Национален олимписки комитет

Националните олимписки комитети (НОК) се претставници на светското олимписко движење во поединечни земји. Подлежат на контрола од Меѓународниот олимписки комитет (МОК) и се одговорни за организирање на учеството на нивната земја во Олимписките игри. Кога се врши избор за град-домаќин комитетите можат да предлагаат градови во рамките на своите земји. НОК воедно го промовираат развојот на спортистите и обуката на тренерите и службениците во нивната земја.

Олимпискиот комитет задолжен за Република Македонија е Македонскиот олимписки комитет

Постојат 204 национални олимписки комитети,^[1] кои претставуваат суверени држави и разни територии. 192 од 193-те земји членки на ООН имаат свој НОК (со исклучок на Јужен Судан, кој ја стекнал својата независност на 9 јули 2011, па затоа сè уште нема свој НОК).^[2] Комитети имаат и уште 12 територии:

• Тајван, во МОК се води како „Кинески Тајпеј“
• Палестинска Самоуправа, во МОК се води како „Палестина“
• Четири територии на САД: Американска Самоа, Гуам, Порторико и Американските Девствени Острови (во МОК се водат само под „Девствени Острови“)
• Три британски прекуморски територии: Bermuda, Британските Девствени Острови и Кајманските Острови
• Едена територија на Кралството Холандија на Карибите: Аруба. Холандските Антили го загубиле статусот во јули 2011 поради нивното распуштање во 2010.^[3][4]
• Хонгконг, специјален административен регион на НР Кина
• Кукови Острови, придружна држава на Нов Зеланд

Сите НОК-ови се членки на Здружението на националните олимписки комитети (ЗНОК или ANOC), кое е поделено на пет континентални здруженија:

Континенти		Здружение	Бр. на НОК-ови	Најстар НОК	Најнов НОК
	Африка	Здружение на националните олимписки комитети на Африка	53	Египет (1910)	Еритреја (1999)
	Америка	Панамериканска спортска организација	41	САД (1894)	Доминика (1993) Света Луција (1993) Свети Кристофер и Невис (1993)
	Азија	Олимписки совет на Азија	44[5]	Јапонија (1912)	Тимор-Лесте (2003)
	Европа	Европски олимписки комитети	49	Франција (1894)	Црна Гора (2007)
	Океанија	Национални олимписки комитети на Океанија	17	Австралија (1895)	Тувалу (2007)

Список на национални олимписки комитети по година на признавање

Ова е хронолошки список на сите 204 признаени НОК-ови од 1894 до денес. Многу од нив се основани долго пред да бидат признаени, додека пак други се прифатени веднаш по нивното формирање. На списокот се изоставени поранешни држави (како на пр. СФРЈ, СССР, Чехословачка итн).

