上海历史

上海歷史最早可以追溯到距今6000餘年前個馬家浜搭澤文化。到泰伯奔吳搭周天子分封后，此地被納入中原版圖。隨後個上海，由於氣候溫潤、瀕臨大海，遂逐漸發展成為鹽業個產區之一。東吳立國後，境內發展愈速。到唐宋時期，境內勒行政區劃高頭有了長足進展，出現了獨立個縣治華亭縣。上海作為行政區域名稱也出現勒箇一時期。入元後，華亭縣升格為松江府，上海鎮升級為上海縣。明代，隨著上海地區棉紡技術個改進，松江府成為全國主要個棉布生產地而被譽為「衣被天下」。黃浦江成為上海地區最大河流也形成於明代。清末，由於第一次鴉片戰爭個失利，上海成為最早開放個通商口岸之一，也由此開啟現代化個進程。至1920年代，上海成為遠東首屈一指個國際都會。到1945年以後，內戰導致鈔票急速貶值弗值銅鈿，上海流出150萬難民，弗少人擁去香港。後些來中共執政，上海變成功一座工業城市。1978年改革開放後，上海又重新發展，成為中國對外展示個重要窗口之一。

上古時期

上海陸地形成於地質史個近期。6000多年前，上海市域內只有西部個青浦、松江、金山三地基本成陸。箇些陸域都屬於古太湖淤淺後形成個湖沼（特別是青浦、松江一帶）搭湖濱平原。從箇辰光一直到中原個西周時代中後期，期間個陸地都形成得非常緩慢，距今3000年前，嘉定、閔行、奉賢三地個西部大部或局部形成。此時，包括市中心區在內其他區域仍處勒海平面之下。

史前時期主要依靠考古發掘來了解當時個人類生活搭文明發展。根據乃朝有個考古成果，上海最早個文明是馬家浜文化（距今6000年）。接著是崧澤文化（據今5500年），2004年春季個青浦澤文化墓葬考古發掘中^[1]，發現了上海最早個人類遺骸。然後是良渚文化（距今4200年），渠個晚期已經相當發達，以玉器最為著名。馬家浜-澤-良渚文化，有著傳承個關係。良渚文化已經到了原始社會個晚期。良渚文化衰亡得很快，衰落原因假說乃朝主要有：洪水講法或發展受阻等。

最後是馬橋文化（距今3200年）。箇種文化個出土文物較良渚文化相比，數量搭質量儕下降了，而且文化風格上更加受到閩江流域考古文化以搭山東嶽石文化（東夷）個影響。

有意思個是，1999年，專家勒拉松江考古個辰光發現廣富林文化，發現伊是一個從中原來個人群，約莫距今4000年前到仔太湖流域，勒拉後頭幾百年裡向慢慢融入當地而消失^[2]。

周到隋末

上海春秋屬吳越兩國邊境，戰國時期，周元王三年（越王勾踐二十四年，公元前473年），越國滅吳，上海地區屬越。戰國中期，楚滅越，又歸屬楚。楚考烈王十五年（公元前248年），戰國四公子之一春申君黃歇受封勒吳，上海屬於其封地，貫穿現代上海個黃浦江也稱春申江，故上海別稱為「申」。

秦統一後，置會稽郡勒吳縣（治乃朝江蘇省蘇州市）。乃朝嘉定區西部屬於婁縣（治乃朝江蘇省崑山市東北），乃朝松江縣、青浦縣搭閔行區岡身以西地區勒由拳縣（治乃朝浙江省嘉興市南）境；乃朝金山區搭奉賢縣岡身以西地區屬海鹽縣（治乃朝金山區張堰鎮南）。

西漢初期，上海地區曾分屬勒楚王韓信、荊王劉賈、吳王劉濞領地。兩漢時期歸屬婁、由拳、海鹽3縣。三國兩晉時期，上海地區分屬吳郡婁、嘉興、海鹽3縣。東漢建安二十四年（219年），東吳名將陸遜曾被封為華亭侯，是正史第一次出現「華亭」地名，也往往畀認為是上海地方史個開端。^[3]

南北朝時期建制變動頻繁，上海地區畀揚州管。隋朝滅脫南朝陳，上海地區分屬蘇州搭杭州：乃朝嘉定區、青浦縣大部、松江縣西北部屬崑山縣；乃朝松江縣大部、金山縣西北部、青浦西南等地屬吳縣；乃朝金山縣大部、奉賢縣部分地區屬鹽官縣。

