Войштаўт

Войштаўт, Вештаўт (Выштальд, Вішталд, Вішталт) — мужчынскае імя і вытворнае ад яго прозьвішча.

Westwalt
Паходжаньне
Мова(-ы)	германскія
Утворанае ад	West + Walt Woysch + Taut
Іншыя формы
Варыянт(ы)	Вештаўт, Выштальд, Вішталд, Вішталт, Вэствэльт
Зьвязаныя артыкулы
якія пачынаюцца з «Войштаўт»

Паходжаньне

Асноўны артыкул: Імёны ліцьвінаў

Вэст (West) і Валда або Валт (Waldo, Walt) — імёны германскага паходжаньня^[1][2]. Іменная аснова -віст- (-вест-) (імёны ліцьвінаў Вістэла, Вештар, Вештарт; германскія імёны Wistila, Vestarr, Westhard) паходзіць ад гоцкага *wist^[3], германскага west 'захад'^[4], а аснова -валд- (-алд, -олт) (імёны ліцьвінаў Геральт, Левалт, Рамвольт; германскія імёны Gerwald, Lewolt, Romuald) — ад гоцкага і германскага waldan 'валодаць, гаспадарыць' або wulþus 'слава, мажнасьць'^[5]. У Польшчы адзначалася германскае імя Westwalt (1444 год)^[6][a], у гістарычным гоцкім арэале адзначалася імя Vistaldo (1528 год)^[7].

Паводле менскага дасьледніка Алёхны Дайліды, які разьвівае ўсходнегерманскую этымалёгію імёнаў літоўскіх князёў і баяраў, імя Войштаўт складаецца з асноваў -войш- (імёны ліцьвінаў Вайшыла, Войшымунд, Войсяд; германскія імёны Vuisilo, Vuisimundo, Vuisadus), якая паходзіць ад гоцкага і бургундзкага waiþs 'паляваньне', гоцкага waiþja 'паляўнічы'^[8], і -тэўд- (-дэўт-, -тыд-) (імёны ліцьвінаў Таўтвід, Таўтывіл, Таўтгерд; германскія імёны Teutwidis, Theudowills, Teutgerdis), якая паходзіць ад гоцкага þiuda^[9], германскага þeudo^[10] 'род, народ'^[11]. Такім парадкам, імя Войштаўт азначае «род паляўнічых»^[12]. Адзначалася старажытнае германскае імя Teudois (Teud-ois)^[13].

У Прусіі бытавала імя Waystauthe (1309 год)^[14].

Варыянты імя ў гістарычных крыніцах: земля под Воиштовтомъ и под братомъ его Корюшомъ^[15], земля Пупишки под Воиштовтомъ а под братомъ его Корюшомъ^[16], чотыри чоловеки… Воиштовта^[17] (1440—1492 гады); Войштовтъ… Радуньцы (1444 год)^[18]; в бояр, у Воиштовтовича (1 жніўня 1496 году)^[19]; над рекою Ошменскою подле двора Янова Воиштовтовича (6 ліпеня 1499 году)^[20]; люди Высокодворское волости… Воиштовта Доинаровича (9 верасьня 1511 году)^[21]; Якубъ Воиштовътовичъ (1528 год)^[22]; Вештовътъ Можвилович (1538 год)^[23]; листъ Петра Вештолтовича (3 траўня 1587 году)^[24]; od Jana i Mikołaja Wisztołtów… Jerzy Wisztołt (1667 год)^[25]; Stanisław Wisztołt (1690 год)^[26]; Ian Ierzy Wysztold Podchorąży Zmudzki (1697 год)^[27]; cum Marianna Wisztowtowna Nobiles (сакавік 1709 году)^[28]; Wisztołd (1733 год)^[29]; Antoni Westwelt (1857 год)^[30].

Носьбіты

• Войштаўт — літоўскі баярын, які ўпамінаецца ў наданьнях вялікага князя Казімера
• Якуб Войштаўтавіч — высакадворскі баярын, які ўпамінаецца ў попісе войска Вялікага Княства Літоўскага 1528 году
• Сэбастыян Мікалаевіч Вішталт (Віштальт) — расенскі зямянін, які ўпамінаецца ў 1593—1595 гадох^[31]
• Юры Вішталд (Jerzy Wisztołd) — дзяржаўны дзяяч Вялікага Княства Літоўскага, крайчы полацкі ў 1753 годзе^[32]

Глядзіце таксама

• Вест
• Валд
• Войша
• Тэўта

Заўвагі

1. У старажытным германскім іменаслове фіксуюцца тры іншыя спалучэньні назваў кірункаў сьвету з асновай -валд-: Sundolt (у ліцьвінаў Сундаўт), Nortold (Нартаўт) і Astald (Яштоўт)