Frankryk

Franse Republiek
*République française* (Frans)
Vlag	Wapen
	Nasionale leuse: Liberté, égalité, fraternité; (Frans vir: "Vryheid, Gelykheid, Broederskap")
	Volkslied: Marseillaise;
Hoofstad	Parys 48°51′N 2°21′O
Grootste stad	Parys
Amptelike tale	Frans
Regering ; • President; • Eerste minister	Unitêre semi-presidensiële; grondwetlike republiek; Emmanuel Macron; Élisabeth Borne
Onafhanklikheid Stigting van die; • Frankiese Ryk; • Wes-Frankiese Ryk; • Eerste Franse Republiek; • Huidige grondwet	; ; 486; 10 Augustus 843; 22 September 1792; 4 Oktober 1958
Oppervlakte; - Totaal; ; - Water (%)	; 643 801[1] km2 (42ste); 248 573 myl2; 0,86 (2015)[2]
Bevolking; - 2022-skatting; - 2012-sensus; - Digtheid	; 67 841 000[3] (20ste); 64 880 000[4]; 105,4 / km2 (89ste); 272,9 / myl2
BBP (KKP); - Totaal; - Per capita	2022-skatting; $3 678 miljard[5] (9de); $56 036[5] (26ste)
BBP (nominaal); - Totaal; - Per capita	2022-skatting; $2 937 miljard[5] (7de); $44 747[5] (23ste)
MOI (2019)	0,901[6] (26ste) – baie hoog
Gini (2020)	29,3[7] – laag
Geldeenheid	Euro (€) (EUR)
Tydsone; - Somertyd	MET (UTC+1); MEST (UTC+2)
Internet-TLD	.fr
Skakelkode	+33

Frankryk (Frans: France, [fʁɑ̃s], luister (hulp·inligting)), amptelik die Franse Republiek (République française, [ʁepyblik fʁɑ̃sɛːz], luister (hulp·inligting)), is 'n sentralistiese, demokratiese republiek in Wes-Europa, begrens deur België, Luxemburg, Duitsland, Switserland, Italië, Monaco, Spanje en Andorra.

Quick facts: ... ▼

Frankryk is 'n stigterslid van die Europese Unie (en tans volgens sy oppervlakte ook die grootste lidland) asook 'n stigterslid van die NAVO en die Verenigde Nasies. In 1999 is die Euro-geldeenheid ingevoer en in 2002 die Euro-banknote en -muntstukke.

Naas die metropolitaanse (Europese) gebied van Frankryk is daar oorsese gebiede in die Karibiese See (onder meer 'n gedeelte van die eiland Saint-Martin), Suid-Amerika (Frans-Guyana), Noord-Amerika (Sint Pierre en Miquelon), in die Indiese Oseaan (Mayotte en Réunion) en in Oseanië (Frans-Polinesië en Wallis en Futuna).

Die naam Frankryk is afgelei van die Franke, 'n Germaanse volk wat die gebied ná die einde van die Romeinse Ryk verower het. Hulle het met Frans 'n Romaanse taal aangeneem en uiteindelik die Franse geword.

Die land, wat meer as dubbel so groot is soos die Verenigde Koninkryk, het ná die Tweede Wêreldoorlog 'n vinnige groei van sy stedelike gebiede beleef. Desondanks is die grootste deel van die land plattelandse gebiede, en die landbousektor speel tradisioneel 'n baie belangrike rol in die binnelandse politiek van Frankryk.

Die land se lang en ryk geskiedenis bly lewendig in sy Romeinse ruïnes, middeleeuse katedrale en stede. Die erfenis van die tydperk voor die Franse Rewolusie van 1789 sluit talle 18de eeuse kastele (châteaux) in. Frankryk was ook in 2018 met 89,4 miljoen besoekers die gewildste toeristebestemming ter wêreld.[8]