唐宋元時期

到唐代中葉，乃朝上海地區個農業、漁業搭鹽業已經有一定個發展，勒天寶十載（751年）設立華亭縣（縣城即乃朝松江區松江鎮），屬於蘇州管轄，是上海地區建縣個開始。華亭縣轄境約勒上海地區吳淞江故道以南，川沙—惠南—大團一線以西地區。上海地區隸屬崑山、華亭兩縣。

北宋初年，蘇州南部分設秀州（州治勒乃朝浙江省嘉興市），華亭縣即歸屬改屬秀州管轄。箇辰光華亭縣以東個海灘，已經成為重要鹽場，「人煙浩穰，海舶輻揍」，商業日益發達。宋宣和元年（1119年），隨著松江（吳淞江，即蘇州河）航道重新疏浚，縣城以北松江南岸個青龍鎮發展成為繁華一時個商業中心（乃朝青浦區境內）。據宋詩人梅堯臣勒《青龍雜誌》中記載，青龍鎮有二十二橋、三十六坊，還有「三亭、七塔、十三寺，煙火萬家」，時人譽稱「小杭州」。但當年作為華亭一個海口個上海，仍然是個荒涼個漁村。到南宋末年，由於吳淞江上游個淤淺，青龍鎮逐漸喪失了作為長江口良港個地位，而日趨蕭條冷落。箇時，貿易中心轉移到華亭縣東北部，青龍鎮下游70公里處的一條小河上海浦個西側，那裡由漁村變成初具規模個小鎮。南宋咸淳三年（1267年），正式設立上海鎮，並派鎮將駐守。

此後不久，蒙古軍隊攻入江南，南宋滅亡。1277年（至元十四年），元朝勒上海鎮設立市舶司，托廣州、泉州、溫州、杭州、慶元（寧波）、澉浦（海鹽）合稱全國七大市舶司。本埠市舶司個衙門設勒後來個上海縣署內，即今小東門內方浜中路以南個光啟路高頭。同年，又拿華亭縣升格為松江府。

1291年（至元二十八年）8月19號，元朝批准設立上海縣，縣治勒乃朝上海市中心原南市區（乃朝屬黃浦區），隸屬於松江府，箇是上海建縣個開始。

宋末元初，相傳黃道婆搭當地婦女一道發展紡織技術，拿松江地段個紡織業親手做起來哉。

明代上海

明代上海

開埠前個上海，城牆尚存

中文版《幾何原本》中個插圖，利瑪竇搭徐光啟

徐光啟墓

明代，上海地區沿吳淞江故道分屬松江府搭蘇州府。松江府所轄個上海地區起初設有華亭縣搭上海縣，後來勒嘉靖、萬曆年間，增設了青浦縣。蘇州府所轄個上海地區則設有嘉定縣搭崇明縣。

明永樂年間（15世紀初），為了解決吳淞江長期淤積、通航不暢個問題，政府主持進行了一項稱為「黃浦奪淞」個大型水利工程，即拓寬黃浦江搭吳淞江個下游，原來吳淞江個下游成為黃浦江個入海水道。隆慶三年，海瑞主持吳淞江水利工程，吳淞江此後徹底成為黃浦江個一條支流。從此以後，黃浦江成為這一地區主要個航運通道。

到弘治年間（1488年－1505年），上海縣已經是「人物之盛、財賦之多，蓋可當江北數郡，蔚然為東南名邑。」，縣治形成5條主要街道：新衙巷、新路巷、薛巷、康衢巷、梅家巷^[4]，到嘉靖年間，縣治個街坊增加到61個，形成縱橫交錯個道路網^[5]。上海地區商肆酒樓林立。

上海設縣後240多年中，一直沒有城牆。直到1553年（嘉靖年間），為抵禦倭寇，才趕工勒2個月內修築了橢圓形個上海城牆，全長4.5公里，高7米，開有6個城門，其中東面臨黃浦江開3個城門：寶帶門（小東門）、朝宗門（大東門）、朝陽門（小南門），箇3座城門搭西面個儀鳳門（老西門）都設有水門。城外開鑿有寬約20米個護城河。城內搭其他太湖流域城市一樣，河網密布，街道大多臨河而建。城內最主要個河道是直通大東門托老西門個肇嘉浜，東通黃浦江（勒乃朝外馬路托復興東路南面個白渡路口），西面可達松江府城。此外尚有方浜、薛家浜等。

