom ikkje fram i dei lokale nyheitsreportasjane i Hellas. Nótt truga også med å banne under framføringa, men EBU åtvara ho mot stuntet. Under framsyninga i semifinalen, styra ho unna banneord, men ho kvalifiserte seg ikkje til finalen.[4][5]
Tretten år seinare, i Tel Aviv i 2019, gjorde det islandske bidraget seg nok ein gong upopulære blant det lokale publikummet i vertslandet. Island vart representert av den anti-kapitalistiske techno-metall-gruppa Hatari, som på førehand hadde truga med politiske stunt for å protestere mot Israel si okkupasjon av palestinske område. Blant anna utfordra gruppa statsminister Benjamin Netanyahu til brytekamp og kom med fleire politiske ytringar.[6] Tevlinga skal dere upolitisk, og arrangøren EBU åtvara Hatari om at dei hadde «nådd grensa om kva EBU kunne tolerere». Under røystegjevinga i finalen holdt gruppa opp bannere og skjerf med det palestinske flagget på, og vart møtt med kraftig buing og piping frå publikum. EBU varsla også at flaggstuntet ville «få konsekvensar».[7] Under avstemningen i finalen holdt bandet opp bannere og skjerf med det palestinske flagget på, og ble møtt med kraftig buing og piping fra publikum.[8] EBU varslet også at flaggstuntet ville «få konsekvenser».[9]
År | Artist | Song | Språk | Finale | Semifinale | ||
---|---|---|---|---|---|---|---|
Plass | Poeng | Plass | Poeng | ||||
1986 | ICY | «Gleðibankinn» | Islandsk | 16 | 19 | Ingen semifinalar | |
1987 | Halla Margrét | «Hægt og hljótt» | Islandsk | 16 | 28 | ||
1988 | Beathoven | «Þú og þeir (Sókrates)» | Islandsk | 16 | 20 | ||
1989 | Daníel Ágúst | «Það sem enginn sér» | Islandsk | 22 | 0 | ||
1990 | Stjórnin | «Eitt lag enn» | Islandsk | 4 | 124 | ||
1991 | Stefán og Eyfi | «Draumur um Nínu» | Islandsk | 15 | 26 | ||
1992 | Heart 2 Heart | «Nei eða já» | Islandsk | 7 | 80 | ||
1993 | Inga | «Þá veistu svarið» | Islandsk | 13 | 42 | Kvalifikacija za Millstreet | |
1994 | Sigga | «Nætur» | Islandsk | 12 | 49 | Ingen semifinalar | |
1995 | Bo Halldórsson | «Núna» | Islandsk | 15 | 31 | ||
1996 | Anna Mjöll | «Sjúbídú» | Islandsk | 13 | 51 | 10 | 49 |
1997 | Páll Óskar | «Minn hinsti dans» | Islandsk | 20 | 18 | Ingen semifinalar | |
1998 | Deltok ikkje | ||||||
1999 | Selma | «All Out Of Luck» | Engelsk | 2 | 146 | ||
2000 | August og Telma | «Tell Me!» | Engelsk | 12 | 45 | ||
2001 | Two Tricky | «Angel» | Engelsk | 22 | 3 | ||
2002 | Deltok ikkje | ||||||
2003 | Birgitta | «Open Your Heart» | Engelsk | 8 | 81 | ||
2004 | Jónsi | «Heaven» | Engelsk | 19 | 16 | Topp 11 året før | |
2005 | Selma | «If I Had Your Love» | Engelsk | Ikkje kvalifisert | 16 | 52 | |
2006 | Silvía Night | «Congratulations» | Engelsk | 13 | 62 | ||
2007 | Eiríkur Hauksson | «Valentine Lost» | Engelsk | 13 | 77 | ||
2008 | Eurobandið | «This Is My Life» | Engelsk | 14 | 64 | 8 | 68 |
2009 | Yohanna | «Is It True?» | Engelsk | 2 | 218 | 1 | 174 |
2010 | Hera Björk | «Je ne sais quoi» | Engelsk og fransk | 19 | 41 | 3 | 123 |
2011 | Sjonni's Friends | «Coming Home» | Engelsk | 20 | 61 | 4 | 100 |
2012 | Greta Salóme og Jónsi | «Never Forget» | Engelsk | 20 | 46 | 8 | 75 |
2013 | Eyþór Ingi Gunnlaugsson | «Ég á líf» | Islandsk | 17 | 47 | 6 | 72 |
2014 | Pollapönk | «No Prejudice» | Engelsk | 15 | 58 | 8 | 61 |
2015 | María Ólafsdóttir | «Unbroken» | Engelsk | Ikkje kvalifisert | 15 | 14 | |
2016 | Greta Salóme | «Hear Them Calling» | Engelsk | 14 | 51 | ||
2017 | Svala | «Paper» | Engelsk | 15 | 60 | ||
2018 | Ari Ólafsson | «Our Choice» | Engelsk | 19 | 15 | ||
2019 | Hatari | «Hatrið mun sigra» | Islandsk | 10 | 232 | 3 | 221 |
2020 | Daði og Gagnamagnið | «Think About Things» | Engelsk | Avlyst | |||
2021 | Daði og Gagnamagnið | «10 Years» | Engelsk | 4 | 378 | 2 | 288 |
2022 | Sigga, Beta og Elín | «Með hækkandi sól» | Islandsk | 23 | 20 | 10 | 103 |
2023 | Diljá | «Power» | Engelsk | Ikkje kvalifisert | 11 | 44 |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.