Рамейка

Рамейка (Румейка, Роміка, Рамыка, Ромік) — мужчынскае імя і вытворнае ад яго прозьвішча.

Rümecke
Паходжаньне
Мова(-ы)	германскія
Утворанае ад	Ruom + суфікс з элемэнтам -к- (-k-)
Іншыя формы
Варыянт(ы)	Румейка, Рамыка, Ромік
Зьвязаныя артыкулы
якія пачынаюцца з «Рамейка»

Паходжаньне

Асноўны артыкул: Імёны ліцьвінаў

Роміка або Руміка, пазьней Румэка, Ромэйк або Ромке (Hromiko, Hrumiko^[1], Rümecke^[2], Romeick^[3], Romke^[4], Ruhmke^[5], Romich^[6]) — імя германскага паходжаньня^[7]. Іменная аснова рум- (ром-) (імёны ліцьвінаў Румель, Румбольд, Рамвольт; германскія імёны Rummel, Rumbold, Romualt) паходзіць ад гоцкага *hrôms^[8], германскага hruom 'слава, славутасьць'^[9].

Этымалягічны слоўнік старапольскіх асабовых імёнаў, выдадзены Польскай акадэміяй навук, адзначае гістарычнае бытаваньне ў Польшчы германскага імя Rumko (Rumek)^[10].

У Прусіі адзначалася імя Romike / Romicke (1261 і 1263 гады)^[11][12]. Апроч таго, у Прусіі бытавалі прозьвішчы Rumeyko^[13] і Romeike (Romeyke)^[14][15][16].

Варыянты імя ў гістарычных крыніцах: Rege und Romeke (1299 год)^[17]; Romeyke (Паведамленьні аб літоўскіх дарогах)^[18]; des marschalks leitczman Roymeyke (15 чэрвеня 1409 году)^[19]; Jaginth cum germano Romeikowicz (6 сьнежня 1410 году)^[20]; панъ Ромейко (17 кастрычніка 1437 году)^[21]; у во Рши. Митъку Ромеиковичу, ршанину, землица на Рши пустая… Митъку Ромеиковичу три чоловеки^[22], Онъдрушку Ромеиковичу две семъи… Ондрушку Ромеиковичу две семи^[23], Ромеиково Боборютевича местъцо, сельцо, Яцку Чортовичу, занюж самъ Ромеико збеглъ^[24] (1440—1492 гады); люди: Медокинъ, Дирметъ, Ромейко Круповичи, Радуньское волости (1444 год)^[25]; у Клецку. Ромеиково, Борютевич место (9 лістапада 1449 году)^[26]; бояромъ витебъскимъ… Рамеиковичомъ (1480 год)^[27]; а Нацко Ромеикович (1486 год)^[28]; hominibus… Romyk (15 жніўня 1489 году)^[29]; homines… Lvborth Romeykovicz (27 сакавіка 1507 году)^[30]; в Новгородскомъ повете… земль пустовских… Ромеиковщину… Ядиминовщину, а Ядовкговщину и Сомиловщину, а Явилтовщину (14 чэрвеня 1514 году)^[31]; в Дорсунишском повете шестьдесят чоловеков… а Ромеика Мацковича (26 студзеня 1516 году)^[32]; в людеи наших городеньских на имя в Яна Ромеиковича а Богдана Любеиковича землю их Любеиковщину (28 ліпеня 1525 году)^[33]; Пашко Ромеиковичъ самъ. Михалко Ромеикович сам… Дашко Ромеикович^[34], Ромеико Яновичъ^[35], Ромеико Юновичъ^[36], Михно Ромеиковичъ^[37] (1528 год); Богушъ Ромеиковичъ, намесникъ смоллянъскии (5 лютага 1539 году)^[38]; на боярына господаръского повету Витебъкого Богуша Митинича Ромеиковича (11 траўня 1539 году)^[39]; Вирбут Ромеикович (1 ліпеня 1542 году)^[40]; siolo Rumieiki… siolo Rumieyki… siola Rumieykow (1558 год)^[41]; Rumiejko… Romiejko (1565 год)^[42]; Ромеиков Петра а Мацка (каля 1566 году)^[43]; Rumeyki… Rumieyki… Romieyki (1744 год)^[44]; Jan Romiko (1769 год)^[45]; wioska Rumeyki^[46], Parafia Juchnowiec… Rumeyki… do wioski Rumeyki^[47] (1784 год); Tadeusz Romyko… Klemens Romyko (9 лютага 1785 году)^[48]; Anna Rumejko (1802 год)^[49]; Romejko Anastazija (10 траўня 1906 году)^[50].

Носьбіты

• Міцька Рамейкавіч — літоўскі баярын з Воршы, які атрымаў наданьні ад вялікага князя Казімера
• Андрушка Рамейкавіч — літоўскі баярын, які атрымаў наданьні ад вялікага князя Казімера
• Пашка, Міхалка і Дашка Рамейкавічы — наваградзкія баяры, якія ўпамінаюцца ў попісе войска Вялікага Княства Літоўскага 1528 году
• Рамейка Янавіч — лейпунскі баярын, які ўпамінаецца ў попісе войска ВКЛ 1528 году
• Рамейка Юнавіч — бірштанскі баярын, які ўпамінаецца ў попісе войска ВКЛ 1528 году
• Міхна Рамейкавіч — троцкі баярын, які ўпамінаецца ў попісе войска ВКЛ 1528 году
• Рамейка Пятровіч — жыхар Жамойцкага староства, які ўпамінаецца ў 1537—1538 гадох^[51]
• Пётар і Мацька Рамейкі — наваградзкія баяры, якія ўпамінаюцца каля 1566 году

Рамэйкі (Romejko) — прыгонныя зь вёсак Стаскелаў, Скарпоўцаў, Рамэйкаў, ваколіцаў Сьвянцянаў і Старых Трокаў, фальварку Панямуньня (Троцкі павет), якія ўпамінаюцца ў XIX стагодзьдзі^[52].

Рамейкі — літоўскі шляхецкі род^[53].

Друцкія-Саколінскія-Гуркі-Рамейкі — літоўскі княскі род^[54].

Рамэйковічы (Romejkowicz) — літоўскі шляхецкі род зь Віцебскага ваяводзтва^[55].

Рамэйка (Romejko) і Румейка (Rumiejko) — прозьвішчы, зафіксаваныя ў XIX стагодзьдзі ў ваколіцах Сувалкаў^[56].

На гістарычнай Ашмяншчыне існуе вёска Рамейкішкі. Назву Рамейкі маюць вёскі на гістарычных Ашмяншчыне і Наваградчыне, назву Рамэйкі — на гістарычных Ашмяншчыне і Гарадзеншчыне, а таксама ў ваколіцах Уладзімерцу (упамінаецца ў 1609 годзе)^[57].