明代，松江府轄境是全國最大個棉紡中心。

清代上海

1830年代以前

1685年（康熙廿四年），勒1683年攻下台灣後，勒上海設置關稅司，分攤取代部份福建泉州關稅司功能。清初，上海個行政區又進行了沿革，逐步形成了乃朝上海個規模。清朝沿襲明制歸屬江南省松江府，設江海關。

鴉片戰爭前後

勒鴉片戰爭後期，1842年，英國軍隊曾經占領了上海，然後沿長江西進，奪取京杭大運河托長江交匯處個鎮江，切斷清朝政府來自南方個財源，逼道光皇帝同意談判。1842年8月29號，中英《南京條約》勒南京簽訂，規定除原有個廣州口岸外，新開闢上海、寧波、福州、廈門四處為對外通商口岸（簡稱「五口通商」），允許英國僑民前去居住、經商（後來又有10多個國家陸續取得此項權利）。

開埠早期

1843年11月17號，頭一任英國駐滬領事巴富爾到上海就任，標誌上海正式開埠。伊個辰光，一批英國洋行從廣東過來，比方講怡和洋行、寶順洋行、和記洋行，伊拉發現上海是五口裡向頂靠近絲綢、茶葉產地個港口，故咾看好伊。伊個辰光，中國主要出口個生絲是浙江湖州南潯鎮附近個輯里絲，從南潯到上海，內河航運頂便當。英國領事同上海道台多次談判，大致敲定英租界個範圍是縣城以北個黃浦江西岸，從洋涇浜（1916年填脫變成愛多亞路，也就是現在個延安東路）往北到李家莊（現在個北京東路）個荒灘——外灘，箇面後些來造出仔最早一批洋行建築——李家莊往北到蘇州河造了只英國領事館。

清政府希望根據廣州個慣例，勒拉上海也同樣進行華洋隔離居住，故咾1845年11月29號，上海道台同英國駐滬領事一道商定出上海租地章程。箇份土地章程畀認為是上海租界存在搭運作個法理依據。第二年12月22號，一個英國僑民成立個自治機構道路碼頭委員會成立，修界路（現在個河南中路）來確定租界個西面邊界。上海開埠初期，英租界裡向嚴格華洋分居，界裡向只有少數世代憕拉箇面個中國農民，英美等外國僑民約莫300人，大多數是英國人。

1848年，倫敦會個英國傳教士去青浦縣傳教，吵相罵打起來。作賠償，11月27號，英租界頭一趟擴充，西界從界路（河南中路）向西擴充到周涇浜（現在西藏中路），面積也多到2800多畝。

1844年，中美《望廈條約》簽訂，內容參考中英《南京條約》，美國傳教士搭商人也就開始來上海。同英國僑民主要是商人弗一樣，美國僑民里向弗少是傳教士，伊拉為咾傳教，並未憕拉租界裡向，而是散拉縣城內外。伊拉拉城內立足以後，1848年，主教文惠廉請求上海地方官允許美國僑民勒拉虹口開租界，但並嘸沒正式定邊界。虹口美租界因為有蘇州河隔拉，咾荒個，只有江邊有一些船塢、碼頭，同畀船夫水手服務個娛樂場所。1846年，第一位美國商人吳利國（Ltentry G.Wolcott）來上海，畀委任做代理領事，勒拉英租界九江路浪自家個洋行升起美國國旗，箇是租界裡向升起個頭一面外國國旗（伊個辰光，英國領事館還設拉上海縣城裡向），箇樁事體吸引來英國領事個干涉。箇以後，絕大多數美國洋行儕設拉蘇州河南面個英租界裡向，英租界也逐步國際化，同美租界合併，變成上海公共租界。