1894	Франција, САД
1895	Австралија, Германија, Грција, Унгарија
1900	Норвешка
1905	Велика Британија, Данска
1906	Белгија
1907	Канада, Финска
1909	Португалија
1910	Египет
1911	Турција
1912	Австрија, Јапонија, Луксембург, Србија,[6] Холандија, Швајцарија, Шпанија
1913	Шведска
1914	Романија
1915	Италија
1919	Нов Зеланд, Полска
1922	Ирска, Латвија
1923	Аргентина, Естонија, Мексико, Уругвај
1924	Бугарија, Литванија, Хаити
1927	Индија
1929	Филипини
1933	Израел
1934	Чиле
1935	Бразил, Венецуела, Исланд, Лихтенштајн
1936	Авганистан, Бермуда, Боливија, Јамајка, Малта, Перу
1937	Шри Ланка (тогаш „Цејлон“)
1947	Гватемала, Иран, Јужна Кореја (во МОК се води како „Кореја“), Мјанмар (тогаш „Бурма“), Панама
1948	Гвајана (тогаш „Британска Гвајана“), Ирак, Колумбија, Либан, Пакистан, Порторико, Сингапур, Сирија, Тринидад и Тобаго
1950	Тајланд, Холандски Антили
1951	Нигерија, Хонгконг
1952	Бахами, Гана (тогаш „Златен Брег“), Израел, Индонезија
1953	Монако
1954	Етиопија, Костарика, Куба, Малезија (тогаш „Малаја“)
1955	Барбадос, Кенија, Либерија, Фиџи
1956	Уганда, Хондурас
1957	Северна Кореја, Тунис
1959	Албанија, Еквадор, Мароко, Никарагва, Сан Марино, Судан, Суринам
1960	Кинески Тајпеј (тогаш „Република Кина“, основ. 1922)
1962	Бенин (тогаш „Дахомеј“), Доминиканска Република, Ел Салвадор, Монголија
1963	Брег на Слоновата Коска, Јордан, Камерун, Либија, Мали, Непал, Сенегал
1964	Алжир, Замбија, Конго, Мадагаскар, Нигер, Сиера Леоне, Чад
1965	Гвинеја, Саудиска Арабија, Того, Централноафриканска Република
1966	Кувајт
1967	Белиз (тогаш „Британски Хондурас“), Девствени Острови
1968	Габон, ДР Конго, Малави, Танзанија
1970	Парагвај
1972	Буркина Фасо (тогаш „Горна Волта“), Лесото, Маврициус, Свазиленд, Сомалија
1974	Папуа Нова Гвинеја
1975	Андора
1976	Антигва и Барбуда, Гамбија, Кајмански Острови
1978	Кипар
1979	Бахреин, Виетнам, Лаос, Мавританија, Мозамбик, НР Кина (осн. 1954), Сејшели
1980	Ангола, Бангладеш, Боцвана, Зимбабве, Катар, ОАР
1981	Јемен
1982	Британски Девствени Острови, Оман
1983	Бутан, Самоа (тогаш „Западна Самоа“), Соломонски Острови
1984	Брунеј, Гренада, Екваторска Гвинеја, Руанда, Тонга, Џибути
1985	Малдиви
1986	Аруба, Гуам, Кукови Острови
1987	Американска Самоа, Вануату, Свети Винсент и Гренадините
1991	Естонија (признаена), Латвија (признаена), Литванија (признаена), Намибија, ЈАР
1993	Азербејџан, Белорусија, БиХ, Бурунди, Грузија, Ерменија, Зелено'ртски Острови, Доминика, Казахстан, Киргистан, Комори, Молдавија, Македонија, Русија, Саун Томе и Принсип, Света Луција, Свети Кристофер и Невис, Словачка, Словенија, Таџикистан, Туркменистан, Узбекистан, Украина, Хрватска, Чешка
1994	Камбоџа, Науру
1995	Гвинеја-Бисао, Палестина
1997	Сојузни Држави на Микронезија
1999	Еритреја, Палау
2003	Кирибати, Тимор-Лесте
2006	Маршалски Острови
2008	Тувалу, Црна Гора

Непризнаени национални олимписки комитети

Спортскиот и олимписки комитет на Макао е основан во 1987 и има извршено обиди да се зачлени во МОК, но досега нема официјално признание. Макао сепак се натпреварува на Параолимписките игри.

Фарските Острови имаат признаен национален параолимписки комитет.

Други земји/области без признаени комитети се: Ангвила, Абхазија,^[7] Гибралтар,^[8] Каталонија,^[9] Косово,^[10] Ниуе,^[11] Сомалиленд,^[12] Нова Каледонија,^[13] Курдистан, Северен Кипар,^[14] американските староседелци,^[15][16] Северните Маријански Острови, Монтсерат и Туркс и Кајкос.^[17] Фарски Острови,^[18] Француска Полинезија,^[19]

Поврзано

„Национален олимписки комитет“ на Ризницата ?

• Меѓународен олимписки комитет
• Македонски олимписки комитет
• Список на државни кодови на МОК - кодови на НОК-ови