1844年10月，中法《黃埔條約》簽訂。1848年，法國領事駐紮上海。1849年4月6號，上海道台宣布緊貼拉縣城北門外頭，北到洋涇浜個986畝土地畀法國人開租界。弗過，法國來個商人一直弗多，故咾法租界空有好區位，幾乎嘸沒啥開發，只勒拉江邊有一兩家法國個洋行，法國領事館憕拉天主教會個一家中國式平房裡向（勒拉今朝四川南路），縣城老北門外頭個街（河南南路）邊壗有兩排中國人個房子，其他地方嘸沒啥變化。必過，法國來個天主教傳教機構人相當多。耶穌會勒拉上海開埠前個1842年，鴉片戰爭還嘸沒結束個辰光，就已經到上海附近浦東、松江等農村哉。1847年，伊拉勒拉上海西郊個徐家匯造天主教江南傳教區個總部，後些來陸陸續續造仔大、小男修道院，2所女修道院，藏書樓，氣象台，土山灣印書館，男子中學，女子中學，育嬰堂等拷廿只教會機構，形成教會區。1851年，伊拉造了座公用個中型教堂聖依納爵座堂，外形希臘風格個，拿耶穌會創始人個名字依納爵畀伊起個名字。

租界發展搭初步繁榮

1933年個上海市中心，大致上也就是1899年上海個全部市區範圍：南市是華界，北面蘇州河兩岸是公共租界，勒拉兩家頭當中個是法租界

1853年9月7號，小刀會發動起義，占領上海縣城，殺脫上海知縣，拿上海道台關起來。1853年3月，太平天國占領南京。4月12號，上海租界裡向個外國人迅速做出反應，召開上海租地西人大會，通過由僑民組織萬國商團（義勇隊）個決議，實行武裝中立，維護租界個安全。1854年4月4號，清軍想通過租界進攻占脫縣城個小刀會起義軍，萬國商團勒拉英、美海軍個幫助下頭弗讓清軍過界，也就是泥城之戰。1855年2月17號，小刀會退出上海縣城。

1854年7月11號，上海外國租地人舉行大會，通過第二次土地章程，成立獨立個市政機構——工部局，建立警察武裝。 　

1860年8月17號，太平天國軍隊頭一趟攻打上海。1862年1月11號，太平天國軍隊第二趟攻打上海。1862年8月，太平天國起義軍第三趟攻打上海。

1862年5月1號，上海法租界公董局成立，宣布法租界退出工部局。

1862年11月，勒拉上海個外國商人提出拿上海開闢成自由市個想法，弗畀任何國家管咾。箇個計劃畀各國公使以弗得干涉中國內政為由回絕脫。1863年9月21號，美租界搭英租界正式合併。1864年5月1號，上海會審公廨成立。1869年，洋涇浜設官會審章程公布。

箇些打仗讓弗少周邊鄉下個人逃進租界裡向，讓清朝徹底失去對租界個控制，拿華洋分居個規定打破脫哉，造仔交交關關石庫門，逐步變成功華洋混居個狀態；租界也獲得弗少便宜個勞動力，再加上《北京條約》簽訂以後，長江搭北方弗少口岸開放，上海個地理優勢越來越突出，更多個外國商人選擇上海作伊拉勒拉中國個貿易基地，開設領事館。清朝勒拉箇段辰光，為了讓外國幫忙打小刀會搭太平天國，出讓上海海關，箇更加吸引商人跑到上海。自1858年《天津條約》簽訂到1906年，鴉片買賣合法化，上海也成為當時中國最主要個鴉片輸入港口。

19世紀末20世紀初個轉折辰光

1894年，甲午戰爭爆發，上海形勢也趨於緊張。日本因為害各國勒拉上海個勢力插手，對外宣布上海是中立區域，承諾戰爭弗打到上海。中國輸脫以後，日本弗僅獲得朝鮮個宗主權搭台灣，成為列強之一，勒拉漢口、天津甚至重慶、蘇州、杭州開闢租界，但是伊勒拉上海開闢租界個想法失敗哉。

根據戰後簽訂個《馬關條約》，外國人好勒拉中國開辦工廠，箇以後，日本、英國等國勒拉黃浦江下游個楊樹浦地區陸陸續續開仔交交關關個近代企業。上海也迅速發展成中國頂大個工業中心。

1893年，上海公共租界個範圍正式劃定。1900年上海法租界擴張。

根據《辛丑條約》，規定大清要同海外合資疏浚上海黃浦江個航道，經多方協商，決定所有改善搭仔保全黃浦江河道個生活，包括吳淞內外沙灘個生活，儕由江海關道搭仔稅務司管理，清廷承擔所以個經費。1905年（光緒三十一年），清廷成立黃浦河道局（上海黃浦江浚浦局），每年發銀46萬海關兩，花廿年辰光來治理黃浦江^[6]。1906年6月份，荷蘭工程師萊克（J.D.Ryke）擔任浚浦局個總工程師，是整治吳淞口個第一位外國專家。1907年（光緒三十三年），伊主持開始進行黃浦江改善施工，1909年（宣統元年）伊回荷蘭前進行多項河道工程，包括吳淞碼頭搭仔高橋新航道。黃浦江治理工程攏總花脫六百四十三萬兩銀子，占伊個辰光大清總經費個89%，只做仔一半個生活^[6]，實現黃浦江航道整治個初步目標^[7]。

中外衝突事件

十九世紀七十年代以後，上海法租界個發展越來越快，對土地個需求增加交關。四明公所因為勒拉法租界邊浪，貤是旅滬寧波人個同鄉會兼公墳，故咾1874年，法租界認為伊有礙衛生，計劃拿伊遷出租界，原來地方開路，想強行收脫四明公所個地，結果發生衝突，大家打起來，死傷數人，也就是第一次四明公所事件。1898年，上海發生鼠疫，法租界當局重提修路搭弗衛生個事體，強拆強占公所，導致勒拉上海個寧波人聚拉一道抗議，攏總畀打死17個人，也就是第二次四明公所事件。

1905年，因為會審公廨錯判黎黃氏，弗按規章判決，上海民眾罷工甚至圍攻巡捕房。

民國上海

民國初期

1911年，辛亥革命，清朝豪𢜶滅亡，箇咾會審公廨個司法權完全落拉領事手裡向，而弗少清朝個遺老遺少逃到上海租界裡向。1912年1月1號，中華民國成立，必過太弱哉，地方浪軍閥當道，社會無序混亂。箇個辰光，租界像只國中之國一樣，嘸沒受到箇個混亂個影響，勒拉經濟、人口等方面儕進一步加速發展。可以講，1912年到1936年是上海租界高度繁榮個階段。

1914年，第一次世界大戰爆發，雖然戰場勒拉遠開八隻腳個歐洲，但上海租界裡向列強原來個均衡狀態畀破壞哉，上海租界裡有優勢個英法等國家連忙拿德國奧匈帝國擠出租界，英國拉亞洲個盟友日本則獲得德國人挺下來個空位。1917年8月14好，中國對德宣戰，宣布廢脫德、奧勒拉中國個所有特權，收回伊拉勒拉漢口、天津個租界，關脫伊拉駐在各地、包括上海公共租界裡向個領事館。1918年，第一次世界大戰以協約國個勝利告終，上海也舉行盛大個慶祝儀式。

必過，勒拉第一次世界大戰結束後個巴黎和會上，中國代表提出租界問題，嘸沒啥結果。

自1899年上海公共租界大擴展之後僅十幾年，因為上海經濟飛速發展，新發展個北區（商業區）、西區（住宅區）搭東區（工業區）基本浪向儕造好哉。1915年1月27號，公共租界工部局貤推出《推廣租界草案》，3月4號刊登拉《工部局公報》上。但是因為第一次世界大戰，箇趟擴張計劃畀放棄脫。

必過，1901年到1912年，工部局已經勒拉多個方向越界修路，拉馬路上設置巡捕。1906年，公共租界工部局開始向越界築路區域用租界自來水個人徵收特別房捐（又叫水捐、巡捕捐）。民國初年，越界築路區域也畀划進會審公廨管個範圍里向，事實浪已經成為「准租界」區域哉。

1914年4月8號，上海法租界簽訂推廣條款，向西擴張到徐家匯，有13000畝土地，包括十幾年裡向所有越界築路個地儕划進法租界。整個上海法租界個面積達到15150畝（10平方公里），成為中國面積最大個專管租界。

第一次世界大戰個辰光，華僑華人紛紛來到上海開商店。先施公司、永安百貨兩家華人百貨公司開業^[8]。

1920年代

1920年8月，中國共產黨偷偷交勒拉上海法租界成立。1921年7月23號召開第一次全國代表大會。

民國初，上海行政浪歸江蘇省，但駐防上海個松滬護軍使事實上歸浙江督軍管，楊善德、盧永祥等儕是皖系個人。1924年9月，直系江蘇督軍齊燮元，聯合福建孫傳芳、安徽張文生，向盧永祥發動進攻。9月18號，齊燮元個部隊攻占杭州搭浙江全省，盧永祥退到上海。10月，兩軍勒拉上海近郊發生激烈個戰鬥。13號，盧永祥逃到日本去哉，江浙戰爭結束。箇趟戰爭破壞邪氣嚴重，弗少難民湧進租界裡向。1925年1月，齊燮元又畀奉系軍閥邢士廉趕了跑。10月份，孫傳芳又趕脫邢士廉。1927年2月下旬，孫傳芳同奉系合作對抗北伐軍，讓奉軍個畢庶澄部駐防上海，孫退守揚州。

3月21號，北伐軍逼近上海，國民黨員鈕永建搭仔共產黨員周恩來組織上海工人糾察隊暴動，占領租界以外個上海市區，成立上海特別市臨時市政府。

1925年5月份，上海日資內外棉紗廠第八廠廠長槍殺罷工工人代表顧正紅。5月30號，上萬名工人、學生、群眾勒拉租界示威遊行，有學生勒拉最繁華個商業街南京路畀巡捕捉脫。學生搭群眾涌到老閘捕房門前示威，印度巡捕向群眾開槍，打死13人，打傷40多人，工部局戒嚴，造成五卅慘案。事件引發中國社會各界對外國勢力個不滿情緒，普遍發生學生罷課、工人罷工、商人罷市，要求廢除脫不平等條約，拿租界收轉來，取消列強勒拉中國個各種特權，因此導致上海公共租界個大規模越界造路完結。

1927年初，中國國民黨右派對左派控制個武漢政府個容共政策搭仔鼓勵工農群眾運動個做法弗滿。3月24號，北伐軍攻進南京，殺害外國僑民，英美軍艦炮擊南京，也就是南京事件。4月2號，蔡元培、張靜江、吳稚暉、李石曾等國民黨元老勒拉上海開中國國民黨中央監察委員會會議，要求「清黨」，拿共產黨人清出去。上海青幫頭目黃金榮、張嘯林、杜月笙等組織右派工會「中華共進會」、「上海工界聯合會」，同中共領導個上海總工會進行對抗。上海兩個租界也害1月份收回漢口英租界、九江英租界、3月份南京事件箇種事體會得發生垃伊拉頭浪向，勒拉蔣介石保證弗通過武力改變租界現狀以後，答應提供援助。4月11號夜到頭，杜月笙誘捕殺脫上海總工會負責人汪壽華。4月12號凌晨，「中華共進會」、「上海工界聯合會」從上海租界衝出去打華界個上海總工會糾察隊。白崇禧個國民革命軍第26軍強行收繳工人糾察隊個武器，殺脫300多人。4月13號，上海總工會召開工人大會，聲討蔣介石。10萬多工人、學生到寶山路國民革命軍第26軍第二師周風歧司令部請願，結果畀掃射，當場打死100多人。接下來，蔣介石下令解散上海特別市臨時市政府、上海總工會搭一切共產黨組織，搜捕共產黨員搭支持者，逮捕千餘人，槍斃首要份子。到15號已經殺脫300多人，抓脫500多人，還有5000多人無脫。箇就是四·一二事件。

此後，中國共產黨個中央機關秘密囥拉公共租界中區個雲南路交關年數，直到1933年江西蘇區穩定纔遷過去。1931年6月22號，中國共產黨第三任最高領導人向忠發勒拉上海被捉牢，叛變，被殺脫。

1930年代

1930年代，上海個繁榮鼎盛。伊吸收仔交關從其他城市跑過來個商人搭仔1928年確定南京是中華民國首都以後南下個商人，發展唻邪氣漂亮。大批文化名人也聚集拉上海，美國好萊塢影片也邪氣受歡迎，文化事業也特別發達。

1925年上海公共租界工部局停止越界造路以後，上海租界從攤大餅轉變成向上尋空間，開始大規模造高層建築。而上海特別市政府決定勒拉公共租界東北面實施大上海計劃，造「新上海市中心區」，同租界進行競爭。

日本部隊轟炸以後個上海商務印書館，1932年

淞滬會戰，1937年

1931年九一八事變後，中國民間反日情緒高昂，日本方面聲稱會得採取自衛手段保護日本僑民個利益。1932年1月18號，上海公共租界東區（楊樹浦）貼壁個華界馬玉山路三友實業社門外，發生日本僧人畀工廠糾察隊打死個日僧事件，日本僑民大肆報復，拿三友實業社燒脫，砍死租界個華人巡捕，襲擊華人個商店。1月28號23點30分，日軍海軍陸戰隊從北四川路向西占領淞滬鐵路，勒拉天通庵車站打起來，也就是淞滬抗戰。1月29號凌晨，日本戰機轟炸閘北華界，拿寶山路584號商務印書館搭仔中國頂頂大個私人圖書館東方圖書館炸壞脫。中日兩國勒拉閘北打仔一個多號頭，甚至南京國民政府臨時搬到洛陽過。3月2號，日軍勒拉太倉瀏河登陸，中國軍隊腹背受敵，開始撤軍，宣布停站。5月5號，中日簽訂《淞滬停戰協定》，日軍返回打仗前個防區（上海公共租界北區、東區搭仔越界造路區域），國軍蹲拉滬寧鐵路浪個安亭鎮到長江邊個滸浦一線，當中劃成非軍事地區。閘北華界毀脫4204家商店，房屋燒脫1.97萬戶。

正式簽訂停戰協定前，4月29號，日本人勒拉虹口公園閱兵，慶祝日本天皇生日搭仔日本打仗打贏哉。韓國人反日人士尹奉吉勒拉人群當中，向主席台厾炸彈，炸死白川義則，炸斷日本駐華公使重光葵一條腿，海軍中將野川吉三郎一隻眼睛畀炸唻瞎脫，也就是虹口公園爆炸案。

1937年8月13號，約70萬中國軍隊勒拉上海附近同日本部隊展開長達3個號頭個淞滬會戰，輸脫，日本占領上海除脫租界以外個所有地方。閘北華界幾乎全部被毀脫，上海公共租界個北半部，也就是今朝個虹口、楊浦兩區作為日軍防區搭仔日本勢力範圍也一樣毀唻弗清，變成今朝講個下只角地區。同濟大學（吳淞）、復旦大學（江灣）、上海法學院等儕畀炸脫。

孤島年代

主文章：孤島時期

從1937年淞滬會戰到1941年太平洋戰爭，上海法租界搭仔蘇州河以南個半隻上海公共租界畀日本人占領區圈起來像座孤島，開始長達4年個孤島時期。租界裡向還是工部局搭仔公董局管理，同淪陷區搭仔打仗個地方比相對穩定，再加上上海對內、對外交通、貿易完全自由，故咾人搭仔資本湧進租界，經濟上畸形繁榮^[9]。但是孤島個上海並弗是絕對個安全，日本部隊好拿拉槍勒拉租界裡向遊行，汪精衛政權成立「國民黨中央執行委員會特務委員會特工總部」（俗稱「極司非爾路76號」），暗殺抗日分子。

文化事業也是畸形繁榮。滬劇、滑稽戲初步定型，還出現具有濃厚抗日救亡氣息個「孤島文學」。

1940年代

1941年12月7號，日軍偷襲珍珠港，爆發太平洋戰爭，日本正式向英國、美國宣戰，日軍進駐上海租界蘇州河以南個地方（義大利界區搭仔維希法國個上海法租界到1943年才正式收回），上海全市全部淪陷。日本人解散萬國商團，拿英美等敵國個僑民抓到集中營。

1943年1月份，英美兩國同蔣介石個重慶政府簽訂條約，宣布放棄伊拉勒拉中國個特權，包括租界。1943年2月23號，法國維希政府宣布同意放棄伊勒拉中國個租界。7月30日，汪精衛政權收回上海法租界；8月1日，汪精衛政權收回上海公共租界。10月10號，拿租界地區240條路個名字從外國人個名字改成功中國區劃名字搭仔人名咾啥個。

1945年，蔣介石政府從日軍手裡向接過上海。第二年，國民政府統領個國民革命軍同中國共產黨領導個中國人民解放軍之間爆發大規模個內戰，仗越打規模越大，國民政府區個經濟也崩脫哉。1949年5月27號，解放軍控制上海全境。

注釋